CEIP LAMAS DE ABADE

O martes 23 conmemoramos o Día do Libro con dúas actividades. Por unha banda saímos ao patio para facer a Hora de Ler e ao por outro lado, ao longo da mañá fíxose na biblioteca a “Mudanza de Libros”. As dúas actividades resultaron moi interesantes poñendo en valor a importancia da lectura e dos libros.

Amplíase ate o día 18 de abril o prazo para traer o libro.

Desde o Equipo de Biblioteca proponse para conmemorar o Día do Libro a actividade para o alumnado denominada “Mudanza de libros”.

Consiste en trocar un libro por outro. Durante a semana do 8-12 de abril cada neno/a que queira traerá un libro para doar e o día 23 levarase outro libro.

Cada titor/a recollerá os libros na aula e daralle un “marcapáxinas” a cada neno/a que lle servirá como "moeda" de cambio para coller outro libro o martes 23.

O luns 22 o profesorado baixará os libros que teñan á biblioteca para cambiar. O martes 23 expoñeranse na biblioteca e achegarase cada curso por quendas para que cada neno/a participante colla o libro que queira.

- Os libros que se traian teñen que estar en bo estado para que a persoa que o leve poida gozar del.

É un intercambio de libros, polo que, o libro que se traia non se recuperará.

No Lamas podemos presumir de ser moi festeiros! Premendo na imaxe podedes ver a montaxe das fotos coas que fomos enchendo o mural de entrada do cole para conmemorar o Día de Rosalía. Moitas grazas a todas as familias por participar. Agardamos non deixarnos ningunha foto polo camiño. As músicas son: "Has de cantar" de Uxía e "Festiña por dentro" de Habelas Hainas #oamordapatriagalega #DíadeRosalía24

VÍDEO MONTAXE ALUMNADO DE 6ºINFANTIL B

Tamén o alumnado de 6º de infantil B realizou unha fermosa montaxe dándolle voz a Rosalía de Castro. Desta maneira quixeron conmemorar o seu día. Premer na imaxe para ver o vídeo.

Xa nos están chegando as vosas fotos para conmemorar o Día de Rosalía pero aínda queda moito espazo no mural e para facer a montaxe de fotos. Agardamos as vosas fotos. Lembrade "O que vos pedimos é unha imaxe (foto-debuxo, en tamaño A5 ou A4 máximo) na que as familias saiades “ en festas populares, de foliada, bailando, cantando,...”. Botádelle imaxinación, coma sempre. Deberedes envialas por correo electrónico á: bibliotecalamas@gmail.com"

O próximo día 23 de febreiro celebraremos o Día de Rosalía e, como cada ano, solicitamos a vosa colaboración para encher de “festa” un mural conmemorativo desta data colocado na entrada do cole e facer unha montaxe coas fotos que nos enviedes.
            Animámosvos a que leades o manifesto deste ano da AELG. O lema elixido é #oamordapatriagalega

Basándonos no poema “Has de cantar” de Cantares Gallegos queremos que nos amosedes o voso amor por Galicia a través das nosas festas, os nosos bailes, as nosas músicas, ...

O que vos pedimos desta vez é unha imaxe (foto-debuxo, en tamaño A5 ou A4 máximo) na que as familias saiades “ en festas populares, de foliada, bailando, cantando,...”. Botádelle imaxinación, coma sempre. Deberedes envialas por correo electrónico á: bibliotecalamas@gmail.com   

O 23 de febreiro será o derradeiro día para recibir as imaxes. Un ano máis, animádevos a participar e moitas grazas pola vosa colaboración.

Onte o alumnado de 4º de primaria asistiu a un obradoiro lúdico organizado por Augas de Galicia. Este obradoiro está dentro da campaña de concienciación sobre inundacións por desbordamento de ríos. O noso centro está situado nun concello especialmente vulnerable neste aspecto. Este obradoiro serviu para concienciar sobre o risco e mellorar a preparación da poboación sobre posibles inundacións.

Plan de Xestión

O pasado martes a nosa exalumna Henar Sende (que agora cursa a ESO no IES Lamas de Abade) veunos a presentar a súa nova novela “Academia Greenhouse”. Foi unha charla moi interesante na que tamén nos explicou o seu xeito de traballar e contestou a numerosas preguntas. Xunto á profesora Almudena animou a todos/as a que escriban e gocen coa lectura. Moitas grazas Henar por vir e desexámoste unha longa carreira literaria.

Este martes 19 realizouse o Obradoiro de Lecturas de Nadal. A continuación deixamos un vídeo con algunha das imaxes.