CEIP LAMAS DE ABADE

Constitución da Xunta Electoral do centro, quedando da seguinte forma:

Presidenta: Dona Mª del Mar Rodríguez González Directora do Centro.

Vogais:

• Dona Beatriz García García. (Mestra)
• Don Santiago Fernández Moreira (Pai suplente)
• Don Carlos Chao Manzano (Persoal de administración e servizos)

Actúa como Secretaria a mestra: Dona Beatriz García García

A Xunta Electoral, unha vez constituída e de acordo coa lexislación vixente, procede a aprobar a publicación das convocatorias dos distintos sectores de representación, así como a publicación dos seus correspondentes censos electorais, e establece o seguinte calendario electoral:

CALENDARIO DE ELECCIÓNS CONSELLO ESCOLAR

3 de novembro

• Publicación das convocatorias de eleccións nos distintos sectores educativos: profesorado, pais/nais e persoal de administración e servizos.
• Publicación dos censos provisionais dos sectores educativos citados.
• Envío de escritos ao Concello e a ANPA solicitándolles a designación dos seus representantes.

4 a 11 de novembro

• Prazo de presentación de candidaturas e reclamación a censos.
• Modelo de presentación de candidaturas, nais, pais ou titores legais
• Modelo de presentación de candidaturas profesorado.
• Modelo de presentación de presentación de candidaturas persoal de administración e servizos.

11 de novembro

• Remata o prazo de presentación de candidaturas as 14:00 horas

12 de novembro

• Remate do prazo de reclamación ao censo.

15 de novembro

• Celebración da 2ª reunión da Xunta Electoral
• Proclamación e posterior publicación de candidaturas por sectores de representación.
• Aprobación definitiva de censos electorais, unha vez resoltas as posibles reclamacións.
• Aprobación de modelo de papeletas e sobres dos distintos actos electorais.
• Sorteo público para a designación dos membros das mesas electorais.
• Claustro de profesores informativo.

15 a 19 de novembro

• Campaña electoral.

22 de novembro.

• Celebración das votacións do persoal de administracións e servizos de 10:00 a 10:30 horas.
• Celebración das votacións do profesorado de 14:00 a14:30 horas.
• Celebración das votación pais, nais e titores legais do alumnado, de 17:00 a 20:00 horas.

23 de novembro (celebración da 3ª e última reunión da Xunta Electoral).

• Proclamación de candidatos electos.
• Traslado de documentación á Xefatura Territorial da Consellería de Cultura, Educación e Universidade.

24 de novembro

• Convocatoria de constitución do Consello Escolar.

Proceso de renovación dos membros do Consello Escolar tal e como se recolle na RESOLUCIÓN do 20 de setembro de 2021, da Secretaría Xeral de Educación e Formación Profesional, pola que se establece o calendario para a celebración de eleccións de membros dos consellos escolares de centros docentes sostidos con fondos públicos.

Nota informativa da Constitución da Xunta Electoral

Acceso á Resolución

Bo día, informamos que durante estas semanas desde o EDLG e nas clases de idiomas estase traballando o tema do Samaín, Haloween,…O vindeiro venres 29 de outubro haberá clase con normalidade. Desde o centro non imos a promover o emprego de disfraces pero tampouco podemos prohibir que cada neno/a acuda ao colexio coa vestimenta que queira, sempre e cando non interfira no normal desenvolvemento das clases.

Aproveitamos para comunicar que volveremos a facer o magosto no centro, con todas as medidas de seguridade que permite o protocolo COVID-19, para non perder as nosas tradicións. Será no mes de novembro o primeiro día que faga sol. O centro encargarase de todo.

Informamos que o vindeiro 21 de outubro pode haber momentos ao longo da mañá que non funcione o teléfono por mor dun cambio na liña que está programado que realicen. Poden comunicarse a través do correo electrónico do centro ou a través do Abalar cos distintos/as titores/as.

Informamos que desde o luns 4 de outubro, segundo a Orde do 29 de maio do 2008, a biblioteca permanece aberta de luns a xoves de 16:30 a 18:30. Debido ao límite de aforo (25 usuarios/as) pregamos aos interesados/as en empregala nos avisen con antelación, a través do correo electrónico (ceip.lamas.abade@edu.xunta.gal) indicando nome do neno/a, curso e días que vai vir; para ter nós constancia de non sobrepasar dito aforo. Atentamente.

A Dirección

Proxecto E-Dixgal. Información

Acordo de cesión de uso do ordenador do alumnado. Acceso

No caso de que queirades facer uso do Servizo integral de reparación a través da web: https://coberturasir.plexus.es/

Se desexades mais información sobre este servizo no correo: coberturasir@plexus.es

Estimadas familias:

Comezamos un novo curso escolar.

A data de incorporación do alumnado de infantil e primaria ás aulas será o xoves 9 de setembro. O horario de entrada será ás 08:50 ate ás 9:05 e o de saída ás 14:00 horas.

-       Acceso ao DOG calendario escolar curso 21/22

Protocolo de adaptación ao contexto da Covid-19

Neste curso temos que seguir poñendo en marcha o Protocolo de adaptación ao contexto da Covid-19.

-       Enlace: Protocolo de adaptación ao contexto da Covid-19

Alumnado de 4º de educación infantil

As familias do alumnado de 4º curso de educación infantil terán unha reunión coas titoras o luns 6 de setembro as 16:30 no centro educativo (patio de educación infantil).

AbalarMóbil

A Xunta de Galicia, coa finalidade de aumentar o acercamento entre o profesorado e as familias, ofrece abalarMóbil. Trátase dunha aplicación que permite ás familias consultar a información dos seus fillos a través do teléfono móbil dende calquera lugar, de forma cómoda e rápida. Estará actualizada para o curso 21-22 a partir do día 9 de setembro. Aquelas familias que aínda non dispoñan desta aplicación poden obter información no seguinte enlace:

-       abalarMóbil

Becas ANEAE

No BOE do 02/08/2021 está publicada a convocatoria de becas e axudas para o alumnado con necesidades específicas de apoio educativo. O prazo de solicitude é do 3 de agosto ao 30 de setembro.

-       Máis información

Publicación listaxes definitivas fondo solidario libros texto e material escolar curso 21/22

Publicadas no taboleiro interior do centro, con data de hoxe, as listaxes definitivas do fondo solidario libros texto e material escolar curso 21/22

Poderanse recoller os vales entre o 14 e o 21 de xullo en horario de 10:00 a 13:00 horas

ORDE do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2021/22

Segundo a orde de convocatoria, no seu Artigo 13. Publicación de actos

De conformidade co establecido no artigo 45.1.b) da Lei 39/2015, do 1 de outubro, do procedemento administrativo común das administracións públicas, daráselle publicidade á listaxe provisional e definitiva de persoas beneficiarias de libros de texto do fondo solidario, á listaxe provisional e definitiva de solicitudes excluídas, indicando a causa de exclusión, e á relación provisional e definitiva de solicitudes de axudas para adquirir libros de texto e material escolar nas cales se detecten deficiencias, indicando a deficiencia detectada ou a documentación de que carezan.

Estes actos publicaranse única e exclusivamente no taboleiro de anuncios situado no interior do recinto escolar. Así mesmo, as persoas solicitantes poderán acceder por vía electrónica ao seu expediente, a través da aplicación fondolibros, empregando a Chave 365 ou o certificado dixital da Fábrica Nacional da Moeda e Timbre.

Prazo de matrícula do 20 ao 30 de xuño

• ANEXO III-1 Acceso

• Xunto co ANEXO III-1 débese achegar a seguinte documentación:

- Fotocopia da tarxeta sanitaria.

- Tres fotografías, actualizadas, tamaño carné para alumnado de infantil.

- Impreso de lingua materna infantil. Acceso impreso

- Impreso de solicitude de transporte no caso de ser necesario. Acceso impreso