CEIP LAMAS DE ABADE

Os días 15 e 16 de xuño tivemos para todo o alumnado do colexio uns obradoiros impartidos polo artista visual Pablo Otero. Enmarcouse dentro do programa Biblioteca Creativa. Foron os seguintes:

Obradoiro para todo Infantil e 1° A,B,C: "Como se fai un irmán maior?"

Obradoiro 2° A, B, C: Libro de artista e libro obxecto ligado á idea da comida.

Obradoiro 4° A, B, C e 5° A, B, C: “Mentiras máquinas”

Obradoiro 3° A, B, C: "A COUSA, Falsas entrevistas falsas".

Obradoiro 6° A, B, C: "Libro de artista libro obxecto comunitario".

            Foron dúas mañás moi intensas e cheas de creatividade. Grazas a Pablo polo seu bo facer.

Recomendacións de lectura verán

Claudia, Nico e Marcos de 6º C nos falan da cantante Aitana.

Esta semana os membros do Club de Radio tiveron unha formación sobre gravación e mestura de podcast impartido por Pedro Iglesias, especialista en comunicación gráfica, sonora e social.

Agora queda poñer en práctica o aprendido. En breve estarán nas ondas os seus podcast.

Este xoves, a mestra e poeta Charo Golmar tivo un encontro co alumnado de Infantil 4 B. A autora de No bico do vento e Nobelo de luz faloulles da súa faceta de escritora, da súa relación cos libros e recitoulles uns fantáticos poemas.

Moitas grazas pola túa visita.

Carolina e Claudia de 6º preséntannos o seu podcast sobre o Museo do Prado de Madrid. Mergúllate con elas nesta visita pola súa historia, as súas obras e os seus artistas.

O entomólogo Miguel Santamaría fixo un obradoiro co alumnado de 5º infantil A e 1º e 2º de primaria, amosando unha gran cantidade de "bichiños". Aquí unha mostra:

+ Premer na imaxe:

No club de Radio quixemos conmemorar o Día da Poesía cun podcast onde se recitan tres poemas: Dous de Charo Golmar “Primavera” e “Prefacio” e outro de Mónica I. Varela “Soños nas mans”.