CEIP LAMAS DE ABADE

Convócanse, para o curso 2024-2025, axudas individualizadas para o alumnado con Necesidade Específica de Apoio Educativo, NEAE.

Prazo de presentación de solicitudes: desde o 30 de abril ao 13 de setembro do 2024. ambos inclusive.

 - Enlace á páxina do Ministerio: 

- Acceso ao servizo en liña 

Prazo de solicitude: do 21/5/2024 a 21/6/2024, (ambos incluídos)

Forma de presentación:

·       

Electrónica:  utilice esta aplicación https://www.edu.xunta.gal/fondolibros e presente a solicitude na Sede Electrónica (inicie premendo na icona de botón na esquina superior dereita da pantalla)

NOTA: na presentación electrónica deberá presentar unha solicitude individual para cada un dos seus fillos

·       

Presencial con asistencia da aplicación: cubra os datos nesta aplicación, imprima os Anexos I e II producidos e presénteos no centro educativo (inicie premendo na icona de botón na esquina superior dereita da pantalla)

·       

Presencial manual: utilice os Anexo I e Anexo II da Orde da convocatoria e presénteos no centro educativo

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024

Documentación complementaria

1. As persoas interesadas deberán achegar coa solicitude (anexo I) a seguinte documentación:

a) Anexo II (comprobación de datos dos membros computables da unidade familiar).

b) Copia do libro de familia ou documento equivalente, onde figure o/a alumno/a e os demais membros computables da unidade familiar.

En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/da menor.

c) Certificado de discapacidade do/da alumno/a ou calquera membro da familia non expedido pola Administración autonómica.

d) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero, cando o agresor forme parte da unidade familiar.

e) Resolución xudicial constitutiva da curatela representativa ou resolución xudicial que estableza a patria potestade prorrogada ou rehabilitada mentres non se produza a revisión desta medida.

f) Resolución administrativa ou xudicial acreditativa da situación de acollemento ou certificado do centro de menores, para o alumnado en situación de tutela ou garda da Xunta de Galicia.

g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE.

* ORDE do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25 (códigos de procedemento ED330B, ED330G e ED330H).

Hoxe quixemos conmemorar as Letras Galegas con dúas actuacións.

O alumnado de Infantil, 1º e 2º de primaria, asistiu a representación teatral “A Carmucha durmiñona” da Compañía Medrar-T.

 O alumnado de 3º, 4º, 5º e 6º de primaria asistiu ao espectáculo de maxia “As nosas Letras” da man do Mago Teto.

Dous espectáculos moi entretidos e divulgativos que fixeron pasar a todo o alumnado do Lamas unha mañá especial de xeito diferente.

O pasado mércores 8 o alumnado de 4º primaria asistiu a VI Gala de Educación Viaria organizada polo Concello e Policia Local. Ao longo do curso participaron en distintas charlas, visitas e obradoiros relacionados coa educación vial.

Onte o alumnado de 5º de primaria participou nunha charla enmarcada no programa "Navega con rumbo". Estivo organizada polo Colexio profesional de Enxeñaría en Informática de Galicia e a Consellería de Cultura, Educación e Universidade da Xunta de Galicia. Xirou arredor dos riscos de Internet. Grazas a Enrique Agrasar polos seus consellos e achegas.

Saiu hoxe a resolución definitiva da convocatoria de NEAE 2023/24 para que os alumnos/as poidan presentar recurso de reposición. 

 Adxúntase modelo de impreso recurso de reposición por se o precisa alguén.

O devandito recurso debe presentarse segundo se indica a continuación.

 Imprima os documentos que lle remitimos, léaos con atención , cúbraos e xunto con toda a documentación que considere necesaria ou que lle requiren presénteos a través de:

Xeito presencial:

REXISTROS DA ADMINISTRACIÓN DO ESTADO

REXISTROS DA ADMINISTRACIÓN AUTONÓMICA

REXISTROS DO CONCELLO E DA DEPUTACIÓN

CORREO POSTAL (ORDINARIO E CERTIFICADO)

Xeito telemático:

·       

No seguinte enlace: https://sede.xunta.gal/portada (ten que estar autorizado: CHAVE 365)

A pasada semana o alumnado de 5º e 6º de primaria participou no proxecto de Afundación “Plantando árbores con pinceis”.  Un programa pioneiro pola sostibilidade que mestura cultura, creatividade e coidado do medio ambiente a través da realización no centro de Murais Artísticos Colaborativos e Ecolóxicos e obradoiros de pintado de bolsas de tea con pinturas fotocatalíticas anticontaminación.

O alumnado de 6º realizou o mural e o alumnado de 5º participou no obradoiro de pintado de bolsas.

Para a realización desta actividade colaborou ademais de o colexio, a ANPA, a asociación Vella Escola Cultura Urbana e Afundación.

 O resultado do mural, baseado en varios bocexos feitos polo alumnado, podédelo ver no patio de columnas de abaixo.

O Punto Laranxa é unha medida impulsada desde a Xunta de Galicia co obxectivo de erradicar o acoso e o ciberacoso non centros educativos, grazas á colaboración de alumnado, docentes, familiares e outras persoas próximas á comunidade educativa. O anonimato constitúe un refuxio seguro á hora de denunciar, facilitando así o logro dun cambio entre todos e todas.

 COMO FUNCIONA O PUNTO LARANXA?

Se o estás a sufrir ou coñeces algún posible caso de acoso ou ciberacoso, axúdanos a paralo!

1. Escribe de maneira anónima a túa mensaxe nun lugar onde te sintas seguro/a.

2. Localiza o Punto Laranxa no teu centro.

3. Deposita na caixa do Punto Laranxa a túa mensaxe (esta caixa só pode ser aberta polo equipo docente encargado de loitar contra o acoso escolar no teu centro.

Lembra que tamén podes achegar a túa mensaxe a través do Punto Laranxa na páxina web do teu centro.

Informamos que non hai que baremar. Foi admitido todo o alumnado que presentou neste centro unha solicitude no proceso de admisión para o curso 24-25.  

Prazo de solicitude:

·  Do 1 de marzo ao 20 de marzo (inclusive)

 Onde presentar a solicitude:

Para presentar unha solicitude deberá seguir algunha das opción descritas a continuación:

1. Cubrir a solicitude informaticamente e presentala asinada de xeito manual no centro: https://www.edu.xunta.gal/admisionalumnado/
Para presentar a solicitude presencialmente no centro deberá seleccionar a opción de menú “Solicitudes --> Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro.

2.   Cubrir a solicitude informaticamente e asinala en Sede Electrónica: 
Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes --> Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar solicitude.
IMPORTANTE: Debe achegar, na Sede Electrónica da Xunta de Galicia, o anexo II bis dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR E CONSENTIMENTO DO PROXENITOR/A, de selo caso, última páxina da solicitude que pode visualizar e descargar nesta aplicación).

3. Cubrir a solicitude manualmente e presentala asinada presencialmente no centro: 

Se non desexa cubrir a solicitude dixitalmente pode facelo de xeito manual descargando dende os seguintes enlaces os documentos, cubrilos e presentalos firmados no centro.

·    SOLICITUDE: Galego

·    SOLICITUD: Castelán

Documentación a presentar coa solicitude .

· Documento acreditativo do alumno (Fotocopia do DNI, Libro de Familiar, NIE, Pasaporte....)

·       Fotocopia do DNI, Libro de Familiar, NIE, Pasaporte, do (Pai, nai, o titor legal).

****  Se existen mais solicitudes que prazas, dará comezo a baremación dos criterios alegados na solicitude e abrirase un prazo de 10 días para a entrega da documentación correspondente.

Normativa relacionada.

·    Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

·     Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (código de procedemento ED550B)

·    Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa e derroga o artigo 44 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).