CEIP CANOSA-RUS

O prazo de presentación de solicitudes é desde o día 15 de xaneiro ata o 5 de febreiro e diríxese ao alumnado de 6º Curso de Educación Primaria que continuará os estudos no IES Isidro Parga Pondal.

As familias poderán cumprimentar as solicitudes de reserva de xeito manual ou a través da aplicación http:www.edu.xunta.gal/admisionalumnado/

Dende o CEIP Canosa Rus desexamos que teñades unhas boas festas. 

O vindeiro venres 13 de outubro de 2023 non haberá clases ao estar aprobado como día non lectivo.

Estimadas familias: o luns comezamos as clases e ponse en marcha o servizo de comedor deste novo curso con moita ilusión e alegría por volver ao cole. Deixamos o menú de setembro no adxunto. Un saúdo. 

Estimadas familias: Os requisitos necesarios para tramitar as solicitudes para colaboración no comedor para o curso 2023-2024 son os que figuran detallados a continuación. Un saúdo. O equipo directivo.

1.Solicitude de colaboración cuberta e asinada.

2.Carnet de manipulador de alimentos en vigor.

3.Certificado actualizado de delitos sexuais e de seres humanos.

4.Certificación bancaria que acredite ser titular dunha conta e datos da mesma.

5.Dispoñer dunha conta de correo electrónico.

6.Fotocopia do DNI en vigor.

Estimadas familias: Na tarde de hoxe saíu publicada a Instrución 2/2023 da Secretaría Xeral Técnica da Consellería de Educación, Cultura, Formación Profesional e Universidades, do 1 de Xuño, sobre funcionamento dos comedores escolares de xestión directa no curso escolar 2023-2024. Nos arquivos adxuntos deixamos o documento completo e o modelo de solicitude.

Podedes entregar no centro a solicitude e o Modelo de Autodeclaración e Especificacións cubertos, en horario de atención ao público. Por favor, cubride os documentos con letras maiúsculas e con tinta azul e lembrade que é imprescindible que figuren todas as sinaturas necesarias en cada unha das solicitudes para poder ser tramitadas. Un saúdo. O equipo directivo. 

- Páxinas 48, 49, 50 da Instrución: Modelo de Autodeclaración e Especificacións.

Estimadas familias: Deixamos no adxunto a Orde do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da Educación Infantil na Comunidade Autónoma de Galicia e se regula a avaliación nesa etapa educativa e a Orde do 26 de maio de 2023 pola que se desenvolve o Decreto 155/2022, do 15 de setembro, polo que establecen a ordenación e o currículo da Educación Primaria na Comunidade Autónoma de Galicia e se regula a avaliación nesa etapa educativa. Un saúdo. O equipo directivo.