Este martes 19 realizouse o Obradoiro de Lecturas de Nadal. A continuación deixamos un vídeo con algunha das imaxes.
Esta mañá o alumnado de 5º de primaria recibiu na biblioteca un obradoiro micófilo por parte do biólogo Borja Gómez en colaboración coa Asociación Medioambiental AMABUL (Ama a biodiversidade ullá). A través da exposición "Wood Wide Web-A Rede que dá vida ao planeta" os nenos/as coñeceron a importancia ecolóxica e ambiental dos cogomelos.
Desde hai 15 días o alumnado de Infantil estreou a nova bolsa-bandoleira do proxecto da Asesoría de Bibliotecas "Libros que van e veñen". Agardamos que as lecturas viaxen a casa con maior comodidade e sexan do agrado das familias.
O pasado venres resolveuse o I concurso de Lemas “Tecendo Comunidades” co gallo da celebración do Día das Bibliotecas (24 outubro).
Os gañadores/as foron:
– 1ª categoría: rapaces e rapazas de Infantil: quedou deserto
– 2ª categoría: rapaces e rapazas de 1º, 2 e 3º de primaria: Martín Pérez (1ºC).
– 3ª categoría: rapaces e rapazas de 4º, 5º e 6º de primaria. Uxía, Martina, Lucía, Jimena e Xoana de 6º.
Tamén houbo agasallo para as clases de 1º A, 1º B, 1º C e 4º B pola súa participación, tanto en conxunto coma en individual.
Grazas a todos/as os participantes por aportar os seus lemas, e a seguir vindo pola biblioteca.
O equipo de biblioteca convoca I concurso de Lemas “Tecendo Comunidades” co gallo da celebración do Día das Bibliotecas (24 outubro). A temática do lema ten que estar relacionado coas bibliotecas escolares. O lema pode estar acompañado dun debuxo e feito coa técnica que se queira, e pode presentarse en dous tamaños: A4 ou A3 (Orientación a que se queira: horizontal ou vertical) sendo a lingua dos lemas en galego.
Poden presentarse traballos individualmente ou de grupo.
As categorías do concurso están divididas por idades:
– 1ª categoría: rapaces e rapazas de Infantil.
– 2ª categoría: rapaces e rapazas de 1º, 2 e 3º de primaria.
– 3ª categoría: rapaces e rapazas de 4º, 5º e 6º de primaria.
Os lemas poden deixarse na Biblioteca na Caixa habilitada poñendo o nome e apelidos do autor/a por detrás ou enviarse por correo electrónico a: bibliotecalamas@gmail.com (a obra será remitida como arquivo adxunto e non pode vir asinada pola autora ou polo autor, este dato xunto co curso, deben vir no corpo do correo electrónico e no asunto indicarase I Concurso de Lemas.
O prazo para participar estará aberto ata o 24 de outubro de
2023.
A decisión do xurado coñecerase nun acto público na
biblioteca durante o recreo do venres 27 de outubro de 2023.
Agardamos a participación de todas as persoas interesadas e
moita sorte a todos/as.
Haberá agasallos para cada categoría.
Máis información sobre a celebración do Día das Bibliotecas.
Desde o 2 de outubro abriu a biblioteca tanto nos recreos coma pola tarde. Abadiño está encantado de recibir de novo a toda a comunidade educativa.
Hoxe comezan a circular as Mochilas Viaxeiras, unha en cada curso. A idea das Mochilas é que as familias poidan compartir momentos de lecer a través dos libros.
Agardamos que sexan do voso agrado.
Atentamente.
Abadiño.
Os días 15 e 16 de xuño tivemos para todo o alumnado do colexio uns obradoiros impartidos polo artista visual Pablo Otero. Enmarcouse dentro do programa Biblioteca Creativa. Foron os seguintes:
Obradoiro para todo Infantil e 1° A,B,C: "Como se fai un irmán maior?"
Obradoiro 2° A, B, C: Libro de artista e libro obxecto ligado á idea da comida.
Obradoiro 4° A, B, C e 5° A, B, C: “Mentiras máquinas”
Obradoiro 3° A, B, C: "A COUSA, Falsas entrevistas falsas".
Obradoiro 6° A, B, C: "Libro de artista libro obxecto comunitario".
Foron dúas mañás moi intensas e cheas de creatividade. Grazas a Pablo polo seu bo facer.
Toca agradecer ás alumnas e aos alumnos de 6º o traballo realizado este curso escolar durante os recreos na biblioteca. Tomamos un petisco a media mañá e despedimos a este grupo de voluntarias e voluntarios desexándolles moita sorte na nova etapa que comezarán en setembro.
Desfrutade do vídeo clicando na imaxe.
Ata sempre!