Magosto - Samaín

TELEBALAÍDOS INFORMA

BALA TV from Ceip Balaídos on Vimeo.

Dende hai moitos anos xogamos no día do magosto e en clase de educación física ao xogo tradicional, pero nunca adicaramos tantos recreos. Por primeira vez o alumnado do cole poderá vivenciar no recreo unha chea de xogos tradicionais. Esta actividade durará uns 15 días e ten como obxecto divulgar as manifestacións lúdicas do noso patrimonio inmaterial e impulsar as tradicións dende un punto de vista didáctico e interxeracional. Presidido, como acontece dende hai 36 anos en Balaídos, polo xogo rei: O TROMPO.

O próximo xoves 3 de novembro celebraremos o noso SAMAGOSTÍN. Este ano as portas das nosas aulas serán do máis arrepiante!! Os actos serán presididos por dúas castañas chamadas Hermenexilda e Casilda. As familias colaborarán este ano facendo unha caixa porta castañas terrorífica! Nos próximos días iremos dando máis información sobre estas e outras tarefas que terán lugar.

Aínda que o tempo non acompañou moito, hoxe celebramos o Samagostín. Un montón de monstruos encheron o cole e comeron castañas quentiñas. 

 Hoxe celebramos o noso tradicional Samagostín, unha festa onde mesturamos Magosto e Samaín. Pinchade na imaxe para coñecer máis.

Achégase o final de outubro e como cada ano o CEIP Balaídos convértese na morada de esqueletos, morcegos, teas de arañas e demáis criaturas terroríficas para celebrar a tradición celta do Samaín. Esta festa xurdíu en outubro-novembro para celebrar o ano novo celta e o inicio da metade escura do ano. Durante estes días a escuridade farase dona do noso cole, pero sempre dende un enfoque divertido e motivante.

No blog da Biblioteca te invitarán ao Magosto.

Queredes ver as fotos doutros magostos? Pinchade aquí.