Recursos didácticos

Trabalinguas

29 de abril de 2020

 

Deixámosvos aquí unha recompilación dos trabalinguas enviados por aqueles que participastes na actividade lingüístico-musical proposta por Patricia. Recoñecedes as voces dos trabalingüistas?

Parabéns!

 

Probas semanais 3º e 4º

Sabemos que todos estades desexando vervos as caras de novo e por momentos algúns de vós estades aburridos, así que propoñemos esta actividade na que debedes realizar a proba semanal que se vai publicar cada luns. Tedes toda unha semana, así que animádevos a participar!

Para iso, empregaremos esta ferramenta que se chama "padlet". Non vos esquezades de gravar un vídeo ou sacar unha foto facendo cada proba e despois colgalos aquí, onde irán aparecendo todas as vosas aportacións. Só tedes que darlle ao icono de + e xa vos aparecen as opcións para poder subir o que queirades (só as nais/pais poden colgar as fotos ou os vídeos). Se tedes calquera dificultade á hora de facelo, escribídenos ao correo prensasofan@gmail.com.

 

 

Día de Rosalía

24 de febreiro de 2020

 

O noso colexio quixo homenaxear a Rosalía de Castro no seu 183 aniversario realizando varias actividades. Por unha banda, puxémoslle fermosos nomes á estrela Rosalía e, por outra, recitamos algúns dos seus poemas desde Radio Sofán.

Ademais, na clase de 3º, destacamos a un alumno amante da poesía cun aquel especial por Negra Sombra, que nola quixo recitar tamén a través da radio.

Deixámosvos aquí as ligazóns a todas estas actividades:

- Nomes para a estrela Rosalía:

  

Día da amizade

14 de febreiro de 2020

 

Hoxe celebramos o "Día da amizade" elaborando piruletas de goma eva para os nosos amigos invisibles.

 

Obradoiro do mel

6 de febreiro de 2020

 

Esta mañá non só puidemos achegarnos un pouco ao mundo apícola e á diferenciación de distintos tipos de mel, senón que tamén lembramos a importancia de respectar e coidar ás nosas amigas as abellas, que tan necesarias son para a vida. 

 

Ponlle pilas ao teu bocata!

3 de febreiro de 2020

 

Nesta actividade enmarcada no proxecto "Aliméntate ben" (Plan Proxecta), o alumnado reflexiona acerca da importancia de inxerir diariamente todos os nutrientes que o noso corpo precisa para estar san. Un bocata de conservas do mar aporta proteínas, vitamina B12 e hidratos de carbono: unha opción deliciosa de obter a enerxía que nos axudará a alcanzar as nosas metas. Bo proveito!

 

Carabela (Galeatro)

31 de xaneiro de 2020

 

Un peixe mutante, un paxaro pesimista e unha boneca de plástico queren axudar a Carabela a fuxir de Illa Pequena de Plástico, na que a vida non é posible. Unha historia de amizade, supervivencia e concienciación ambiental sobre a que deberiamos reflexionar. Encantounos!

 

Plan Proxecta - Arcimboldo

22 de xaneiro de 2020

 

Ao longo do primeiro trimestre estivemos a traballar arredor da figura de Arcimboldo no marco do Plan Proxecta. Aquí deixamos unha mostra do resultado desta actividade, mais podedes ver máis fotos na galería de imaxes facendo click aquí.

 

 

 

Ula Lúa?

8 de xaneiro de 2020

 

En Ula Lúa? a gatiña Lúa é a protagonista. Non ten irmáns e a avoa non lle deixa saír da casa, pero ela soña con viaxar, coñecer novos lugares e ter amigos para xogar. Cando logra saír, atópase cun gato que tamén intenta impedir que realice os seus soños, pero Lúa di NON, porque ninguén ten dereito a destruír os seus soños e ilusións. A igualdade e a non violencia son pilares desta historia na que os personaxes mostran unha realidade que padecen nenas e mulleres en todo o mundo.

 

 

Powered by Drupal - Design by artinet