Podcast de ceipcedeira: RECITADO DE VERSOS DE ROSALÍA

Na canle de radio ceipcedeira en iVOOX, xa podedes escoitar o emotivo recitado de versos no que participou todo o alumnado do colexio para celebrar o día da poeta.

Preme na imaxe para escoitalo.

TRABALLO PARA REALIZAR DURANTE O PECHE POR CORONAVIRUS

Seguindo as instrucións comunicadas pola Consellería para todos os centros de ensinanza, en relación coa pandemia COVID-19 para os próximos 14 días naturais contados dende o día 16 de marzo de 2020, preséntanse a continuación as tarefas que dispuxo o profesorado para estes días.

Facendo click no curso correspondente poderedes acceder a cada un deles.

 

                                                                                                                                                  

 

https://4.bp.blogspot.com/-vU2-0_tFPBQ/Wt2q_3lyzGI/AAAAAAAADZ8/a2WfXXELCCMTGbsyk9bpLdScgtc6_T-yACLcBGAs/s1600/dia%2Bdo%2Blibro%2Bcartelillo%2Banimado%2B500.gif        
DIA DO LIBRO 1º, 2º e 3º  4º, 5º e 6º
 EXPERIMENTOS
D. ORIENTACIÓN
     
E. INFANTIL INGLÉS E. FÍSICA E. MUSICAL RELIXIÓN C.

 

 

Para calquera comunicación relativa ao traballo para estes días podedes empregar a conta de correo do colexio en gmail: ceip.cedeira@gmail.com

 

 

70 ideas fáciles para jugar con niños dentro de casa 

 

Save the Children dá 5 consellos sobre que facer e como actuar se os nenos e as nenas quedan na casa

  

8 apps españolas ofrecen gratis sus contenidos para que los niños aprendan desde casa

 

 

 

MEDIDAS NOS CENTROS DE ENSINO POLO CORONAVIRUS

Na páxina web da Consellería de Educación están as medidas que se van adoptar en relación ao coronavirus.

RADIO CEDEIRA

Xa podedes seguir as nosas andanzas coa radio... O Cefore de Vigo prestounos unha radio e "está que bota fume". Podedes seguirnos en iVOOX ou no enlace que tedes no bloque da esquerda.

8 DE MARZO: DÍA DA MULLER

O 8 de marzo celebramos o Día das Mulleres e quixemos representalas cunha prenda que é moi característica: as batas ou os delantais. Así que cada rapaz/a trouxo unha da súa mamá, avoa, tía, veciña, etc. e vestidos con elas recitamos poemas de Rosalía de Castro. Despois colgámolas pola verxa do colexio como símbolo presente durante toda esta semana. 

 

DÍA DE ROSALÍA

Celebramos o Día de Rosalía cun acto de recitado de poesías da autora, por parte de todas as nenas e nenos do colexio. Cadaquén recitou o seu verso e, entre todos e todas, quixemos lembrar ás persoas migrantes que houbo, hai e haberá, errantes polo mundo adiante en busca dunha vida mellor. 

As árbores do colexio quedaron repletas de postais con fotos de mulleres migrantes e versos que Rosalía escribiu e que perduran nos nosos corazóns.

Sempre viva, Rosalía!

O Ceip de Cedeira participa no Proxecto Ríos. Saída "Muíños e Regatos" da man de Álvaro.

Este último día de febreiro fixemos por fin a andaina prometida para observar, concienciarnos e limpar un tramo de ruta da Senda da Auga e río Fondón. Aprendimos moito da flora e fauna que viven nestas paraxes e, ademáis, participamos nunha acción de limpeza que deu como resultado un bo monte de residuos, sobre todo plásticos.

 

ENTROIDO

Como cada ano celebramos o Entroido no Ceip de Cedeira. Este está adicado á alimentación e á reciclaxe, polo que os cursos disfrazáronse de froitas, cociñeir@s, ensaladas e pizzas. Todo o mundo festexou con alegría o percorrido polos camiños de Cedeira e tamén a queima do Meco. As lambonadas que prepararon as familias e que todos e todas degustamos, estaban boísimas. 

25 de novembro: DÍA CONTRA A VIOLENCIA DE XÉNERO

Hoxe no colexio quixemos proclamar a nosa oposición á violencia de xénero, por iso fixemos unha chea de actividades relacionadas. O primeiro foi entrar pola porta violeta que canta Rozalén e, entre todos os cursos, constuír dúas flores cheas de mans de colores de todo o alumnado. Nas aulas tamén traballamos sobre este tema, fixemos murais, vídeoforum, cancións, etc.


 

Powered by Drupal - Design by artinet