Skip to Content

XX CONCURSO DE CONTOS DE CERDIDO

Debido ao estado de confinamento polo que estamos obrigados a quedar na casa, este ano, o concurso de contos farase a través de medios telemáticos. Se tes menos de 14 anos, dende o concello queren animarte a que participes no concurso creando un conto, lenda ou historia que fale de Cerdido e nola fagas chegar por calquera dos medios que che ofrecemos. Deberás acompañar o conto cos teus datos: nome e apelidos, enderezo, teléfono de contacto e curso no que estás matriculado na actualidade. Deste xeito poderás optar a un dos premios, segundo as diferentes categorías. Este ano, para premiar o bo comportamento de tódolos nenos e nenas, que están cumprindo e dando un gran exemplo de solidariedade e responsabilidade quedando na casa, o concello terá algunha sorpresa preparada, ademais dos premios, para cando poidamos saír e celebralo todos xuntos!

 

DIPLOMA #EUQUEDONACASA


Sabemos que non está a ser doado o confinamento, pois a todas e todos vos gustaría poder saír a xogar cos vosos amiguiños, darvos fortes apertas, ver a toda a xente, ir ao cole... Tamén é difícil ás veces seguir as rutinas e tarefas da escola á distancia; e a situación en xeral resúltanos, cando menos, rara. As rúas non son o que eran, as tendas, os parques, mesmo os nosos fogares. 


Pero tamén sabemos que o estades a facer como uns verdadeiros campións e campionas. Por iso elaboramos este diploma, que vos otorgamos polo voso comportamento exemplar durante o confinamento. Seguide así, portándovos ben na casa, axudando nas tarefas do fogar, rindo e xogando porque pronto todo isto pasará e voltaremos a vernos na escola.

Podédelo descargar no documento adxunto.

MÚSICA

Todos

Vamos poñer atención ós diferentes temas que sonan nesta obra. Ollade que só nos moveremos cando soe o tema principal . Así que temos que estar atentos.Collede un pano que teñades e a bailar seguindo a música. Deixovos un vídeo de exemplo .

Ocórresevos facer un movemento distinto para cada tema ? Seguro que sí! Enviádeme o vídeo coa vosa interpretación da obra. Fixádevos que para o tema principal ( o que se repite) temos que facer o mesmo movemento, sempre que soe.

Despois de vivenciala, visualizade o musicograma mentras escoitades a obra clic aquí  marcando o pulso en cada debuxo. Ollo ó signo de repetición que aparece , xa que indica que cada tema exponse catro ou cinco veces. Podedes descargalo máis abaixo como adxunto.

 

 

4º,5º,6º

Esta obra é "O reloxo vienés" de Z.Kodály. clic aquí

Zoltán Kodály ( 1882-1967) foi un musicólogo, pedagogo musical e compositor húngaro.

A forma musical desta obra é un rondó. Consiste nun tema principal ( A) ou retrouso,  que se repite  alternado con outros temas ( B,C,D ) ou coplas.

Cal é a estructura deste rondó que acabamos de escoitar ? Fixádevos no musicograma.

Facede o voso propio musicograma sobre esta obra ou outra que queirades .

 

Antía :)

 

 

 

 

 

Distribuir contido


by Dr. Radut