Complementarias

O xoves 6 de febreiro os grupos de 5º e 6º tiveron unha charla dentro do Plan Director relacionada cos perigos do mal uso nas novas tecnoloxías e internet, actividade que se complementou o martes 11 de febreiro cun obradoiro na sede de Afundación de Ferrol.

Este obradoiro pretendía simular a vida cotiá dun mozo, escenificando ataques reais executados por persoal especializado. Un relator e un hacker puxeron a proba ao noso alumnado co único obxectivo de facer das ferramentas dixitais unha contorna segura e positivo.

Data: 11 de feb. Hora: 11:30

Sede Afundación - Ferrol

O día 22 de outubro temos unha serie de actividades promovidas pola ANPA en favor da IGUALDADE.

Moitísimos nenos e nenas do colexio participaron na "Carreira do Ensanche". Centos de rapaces cos papás e mamás fixeron que a Praza do Inferniño estivera preciosa. Cantas fotos se fixeron! Xa sabemos que o importante é participar polo que o colexio está de noraboa, pero debemos salientar as carreiras de Pablo Santana Villasuso (2º de EP) e Carmen Maldonado Ordóñez (6º EP), primeiro e segunda nas súas carreiras respectivas.

O venres, 15 de xuño, celebramos o Día da Interculturalidade no noso centro, dado que cada vez máis temos rapaces de tódalas partes do mundo.

Os nenos de 6º de Educación Primaria prepararon unha presentación sobre as diferenzas entre estar escolarizado nun colexio coma o noso ou noutro dun país con menos recursos. 

Asimesmo Mihai Taran e a súa nai que proceden de Rumanía, fixeron unha presentación sobre o seu país.