Skip to Content

GRATUIDADE DE LIBROS DE TEXTO PARA O CURSO 2019-2020

A Orde do 3 de maio de 2019 (DOG do 20 de maio) regula as distintas modalidades de gratuidade solidaria de libros de texto para o vindeiro curso 2019-2020: a participación no fondo solidario, as axudas para adquirir libros de texto e as axudas para adquirir material escolar.

Todas as familias do alumnado de 3º e 4º de E. Primaria poderán solicitar acollerse ao FONDO SOLIDARIO DE LIBROS DE TEXTO  (banco de libros) regulado na Orde do 3 de maio. O alumnado de 5º e 6º de E. Primaria utilizará libros dixitais (E-DIXGAL).

As familias do alumnado de 1º e 2º de E. Primaria, que non superen os 9000€ de renda per cápita no ano 2017, poderán solicitar as AXUDAS PARA A ADQUISIÓN DE LIBROS DE TEXTO (vale), así coma as do alumnado de E. Especial e as do alumnado regulado nas disposicións adicionais primeira e segunda da citada Orde.

Todas as familias do alumnado de 1º, 2º, 3º, 4º, 5º e 6º de E. Primaria que non superen os 5400€ de renda per cápita no ano 2017 poderán solicitar as AXUDAS PARA A ADQUISICIÓN DE MATERIAL ESCOLAR (vale) reguladas na Orde do 3 de maio. O alumnado en situación de acollemento, de E. Especial ou con discapacidade igual ou superior ao 65% será beneficiario desta axuda con independencia da renda.

Nesta convocatoria, ao igual que na anterior, as solicitudes poderán presentarse por vía electrónica a través da aplicación Fondolibros (https://www.edu.xunta.gal/fondolibros) empregando calquera dos mecanismos de identificación e sinatura admitidos pola sede electrónica, incluíndo o sistema de usuario e Chave 365. Igual que en anos anteriores, presentarase unha única solicitude para todos os irmáns matriculados no mesmo centro

MOI IMPORTANTE: tanto para solicitar as axudas como para acollerse ao fondo solidario é obrigatorio devolver no centro os libros correspondentes ao Fondo Solidario utilizados no presente curso antes do 21 de xuño do 2019.

 Se desexa obter información sobre as datas de publicación das listaxes de adxudicación de libros en 4º de E. Primaria e as de entrega de vales, clique aquí

                                                   Para máis información preguntar na secretaría do centro

LISTAXE PROVISIONAL DE ADMITIDOS

RECLAMACIÓNS: estas listaxes poderán ser obxecto de reclamación ante a dirección do CEIP de Esteiro no prazo de 2 días hábiles contados a partir da publicación das mesmas. As reclamacións resolveranse coa publicación das listaxes definitivas o vindeiro venres día 12/07/2019. Nas listaxes definitivas poderanse visualizar as materias dos libros adxudicados.  


LISTAXE DEFINITIVA DE ADMITIDOS


PROCESO DE ADMISIÓN 2019-2020

HORARIO DE ENTREGA DE SOLICITUDES:

      TÓDOLOS DÍAS DE 09:00 A 09:50
      MARTES DE 16:00 A 19:00  
      MÉRCORES E VENRES DE
13:15 A 14:00 

Para visitas ao centro concertar cita telefonicamente: 981352904



 

RESERVA DE PRAZA NO IES SOFÍA CASANOVA POR PARTE DO ALUMNADO DE 6º DE E. PRIMARIA (2019-2020)

O alumnado de 6º de Primaria que durante o curso 2019/2020 desexe cursar 1º da ESO no IES Sofía Casanova, centro ao que estamos adscritos, deberá efectuar a reserva de praza entre o e o 15 de febreiro. Para elo terán que entregar o impreso Anexo I que se lles proporcionou no centro, debidamente cumprimentado, na secretaría do CEIP de Esteiro no prazo establecido.

Se por calquer circunstancia se precisase un novo impreso, pódese obter clicando no seguinte enlace.

Este curso, igual que o pasado, as familias tamén poden cubrir a solicitude na aplicación admisiónalumnado dispoñible na páxina da Consellería de Cultura, Educación e Ordenación Universitaria, a través do menú: Solicitudes--Reserva--Crear solicitude e presentala no centro educativo ou na Sede Electrónica da Xunta de Galicia, así como consultar o estado de tramitación da mesma.

Listaxe definitiva de alumnado admitido para 1º da ESO no IES Sofía Casanova.

DÍA DAS LETRAS GALEGAS

A celebración das Letras Galegas foi especial. Sonaron as gaitas, bailamos unha muiñeira entre quinto e sexto baixo a atenta mirada do resto do alumnado,  faláronnos de Antón Fraguas Fraguas e cantamos moito. Un día feliz en que reivindicamos o uso do galego, a lingua dos nosos devanceiros. Unha homenaxe á nosa cultura.

XARDÍN DE PLANTAS AROMÁTICAS

Grazas á ANPA estivemos estes días creando un xardín fabuloso cheo de plantas aromáticas que farán máis agradable o noso patio. Aprendemos moito, gozamos traballando a terra e plantando. Agora toca conservalo e respectalo. Grazas!!

 

 

XII ENCONTRO ESCOLAR DE XOGOS TRADICIONAIS

O 11 de maio, en San Sadurniño, celebramos o XII Encontro Escolar de Xogos Tradicionais. Pasámolo en grande xogando a todo o que se nos puxese diante. Unha morea de nenos e nenas coas familias pasamos un día grande outro ano máis. Esperemos que poidamos continuar con esta tradición os próximos cursos.

 

Se queredes ver o vídeo que está colgado da páxina de Brinquedia, copiade este enlace: 

https://youtu.be/N-Y-ztJaIoM

OS MAIOS

Como ben sabedes, o peón é un sinal de identidade deste centro. Temos un modelo que, por segundo ano consecutivo, vestimos de verde, flores e ata laranxas e limóns. Quedou moi vistoso grazas á aportación do material por parte das familias, a unha nai que tivo moita disposición para o deseño, a Eva que actuou con dilixencia e aportando ideas, ao profesorado e, por suposto, grazas ao bo facer de todos os nenos e nenas que por alí pasaron a crear o noso fantástico Maio.

E cantaron na Praza de España.

 

Día da Interculturalidade

O 2 de abril, Tami e Isra contáronnos, xunta a Laura (a irmá) e o seu pai, como é Etiopía: tradicións, cultura, características do seu país de orixe. Ao rematar, deixáronnos claro que son galegos e moi de Ferrol. Graciñas pola vosa aportación!

 

RECICLAXE. Recollida de materiais plásticos na praia de Caranza

Distribuir contido


by Dr. Radut