CEIP de Belesar

Estamos de noraboa porque acadamos unha mención especial no IV Concurso Ollo de Vidro, co video Espertando soños, realizado co alumnado de 1º e 2º de `primaria. Recollemos o premio o pasado mércores no Festival de cans.

O alumnado de 1º e 2º de primaria participou no concurso O Ollo de Vidro que organizan os Equipos de Dinamización Lingüística, a Biblioteca Neira Vilas xunto co Festival de Cans. Nós fixemos un video recomendando a lectura de Paio e o poder da música co alumnado de 1º e 2º.

Quedamos finalistas no concurso e o vindeiro mércores 22 de maio  ás 18.30 en Cans ( no Baixo de Bugarín) proxectarase o noso video e comunicaran os gañadores, asi como a entrega de premios.

Se queredes vir ao evento, comunicádenolo na escola o luns 20 .

Moitas grazas, moita sorte e Noraboa aos participantes.

Hoxe, luns, comezamos coa Semana Cultural adicada a Antonio Fraguas Fraguas. Grazas ao alumnado pola súa participación.

As nenas e nenos de cuarto seguimos afondando no mundo da robótica. Logo de traballar os kits de Lego e de achegarnos á programacion con mBlocky, agora metémonos a construtores! Con moita dedicación e atención montamos os novos robots que chegaron ó colexio. Paso a paso, peza a peza e parafuso a parafuso conseguimos que quedaran xeniais!