Blogues

ACTUACIÓN DO MAGO BENXAMÍN

Sáb, 04/01/2020 - 15:29 — rocio

O martes tivemos unha sesión de maxia con Mago Benxamín. Fixo trucos que nos gustaron moito, como cando sacou moitas cintas de cores, cando pasou un coelliño dunha pizarra a outra ou cando puxo a súa chaqueta rosa estando atado cunhas cordas.
Que ben o pasamos!!!!

Peques de A Laxe

blogue de rocio

CELEBRACIÓN DO MAGOSTO E DO SAMAÍN

Sáb, 04/01/2020 - 15:28 — rocio

Onte celebramos o Magosto e o Samaín, pero nos días anteriores estivemos elaborando materiais para decorar a clase e o colexio, e logramos un ambiente terrorífico!!

Primeiro creamos o noso esqueleto HUESITOS (nome que escollemos entre todos e todas) para que protexera a nosa porta.

Despois elaboramos cabazas terroríficas para decorar a nosa clase.

Tamén fixemos monstruos que daban moito medo: bruxas, pantasmas, momias, morcegos, gatos negros e ata un Frankestein.

Ademais elaboramos unhas marionetas de Samaín.

E este foi o resultado:

O luns tivemos unha sesión de maquillaxe e pintamos as nosas caras de vampiros, cabazas, gatiños e ata arañas!!

E por fin chegou o día da celebración!!!!

Habería moitas sorpresas e para iso viñemos disfrazados: esqueletos, bruxas, zombies, diabliñas, morcegos, vampiros e vampiresas.

Ademais, Alejo e Lois trouxeron unhas cabazas terroríficas que fixeron na casa.

A primeira das sorpresas estaba na biblioteca. Os nenos e nenas de infantil, xunto cos compañeiros/as de 1º de Educación Primaria xogamos a "frío e quente" para poder atopar obxectos do Samaín (bruxa, farol, morcego, libro máxico, caldeiro e unha curuxa) cos que Begoña nos contou unha historia.

Despois dos bailes por fin comezaron os xogos puidemos comer castañas!!!

Que ben o pasamos!!!!!

Peques de A Laxe

blogue de rocio

RECOLLEMOS PIPAS

Sáb, 04/01/2020 - 15:25 — rocio

O outro día Alejo e Lois trouxeron á clase un xirasol. Primeiro observámolo e falamos un pouco desta planta, coñecendo por que ten ese nome.
Despois, en grupos pequenos fomos recollendo as pipas. Ten moitísimas!!!
Moitas grazas por traelo compañeiros!!!

Peques de A Laxe

blogue de rocio

DECORACIÓN DE OUTONO

Sáb, 04/01/2020 - 15:24 — rocio

O 23 de setembro comezou o outono e os nenos e nenas de Infantil comezamos a elaborar a decoración da aula para esta estación.
Pintamos follas para poñer na árbore que hai na entrada do colexio, ademais de traballar en equipo para decorar animais, erizos e esquíos, con follas que previamente recollemos no patio do colexio (follas e castañas).
Ademais os nenos e nenas de primaria elaboraron uns carteis de benvida que puxeron na árbore.

Tamén decoramos unha das nosas portas e para iso pintamos con témperas un debuxo xigante. Encantounos como quedou!!!

E este foi o resultado final!!

Peques de A Laxe

blogue de rocio

BOTELLAS DA CALMA

Sáb, 04/01/2020 - 15:23 — rocio

A semana pasada fixemos as nosas botellas da calma para eses momentos da xornada nos que ao mellor estamos algo nerviosos ou nerviosas e necesitamos tranquilizarnos.

Para iso necesitamos:
- Unha botella de auga pequena de plástico que estea baleira.
- Auga
- Aceite corporal para bebés
- Purpurina
- Colorante alimentario
- Elementos brillantes

Para a súa elaboración primeiro botamos auga, enchendo máis da metade da botella, e de seguido unha gotas de aceite corporal para bebés. A continuación, cada un escolleu de qué cor quería que fose a auga (amarela, vermella ou azul) para botarlle unhas gotiñas de colorante alimentario, a cor da purpurina (rosa, verde, azul ou dourada) e os elementos brillantes (abelorios azuis, verdes ou de colores variados).
Encantounos facelas e os maiores axudaban aos máis pequenos.