CEIP LAMAS DE ABADE

E así de contentos rematamos con este primeiro grupo no Club de Lectura. Despois de elexir as escenas que máis lles gustaron adicámoslle un par de días a representación destas escenas. Coa idea de representala de cara a finais de curso diante dos alumnos do cole. Foi todo un pracer e disfrutamos moito!!

As alumnas do Club de Radio entrevistaron a súa adestradora de baloncesto, Andrea Vázquez Varela. E ainda que non nos puido acompañar foi todo un pracer coñecela un pouquiño máis. Grazas Andrea pola túa colaboración!!

A continuación  o seu podcast.

O próximo día 23 de febreiro celebraremos o Día de Rosalía e, como cada ano, solicitamos a vosa colaboración para encher de “festa” un mural conmemorativo desta data colocado na entrada do cole e facer unha montaxe coas fotos que nos enviedes.
            Animámosvos a que leades o manifesto deste ano da AELG. O lema elixido é #oamordapatriagalega

Basándonos no poema “Has de cantar” de Cantares Gallegos queremos que nos amosedes o voso amor por Galicia a través das nosas festas, os nosos bailes, as nosas músicas, ...

O que vos pedimos desta vez é unha imaxe (foto-debuxo, en tamaño A5 ou A4 máximo) na que as familias saiades “ en festas populares, de foliada, bailando, cantando,...”. Botádelle imaxinación, coma sempre. Deberedes envialas por correo electrónico á: bibliotecalamas@gmail.com   

O 23 de febreiro será o derradeiro día para recibir as imaxes. Un ano máis, animádevos a participar e moitas grazas pola vosa colaboración.

Uxia, Daniela e Hugo dende a radio do Ceip Lamas de Abade lanzan unha breve entrevista a nosa cantante, compositora e actriz española, Aitana.

Onte o alumnado de 4º de primaria asistiu a un obradoiro lúdico organizado por Augas de Galicia. Este obradoiro está dentro da campaña de concienciación sobre inundacións por desbordamento de ríos. O noso centro está situado nun concello especialmente vulnerable neste aspecto. Este obradoiro serviu para concienciar sobre o risco e mellorar a preparación da poboación sobre posibles inundacións.

Plan de Xestión

O pasado martes a nosa exalumna Henar Sende (que agora cursa a ESO no IES Lamas de Abade) veunos a presentar a súa nova novela “Academia Greenhouse”. Foi unha charla moi interesante na que tamén nos explicou o seu xeito de traballar e contestou a numerosas preguntas. Xunto á profesora Almudena animou a todos/as a que escriban e gocen coa lectura. Moitas grazas Henar por vir e desexámoste unha longa carreira literaria.

Para todos @s membr@s participantes do Club de Lectura elaboráronse unhas chapas co nome personalizado e quedaron así de molonas!

Tamén se fixo o reparto de personaxes e a escolla das escenas preferidas dos participantes, o secuestro de Tulula, que intentarán representar nos próximos días.

No .pdf adxunto tedes o enlace ao vídeo.

Este martes 19 realizouse o Obradoiro de Lecturas de Nadal. A continuación deixamos un vídeo con algunha das imaxes.