Skip to Content

CHARLA: FORMACIÓN EN IGUALDADE

A primeira das charlas organizadas pola ANPA ATALAIA https://anpaasangrina.com/ foi o pasado martes 24 de outubro.

O título completo da charla foi: Proceso formativo en Igualdade para nais, pais e profesorado. Foi impartida polo mestre e psicopedagogo  Ramón Torrente García.

SEGURIDADE NAS REDES

Vivimos nun mundo conectado. O noso día a día é cada vez máis dixital e a tecnoloxía forma parte das nosas vidas. Miles de dispositivos conéctase a internet a diario aportando un mundo cheo de posibilidades pero tamén de riscos.

Buscando axudar a familias e alumnado na necesidade de facer un uso responsable da tecnoloxía,aportamos estas páxinas:

NAVEGA CON RUMBO: https://navegaconrumbo.cpeig.gal/

O Colexio Profesional de Enxeñaría en Informática de Galicia (CPEIG), en colaboración coa Consellería de Cultura, Educación e Universidade da Xunta de Galicia, presenta o Plan Navega con Rumbo polo Ciberespazo. Esta é unha iniciativa encamiñada a que o alumnado dos centros escolares de Galicia, navegue con seguridade..."Non fagas en Internet nada do que non farías na túa vida real".

INCIBE: https://www.incibe.es/menores

 Instituto Nacional de Ciberseguridade. Ofrece servizos de ciberseguridade orientados a fomentar o uso seguro das tecnoloxías por parte dos menores, educadores e familias.

PANTALLAS AMIGAS: https://www.pantallasamigas.net/

Ten como misión a promoción do uso seguro e saudable das TIC, incluído Internet, e o fomento do uso dixital responsable na infancia e a adolescencia.

CICLO DE CHARLAS. FORMACIÓN EN IGUALDADE. ANPA ATALAIA

Despois das charlas co alumnado do Centro, chega o turno das familias e profesorado. A primeira das charlas será o MARTES 24. na Biblioteca do Centro.

 Asistencia libre ata completar aforo. Recordade que haberá servizo de  “canguro” para aquelas familias que acodan cos nenos ou nenas.

  

AUXILIAR DE CONVERSA. CURSO 2023-2024

Presentamos a VANESSA MERCEDES BONILLA, a auxiliar de conversa que este curso acompañará ó noso alumnado nas súas clases de inglés para reforzar a súa competencia neste idioma.

WELCOME!!!!

HORARIOS SECRETARÍA DO CENTRO

Este son os HORARIOS nos que a secretaría do Centro está dispoñible:

PROXECTO DE FORMACIÓN EN IGUALDADE. ANPA ATALAIA

Boas novas para o alumnado e as familias do noso Centro!!!.

A Anpa en coodinación co Centro  organiza un programa de charlas para o noso alumnado.Ademáis organizan tamén dous faladoiros para nais, pais e profesorado, que se celebrarán na biblioteca Bibliopepiño, e para os que contaremos con servizo de conciliación ou “canguro”, para aquelas familias que acodan cos nenos ou nenas.

 https://anpaasangrina.com/concesion-da-subvencion-de-igualdade/

Aquí deixamos o programa: 

 GRACIÑAS POR OFERCERNOS ESTA EXPERIENCIA!!!

ÉRASE UNHA VEZ...UN COLE DE CONTO!!!

Este curso o proxecto do Centro, organizado pola Biblioteca Escolar (http://bibliopepinho.blogspot.com/) versará sobre os contos e chamarase...

O profesorado do Centro quixo que a volta ás aulas fose divertida e convertémola nunha sorpresa...alá fomos mestras e mestres vestidxs dos contos que traballaremos nas aulas...bruxas, piratas,carapuchiñas e unha chea de personaxes de Contos encheron o Centro e fixeron as delicias do alumnado.

Foi un xeito diferente de iniciar o curso!!!

FELIZ CURSO 2023-2024!!!

MERENDAS SAUDABLES.RECREOS. RESIDUOS CERO. CURSO 2023-2024

Dende o contrato programa EduSaúde, seguimos  recordando ás familias que o benestar físico e emocional do alumnado é decisivo para a consecución dunha aprendizaxe efectiva.

Por iso, desde o Centro, un curso máis, queremos contribuír a este benestar físico e alimentario, polo que debemos impulsar tanto a actividade física como os hábitos alimentarios ligados a unha vida saudable para que poidan ser mantidos ó longo da vida.

Aquí deixamos unhas pequenas recomendacións de merendas saudables que podedes mandar ós vosos fillos e fillas durante todas as semanas para a merenda que fan nos recreos. Pedimos a vosa colaboración no mantemento do calendario establecido.

 Tamén comentarvos, que o Centro participa por segundo ano consecutivo no programa «RECREOS RESIDUOS CERO» que consiste en motivar ó alumnado para que nos seus xantares ou merendas non haxa residuos, ou polo menos, o mínimo posible. Para iso deberán usar envases retornables como friambreiras para sólidos e cantimploras para a auga a fin de eliminar as botellas de plástico e os envases dun só uso como plásticos,papel de aluminio, etc

 

Animádesvos a seguilas?

 

REUNIÓNS INICIAIS PRINCIPIO CURSO 2023-2024

Estimadas familias:

Para ir coñecendo profesorado, aulas e cuestións organizativas do curso, convócanse as seguintes reunións no Centro:

O alumnado de 5º de primaria aínda non ten asignado profesorado, cando estea asignado, informarase debidamente ás familias.

CURSO 2023-2024. BENVIDXS

Estimadas familias:

Despois deste descanso estival tan merecido para todxs no que repuxemos forzas, damos comezo ó novo curso 2023/2024 coas enerxías renovadas, con moita ilusión e cunha mochila ben cargadiña.... novos retos e proxectos esperan a ser desenvolvidos.

Un curso máis pedimos a vosa colaboración e apoio para traballar xuntxs na procura do benestar do alumnado.

Un saúdo agarimoso: Equipo directivo/Claustro de mestras e mestresRisa

 

Distribuir contido


by Dr. Radut