try another color:
try another fontsize: 60% 70% 80% 90%
CEIP de Rebordáns
Educación para o futuro, presente no rural de hoxe.

Publicacións do centro

Celebrando o Samaín

Ola familias!

Deixámosvos unha mostra do que foi esta semana de Samaín no colexio. Unha semana de medo!

Aprendemos na casa

Bo día familias,

facilitámosvos a programación de contidos educativos que se emiten en aberto durante as mañás, de luns a venres, en Clan TV e na 2 de TVE.

Canle Idade Luns Martes Mércores Xoves Venres

Clan TV

9:00-10:00

 6-8 anos Matemáticas Ciencias Sociais

Ed. Artística

Ed. Física

Lingua e idiomas Ciencias Naturais

Clan TV

10:00-11:00

8-10 anos Matemáticas Ciencias Sociais

Ed. Artística

Ed. Física

Lingua e idiomas Ciencias Naturais

Clan TV

11:00-12:00

10-12 anos Matemáticas Ciencias Sociais

Ed. Artística

Ed. Física

Lingua e idiomas Ciencias Naturais

2 de TVE

12:00-13:00

12-14 anos Matemáticas Ciencias Sociais

Ed. Artística

Ed. Física

Lingua e idiomas Ciencias Naturais

2 de TVE

13:00-14:00

14-16 anos Matemáticas Ciencias Sociais

Ed. Artística

Ed. Física

Lingua e idiomas Ciencias Naturais

 Ademáis a Televisión de Galicia tamén emite, de luns a venres de 11:00 a 13:00, pola súa segunda canle TVG2 un bloque de programación educativa.

Deixámosvos o enlace para que poidades consultar a programación: Programación TVG2

#quedanacasa

Novas medidas COVID-19

Bo día familas, 

En primeiro lugar, o Equipo Directivo do CEIP de Rebordáns prega calma e tranquilidade xa que está a ser moi complicado dar indicacións firmes e oficiais á Comunidade Educativa. As informacións da Consellería estannos a chegar despois do anunciado nos medios de comunicación e con directrices provisionais, polo tanto son susceptibles de modificarse segundo avanzan as horas en función das indicacións das nosas instancias superiores. Agradecemos a vosa comprensión e  colaboración que sempre amosades.

 

Tal e como marcan as medidas a tomar indicadas polo Goberno Central e a espensas de novas directrices por parte da Xunta de Galicia, os/as mestres/as manteranse en contacto coas familias.  A información farase chegar a través da páxina web do centro, así como por Abalar. As dúbidas que vos poidan xurdir aclararanse únicamente por vía telefónica (10:00 - 13:00) e por correo electrónico.

 

O Equipo Docente, así mesmo,  quere salientar as seguintes orientacións:

 

É importante que lle expliquedes ao alumnado que esta situación non corresponde a un período vacacional por iso pregamos que, na medida do posible, tentedes manter hábitos e rutinas propias do período escolar:

1. Erguerse e deitarse no horario habitual.

2. Establecer un horario de traballo para desenvolver as actividades propostas seguindo as indicacións do profesorado. Preferentemente de mañá.

3. Realizar un breve descanso entre tarefas onde o neno/a poida moverse libremente.

4. Horarios estables nos hábitos diarios: comidas, tempo de lecer…

5. Limitar e controlar o uso e contidos  de pantallas e buscar alternativas a estas coma xogos de mesa, manualidades, cociña, escoitar música, facer contos, ler…

6. Pódense establecer rutinas de axuda nas actividades da casa: poñer a mesa, recoller, regar as plantas, colocar e ordenar a habitación, decorar…

7. Falade coas vosas fillas e fillos con tranquilidade sobre a situación, facendo que expresen as súas inquedanzas e sentimentos.

 

AMPLIACIÓN PERÍODO MATRICULACIÓN

 

Segundo as novas instrucións en relación co COVID-19, amplíase provisionalmente o prazo de presentación, telemática e presencial, de solicitudes de admisión que finalizará 1 semana despois do reinicio das clases. Recoméndase a utilización preferente da modalidade telemática para a presentación das solicitudes.

 

Aproveitamos para enviarvos un saúdo, así como o noso apoio e agarimo ante tal situación.

 

#quedanacasa

 

I Convivencia Científica

Os alumnos e alumnas de 3º e 4º de Primaria convertémonos por uns días en científicos e científicas. Cada un de nós preparou un experimento que despois expuxo aos demais compañeiros. Ademáis, sabíamos que no CEE de Panxón teñen un proxecto chamado CienCEE, no cal abordan a ciencia dun xeito máis experimental e, xa que nós estabamos a facer algo semellante pensamos... por que non compartir os experimentos entre os dous centros? Escribímoslle para convidalos e así foi como naceu a I Convivencia Científica!

Onte foi o gran día, resultaron unhas xornadas moi interesantes e entretidas nas que aprendimos un montón. Pero non todo ían ser experimentos! ademáis compartimos teatro, xogos, aprendizaxe, algún petisco... pero sobre todo, e o máis importante, convivimos!

  

Grazas CEE de Panxón por facer este día taaaaan especial!! 

Seguro que repetiremos.

#Abride a fiestra

Traballo realizado por todo o alumnado do centro co motivo da celebración do "Día de Rosalía".

Receitas doces

Distribuir contido