CEIP LAMAS DE ABADE

O entomólogo Miguel Santamaría fixo un obradoiro co alumnado de 5º infantil A e 1º e 2º de primaria, amosando unha gran cantidade de "bichiños". Aquí unha mostra:

+ Premer na imaxe:

No club de Radio quixemos conmemorar o Día da Poesía cun podcast onde se recitan tres poemas: Dous de Charo Golmar “Primavera” e “Prefacio” e outro de Mónica I. Varela “Soños nas mans”.

Esta mañá o alumnado de 6º de primaria acudiu ao salón de actos do CIFP Compostela á inauguración da exposición“O AMENCER DA HUMANIDADE”. Na presentación participaron Ramiro Esparís (director do CIFP), o arqueólogo Eduardo Méndez Quintas e Valentín García Gómez (SXPL).

Nesta exposición, promovida pola Secretaría Xeral de Política Lingüística, dáse a coñecer os resultados das investigacións desenvolvidas nos últimos anos no ámbito da prehistoria antiga en Galicia. Da man do arqueólogo Eduardo Méndez Quintas coñecemos réplicas de materiais arqueolóxicos representativos e amosounos en que consiste o seu traballo. Foron moitas as preguntas resoltas pero aínda quedaron moitas por responder.

Este 23 de febreiro a comunidade educativa do Lamas quixo celebrar o Día de Rosalía a

través das fotos que as familias nos foron achegando “berrando” pola xustiza social.

Fíxose un mural conmemorativo cheo de “berros” máis unha montaxe de vídeo con esas

mesmas fotos.

Seguindo a proposta da AELG, o lema elixido foi #cumpriuseaxustiza baseado no poema

que se recolle no libro Follas Novas “A xustiza pola man”.

Salvádeme, berrei. Axudáime, berrei, berrei, berrei...

Día de Rosalía, 2023 de Marta

- Clicar na imaxe para ver o vídeo.

Hoxe, para conmemorar o Día Mundial da Radio, o alumnado de 5º B participou en directo no programa que organizaba Ponte nas Ondas sobre Patrimonio e a Radio e a Paz. O alumnado desprazouse ate a Facultade de Ciencias da Comunicación e asistiu como público á entrevista que lle fixo o alumnado do IES Rosalía de Castro ao Rector e a Vicerrectora da Universidade, ao Alcalde e ao Conselleiro de Educación.

Despois trasladáronse a outro estudio onde emitiron o seu programa sobre a experiencia "Cóntame un Conto".

Unha saída moi enriquecedora para todos/as a vivida esta mañá. Viva a Radio!

¿Coñecedes ou tedes algún can que se chame Sul ou Nei?
Desde o IES Marco do Camballón de Vila de Cruces, solicítannos axuda ao cole do Lamas para unha investigación que está realizando o seu alumnado de 3º da ESO.
Esta investigación, a cal, estendemos a toda a comunidade educativa do Lamas, ten que ver coa transmisión oral e os cans.
Precisan coñecer se alguén ten ou coñece cans co nome de Sul e Nei. Estes nomes de Xenerais franceses chegaron aos nosos días coma nomes de cans. Algo realmente curioso despois de transcorrer máis de douscentos anos.
A continuación Carolina, Claudia, Paula e Lucía de 6º C cóntanvos a historia.

Lembrade que este venres 10 celebramos a X Mostra de Entroido coa visita dos Madamitos e Madamitas de Entrimo. Sería recomendable que o alumnado viñera con disfraces tradicionais.

Para a vindeira semana faremos os mandadiños do Meco.

Estimadas familias:

            O próximo día 23 de febreiro celebraremos o Día de Rosalía e, como cada ano, solicitamos a vosa colaboración para encher de “berros” un mural conmemorativo desta data colocado na entrada do cole e facer unha montaxe coas fotos que nos enviedes.
            Animámosvos a que leades con atención o manifesto deste ano da AELG. O lema elixido é #cumpriuseaxustiza baseado no poema que se recolle no libro Follas Novas “A xustiza pola man”.

O que vos pedimos desta vez é unha imaxe (foto, debuxo,...) na que as familias saiades “berrando” pola xustiza social. Botádelle imaxinación, coma sempre. Deberedes envialas por correo electrónico á: bibliotecalamas@gmail.com

Na páxina da AELG poderedes atopar toda esta información:

https://www.aelg.gal

O 23 de febreiro será o derradeiro día para recibir as imaxes. Un ano máis, animádevos a participar e moitas grazas pola vosa colaboración.

* No.pdf adxunto tedes algúns exemplos do que poderíades enviar. Podedes poñerlle texto. 
                                                                       Salvádeme, berrei. Axudáime, berrei, berrei, berrei...

(Rosalía de Castro).

Proxecto documental integrado "Parabéns Google" conmemorando os 25 anos da aparición de Google.