Un ano máis no centro conmemoramos o día escolar da non violencia e da paz o 30 de Xaneiro.
Este ano quixemos facer visibles mediante esta homenaxe a todas aquelas mulleres que foron galardoadas co premio Nobel da Paz, e que loitaron por unha sociedade máis xusta, solidaria e igualitaria.
Moitas son tamén de seguro as mulleres anónimas que non son galardoadas e que traballan día a día, dando grandes ou pequenos pasos hacia unha sociedade máis igualitaria, e que deben ser tidas en conta, nas nosas casas, pobos e cidades.
Dende o centro, e mediante o plan proxecta "Donas de sí" que estamos a desenvolver neste curso 2017-2018, quixemos por o noso gran de area e adicarlle este día a todas esas mulleres, anónimas ou non, facendo visible o papel da muller na sociedade e concienciando as nosas nenas e nenos na igualdade de xénero e de dereitos.
Aquí vos deixamos unha imaxe do mural feito polo alumnado e para rematar queremos facer mención á frase da nena galardoada co premio Nobel da Paz no 2014 Malala Yousafzai:
"Un neno, un profesor, un libro e unha pluma poden cambiar o mundo. A educación é a única solución."
