SUXESTIÓNS LECTORAS VERÁN 2019

Como todos os anos, a biblioteca fai as súas recomendacións para acompañar o tempo de lecer cun libro.

PERIODO DE ADAPTACIÓN PARA O ALUMNADO DE 4º DE E.I.

Facendo clic no enlace adxunto podedes ver o periodo de adaptación

O ALUMNADO DE 6º PARTICIPA NA FEIRA DE CIENCIA DE REBOREDA COA "PARROQUIA DOMÓTICA"

Este ano recibimos a invitación do Ceip de Reboreda para asistir á II Feira de Ciencia que o centro organiza  e non puidemos dicir que non, así que, preparamos a nosa "Cedeira do-mó-ti-ca"para a viaxe, e alá fomos.

É unha feira moi ben organizada, na que todos e todas, mestres/as, alumnado e familias participan con gran interese e na que se atopan todo tipo de experiencias científicas que fan percibir a realidade desde outra perspectiva. As alumnas e os alumnos participaban na organización e moitos colexios da contorna asistiron para disfrutar dos experimentos.

Foi unha experiencia moi interesante porque puidemos amosar o traballo realizado aos nenos e nenas que se achegaban, así como explicarlles o funcionamento. Tamén nos gustou a sensación de participar como expositores nunha actividade como esta.

Grazas, ceip de Reboreda, por invitarnos e que a Feira siga moito tempo máis.

 

 

EDUCACIÓN INFANTIL FAI PRÁCTICAS DE PRIMEIROS AUXILIOS CON PROTECCIÓN CIVIL

Esta mañá recibimos a visita de Protección Civil de Redondela para ensinarnos a actuar ante un caso de emerxencia.

Aprendemos o número de teléfono ao que temos que chamar, o que temos que dicirlle á persoa que nos atenda e como reanimar ao enfermo/a mentres non chega a ambulancia.

Tamén veu un grupo de bombeiros que nos explicaron en que consiste o seu traballo, como funciona o camión e as mangueiras.

Pero o que máis nos gustou de todo foi... SUBIR ENRIBA DO CAMIÓN!

HOMENAXE A XABIER P. DOCAMPO NO ANIVERSARIO DO SEU FALECEMENTO.

Onte, luns 10 de xuño e hoxe, recordamos ao escritor e mestre xabier Docampo lendo algúns dos seus libros. 

Na Biblioteca, o alumnado de 6º fixo unha representación do conto: "O home que inventou unha maneira de andar" para o alumnado de Educación Infantil, 1º e 2º.

 

O ALUMNADO DE 6º VISITA O IES MENDIÑO

Como cada ano, o alumnado de 6º visitou o IES Mendiño, que é o instituto ao que está adscrito o colexio de Cedeira. Xunto a alumnados de outros dous centros, fomos recibidos por alumnas e alumnos que estaban en 1º da ESO e representaron unha peza lida e dramatizada que resultou gañadora do 3º premio de relatos A Reboraina; participamos na visita ás instalacións do centro, compartimos diversos xogos cos outros colexios e o recreo co alumnado do IES; tamén degustamos unha merenda que nos tiñan preparada. Unha mañá moi entretida. 

PARTICIPAMOS NO FARO DA ESCOLA

O alumnado do colexio participou na xornada de clausura do Faro da Escola na que se deron os premios correspondentes a esta nova edición. Nesta ocasión recibimos o Premio especial á investigación. Cada alumno/a do colexio recibiu un exemplar do xornal que confeccionamos.

 

 

 

DÍA DAS LETRAS GALEGAS 2019: ANTONIO FRAGUAS

 

O 17 de maio celebramos o Día das Letras Galegas, este ano adicado a Antonio Fraguas Fraguas, un home polifacético de Pontevedra que investigou no patrimonio e foi un defensor da lingua galega.

Os cursos traballaron sobre o autor homenaxeado a través dunha "xincana" que elaboramos con probas de busca e de actividade. Pasárono en grande!

Un grupo de alumnos e alumnas gravaron un programa de radio sobre Antonio Fraguas.

Preme no arquivo de audio para escoitar ao alumnado do colexio. 

Mil primaveras máis para a lingua galega! 

 

DÍA DO LIBRO 2019

Conmemoramos o Día do Libro cunha actividade, organizada desde a Biblioteca, na que todos os alumnos e as alumnas, durante a hora de ler, convertéronse en escritores e escritoras de relatos. O tema foi "Eu quixera ser..." e cada curso puxo o seu posto de libros para que todo o alumnado pasase por eles para ler.

Os nenos e nenas levaban cadanseu carné, que os encargados/as do posto ían selando cada vez que os lectores pasaban por eles.

Así, ao final, cada neno e nena recibiu un agasallo na biblioteca por ter participado nesta xornada festiva.

O alumnado de Educación Infantil tamén participou no Día do Libro... mirade con que interese len!

Parabéns a todos e todas por unha xornada tan fermosa! 

   

CHARLA DA POLICÍA SOBRE O USO DE INTERNET

O alumnado de 5º e 6º de EP recibiu unha charla por parte dunha policía que lles falou do uso e o abuso das NNTT. Foron 90 minutos moi interesantes nos que se deron conta de que as novas tecnoloxías e a internet son ferramentas moi útiles pero que requiren dun uso razonable e coidadoso por parte de todos. Hai que manter unha serie de precaucións para evitar situacións de risco e aquí, as familias teñen un papel moi importante. Por iso, o día 14 de maio, ás 18:00 horas, haberá unha nova charla por parte da policía, esta vez destinada a nais e pais, na que agardamos a vosa asistencia.

 


Powered by Drupal - Design by artinet