Actividades de Normalización Lingüística

Verbas inspiradoras no día das Letras Galegas 2020

Ola nenas e nenos:


O Trasno Trouleiro, como xa sabedes, anda gardado na nosa Biblioteca Escolar e non para de pensar. Desta vez, ocorréuselle que como non nos imos ver para celebrar o Día das Letras Galegas, podemos facelo dun xeito diferente:

As mestras van asignarvos unha palabra galega (chegaravos por privado). Nunha folla A4 (folio), en posición horizontal e moi en grande para que se vexa, escribiredes dita palabra e decorarédela como máis vos guste. Logo, grabaredes un vídeo co móbil onde ensinedes o voso cartel á vez que dicides en alto a palabra que vos tocou. Lembrade colocar o teléfono en horizontal para grabar. Despois xuntarémolos todos para facer un vídeo como fixemos o día do libro.


Esta actividade, coma outras que xa fixemos neste tempo no que temos que estar na casa, é totalmente voluntaria, pero sería moi bonito que participáramos todos. 

 


Podedes mandarlle os vídeos a Carmen por Whatssap e ela xa nolos fai chegar.


Esperamos que vos animedes.


Unha aperta moi grande.
Bicos.

Samaín

Aquí tedes algunhas fotos do noso día de Magosto e Samaín: talleres creativos, busca de pistas e a visita do Trasno Trouleiro e o seu conto "Cogomelos e Pesadelos". Pasámolo xenial!!

 

 

DÍA DAS MULLERES RURAIS

Velaquí tedes as actividades que fixemos para conmemorar o DÍA DAS MULLERES RURAIS. De novo moitísimas grazas a todas as mulleres por compartir connosco as vosas experiencias e as vosas fotografías!!

 

 

Folleto "A natureza que nos rodea"

En relación co proxecto sobre a auga e o concurso "a natureza que nos rodea" que levamos a cabo este curso, as alumnas e alumnos de 4°, 5° e 6° de Primaria realizaron uns folletos informativos sobre a auga en Cerdido (ríos, fervenzas, fontes, lavadoiros, rutas...). Podedes descargar o pdf no arquivo adxunto. Esperamos que vos guste.

Distribuir contido