Aliméntate ben, Paisaxe e sustentabilidade

Gañadores do reto Aliméntate ben! Semana 2

Mér, 20/02/2019 - 22:37

E de novo volveron sorprendernos os nenos e nenas de 6ºA con un récord de merendas froiteiras! Sí que o están a tomar en serio estes mozos e mozas, PARABÉNS EQUIPO!!!

Deixámosvos cun enlace ao álbum de gañadores semanais do reto facendo clic na imaxe:

E, como non, seguimos cos nosos Receitarios Saudables; non esquezades ir revisando o álbum ao que cada semana iremos engadindo novas imaxes Podedes acceder facendo clic nesta outra imaxe:

blogue de admin

Gañadores do reto Aliméntate ben! Semana 1

Dom, 10/02/2019 - 21:20

Xa temos os resultados da primeira semana participando do reto de merendas saudables no cole de Beade!

Podemos asegurarvos que a campaña está sendo TODO UN ÉXITO e que estamos moi contentos e contentas coa resposta do noso alumnado e das familias. Parece que comezamos cumprindo o obxectivo de ir mellorando as merendas no centro, agora só nos falta convertelo nun hábito

Sigamos disfrutando do concurso e, por suposto... PARABÉNS AO EQUIPO DE 6ºA!!! Case, case alcanzado polo equipo de 4º Veremos qué nos depara esta semana.

Ranking da semana 1

Equipo gañador 6ºA

Ademais da condecoración correspondente, os mozos e mozas de 6ºA disfrutarán durante toda esta semana dun privilexio especial que outorgará a súa titora.

E, lembrade, o equipo que máis condecoracións teña ao finalizar o reto... PREMIO ESPECIAL!!!

blogue de admin

Receitarios saudables en marcha!

Ven, 01/02/2019 - 18:15

Quen dixo que comer ben era aburrido? No cole de Beade estamos descubrindo que comer froita se pode converter nun verdadeiro divertimento. Non só polo reto que comezaremos este luns (tedes toda a información aquí), senón tamén grazas á vosa colaboración dende o fogar para a elaboración dos nosos Receitarios Saudables.

Cada semana estes cadernos chegarán a unha casa para desfrutar de tempo compartido entre froitas e cubertos Lembrade que nas aulas esperan expertas e expertos catadores; mmmm!

De antemán, moitísimas grazas por colaborar nesta nova misión; agardamos que desfrutedes do proceso!

Aquí vos deixamos un enlace ao álbum coas imaxes e vídeos das receitas que foron chegando ás diferentes aulas do cole (ATENCIÓN: irémolo actualizando semana a semana!):

-ÁLBUM RECEITARIOS SAUDABLES-

blogue de admin

Canta froita comemos no cole? Temos os resultados!

Ven, 25/01/2019 - 20:40

Xa vos amosamos o que acontece en Infantil, queredes saber agora o que estaba a suceder en Primaria? Pois sabede que os mestres e mestras do centro estivemos a facer un "estudo-segredo" durante o mes de decembro para contabilizar o consumo de froita durante as merendas do cole. Algúns alumnos e alumnas decatáronse de que algo acontecía, pois iso de que os titores e titoras preguntasen polas merendas de xeito tan insistente era un pouco sospeitoso... pois ben, aquí temos os resultados das nosas investigacións!

A partires desta contabilización poidemos establecer a porcentaxe media do consumo de froita de cada aula durante o mes de decembro, aquí vos amosamos os resultados:

Como podedes ver, a aula de 5ºB foi a máis saudable en canto a merendas se refire! Pero isto non ten porqué seguir sendo así...

ATENTOS E ATENTAS!!! Queredes participar neste RETO???

Este curso propoñémosvos participar nunha proba na que pretendemos atopar A AULA MÁIS SAUDABLE. Para participar só teredes que encher as vosas merendas de froita e ir cubrindo as táboas coa axuda dos vosos titores e titoras. A clase que máis froita merendase ao rematar cada semana, obterá un recoñecemento especial. Ademáis, ao finalizar o curso, outorgaremos os debidos premios a aquelas aulas máis participativas

Veña, que comer froita vaise converter agora nun divertido xogo. COMEZAMOS!

blogue de admin

Degustamos froitos de outono en Infantil.

Mér, 23/01/2019 - 20:30

Xa vos ensinamos as froitas que os martes traemos ao cole para a merenda, pero, sabedes que? Esas non foron as únicas que probamos! Alá polo mes de novembro, as mestras de Infantil agasalláronnos cunha saborosa sorpresa.

Na aula de 5 anos recibimos unha carta do Señor Outono e unha cesta ateigada de froitos -algúns máis coñecidos que outros- e o mesmo aconteceu na aula de 4 anos, onde, ademais, nos atrevemos a exprimir un pouco de zume de laranxa.

Queredes velo?

Aquí tedes os enlaces para acceder aos álbumes de 4 anos (clicade nos títulos para ver as fotos):

Degustación de froitos de outono.

Elaboración de zume de laranxa.

E aquí o vídeo do acontecido na aula de 5 anos: