Que vos parece o Doodle do 1º de maio que elaboraron as alumnas e os alumnos de 6º de educación infantil A? Fixádevos ben nos detalles porque contemplaron unha chea de profesións cos seus utensilios!!!
O alumnado de 6º Infantil A estiveron a traballar o Doodle do 8M deste ano 2023, e recrearon a súa propia versión. Botádelle un ollo a este vídeo!!
O Día do Libro celébrase cada 23 de abril para render unha homenaxe aos escritores e ilustradores que fan posible que gocemos de historías increíbles a través dos seus libros.
Para festexar este día tan especial, un curso máis, levamos a cabo a actividade: "Hora de ler no patio".
Esta actividade ofrécenos a oportunidade de fomentar o amor pola lectura así como gozar da maxia dos contos e das historias nun ambiente agradable e tranquilo.
No seguinte video queremos compartir con todos vós algúns dos momentos vividos nesta experiencia inolvidable.
FELIZ DÍA DO LIBRO!!!
Este xoves, a mestra e poeta Charo Golmar tivo un encontro co alumnado de Infantil 4 B. A autora de No bico do vento e Nobelo de luz faloulles da súa faceta de escritora, da súa relación cos libros e recitoulles uns fantáticos poemas.
Moitas grazas pola túa visita.
O entomólogo Miguel Santamaría fixo un obradoiro co alumnado de 5º infantil A e 1º e 2º de primaria, amosando unha gran cantidade de "bichiños". Aquí unha mostra:
+ Premer na imaxe:
Este 23 de febreiro a comunidade educativa do Lamas quixo celebrar o Día de Rosalía a
través das fotos que as familias nos foron achegando “berrando” pola xustiza social.
Fíxose un mural conmemorativo cheo de “berros” máis unha montaxe de vídeo con esas
mesmas fotos.
Seguindo a proposta da AELG, o lema elixido foi #cumpriuseaxustiza baseado no poema
que se recolle no libro Follas Novas “A xustiza pola man”.
Salvádeme, berrei. Axudáime, berrei, berrei, berrei...
Día de Rosalía, 2023 de Marta
Estimadas familias:
O próximo día 23 de febreiro celebraremos o Día de Rosalía e, como cada ano, solicitamos a vosa colaboración para encher de “berros” un mural conmemorativo desta data colocado na entrada do cole e facer unha montaxe coas fotos que nos enviedes.
Animámosvos a que leades con atención o manifesto deste ano da AELG. O lema elixido é #cumpriuseaxustiza baseado no poema que se recolle no libro Follas Novas “A xustiza pola man”.
O que vos pedimos desta vez é unha imaxe (foto, debuxo,...) na que as familias saiades “berrando” pola xustiza social. Botádelle imaxinación, coma sempre. Deberedes envialas por correo electrónico á: bibliotecalamas@gmail.com
Na páxina da AELG poderedes atopar toda esta información:
O 23 de febreiro será o derradeiro día para recibir as imaxes. Un ano máis, animádevos a participar e moitas grazas pola vosa colaboración.
* No.pdf adxunto tedes algúns exemplos do que poderíades enviar. Podedes poñerlle texto.
Salvádeme, berrei. Axudáime, berrei, berrei, berrei...
(Rosalía de Castro).