CELEBRAMOS O DÍA DA POESÍA

Como cada ano, no día de hoxe, celebramos o Día Internacional da poesía.
 
Este ano, como o Proxecto do centro é “Vive o Camiño”  durante a semana pasada, estivemos buscando e traballando poesías relacionadas con  el.
 
 
Onte decidimos escribilas en cartolinas para facer este pequeno recuncho no corredor e compartilas con todos. 
 
 
 
 
 
 
 
 
 
Para celebralo, algo especial tiñamos preparado, 
os nenos de cincos  anos eran os afortunados.
Como están ilusionados traballando o reino animal
decorámoslles e preparamos  esta poesía especial. 
 
 

Mentras recitamos, mirade que atentos estiveron!!! 
 



Despois, cada un dos pequerrechos, elixiu o animal  que máis lle gustaba. 

 




 
  
 
 
 
 
 
 
 









 



Foi unha experiencia moi gratificante e enriquecedora.

ABERTA A EXPOSICIÓNS DOS PROXECTOS: "UN PATIO CHEO DE VIDA"

Estimadas familias:

Este curso, un grupo de mestres, están elaborando un proxecto para mellorar o patio do noso cole. Para levar a cabo este proxecto fixemos enquisas tanto aos alumnos, como ao profesorado e ao alumnado. Os mestres recibimos formación neste campo e fixemos un estudo do patio actual e das posibilidades. Neste proxecto está colaborando con nós a escola universitaria Galaecia, que se atopa en Vila Nova de Cerveira; alumnos de diferentes licenciaturas elaboraron proxectos de diseño para o novo patio.

 

Queremos convidarvos a exposición destes proxectos que se atoparán durante 15 días no salón de actos do noso cole, no seguinte horario:

 

EXPOSICIÓN "UN PATIO CHEO DE VIDA"

25 MARZO AO 8 ABRIL

LUGAR: SALÓN DE ACTOS DO COLE

HORARIO:

LUNS 3:30 a 5:30

MARTES: 3:30-5:30

MÉRCORES 4:45- 5:30

XOVES 3:30- 5:30

VENRES 4:30-5:30

ESPERÁMOSVOS A TODOS!!!

ESTE ANO, O ENTROIDO FOI... DE CINE!

 
Este ano vivimos unha semana de entroido  fabulosaaaa.
Comezamos facendo debuxos de películas que nos gustaban e con eles  achegámosnos a taquilla para trocalos polas entradas da película que desexabamos ver das sete que nos propuxeron desde o Equipo de Extraescolares. 
 
 
 
Durante toda a semana seguimos as ordes do meco  e viñemos así de divertidos!
 
 
 
 
 
 
 
O venres, nada máis chegar, sesión de cine! 
Cada un de nós, entrada en man, fomos as respectivas aulas para ver as películas e alí recibimos unhas pombiñas  de millo de agasallo. 
 
Que boas estaban!!!
 
 
 
 
 
 
 
 
 
 
 
 Nada máis rematar a sesión cine, disfrazámonos, sesión fotos, desfile e festa gastronómica grazas aos pais, nais e avoas que nos coidan tanto. Para rematar baile e xogos. 
 


Buscádevos nesta galería!

 

POR UN PATIO CHEO DE VIDA

Un grupo de nove mestras e mestras do CEIP “A Sangriña” de A Guarda formamos parte dun PFPP (Proxecto de Formación Para o Profesorado) que ten como Título “UN PATIO CHEO DE VIDA” e que ten como obxectivo rediseñar o patio escolar. Tentamos transformar o patio actual nun espazo acolledor e agradable con diferentes subespazos: horta, zona de equilibrio, zona relax, rocódromo, zona de asemblea ou zona artístico-musical. Todo o proxecto vai ir englobado nunha idea ou eixe motivador que defina e caracterice o novo patio: o espazo, o circo, unha volta ao mundo...

 

Para desenvolver este proxecto contamos coa colaboración da Escola Superior Gallaecia, que se atopa en  Vila Nova de Cerveira (Portugal).

Esta institución de ensino universitario organizou un workshop titulado “Un patio cheo de vida” no que os alumnos amosaron o seu interese pola súa participación.

 

O pasado 15 de febreiro, nas instalacións da Escola Universitaria Gallaecia, fixemos unha exposición onde expuxemos as nosas necesidades así coma  todas as posibilidades que ofrece o espazo do patio. A continuación, os alumnos e os profesores da ESG, acompañados por nós, desprazáronse ao noso centro onde viron en vivo e directo  as instalacións. Rapidamente e moi animados, organizaron os grupos de traballo.

 

Na súa escola, os alumnos das licenciaturas de Arquitectura e Urbanismo, e Multimedia e Artes, cos  grupos  de traballo multidisciplinares formados e coordinados polos mestres de ambas licenciaturas, durante quince días de traballo continuado,   desenvolveron e desfrutaron  deseñando un proxecto innovador e dinámico capaz de transformar  un patio gris e baleiro  nun  patio escolar cheo de vida e con varias posibilidades de xogo e aprendizaxe 

O pasado dia 1 de Marzo, entregaron os eus deseños aos metres da escola, o vindeiro venres, 15 de marzo iremos a escola universitaria para  escoitar os pormenores  de cada un dos seis proxectos.

De todas as propostas serán premiadas as dúas mellores, e desenvolveremos a proposta que maior puntuación acade. 

 

Neste proxecto esta implicada tanto a Comunidade Educativa do CEIP A Sangriña participando nas enquisas para recoller ideas e propostas como a Comunidade Educativa da Escola Superior Gallaecia sen a cal non sería posible o desenvolvemento desta proposta que nos unirá para sempre.

Cabe destacar a colaboración prestada por varias familias  (Restaurante Area Grande, Restaurante Trasmallo, Adega Terras Gaudas e Centro de Masaxes Fajar) coa doazón de diversos agasallos cos que serán premiados os mellores proxectos agradecendo deste xeito a súa iniciativa, participación  e implicación neste proxecto. 

 Algunhas das fotos para o recordo!

  

 
 

center;">

 


AS ORDES DO MECO 2019

Estamos a puntiño de comezar esa festa que tanto nos gusta: O entroido

E para que poidades ir preparando todo con calma aquí vos deixamos as ordes do meco.

ENCONTROS LECTORES CON MOITO CORAZÓN

O venres celebramos o día do amor e da amizadeee.

 
Durante  toda a semana, como  padriños e madriñas lectoras, estivemos preparando diversas lecturas para podérllelas ler e interpretar aos nosos afillados. 
 
 
 
E chegou o día, a  hora prevista, baixamos as aulas, e  ao patio para encontrarnos cos nosos afillad@s.

 

 

 
 



Alí,  tivemos  o encontro lector cheo de corazón!
 

Como nos gusta lerlles aos afillados e eles como desfrutan destes ratiños de lecturaaaa

 

 

 

 

 

 

O Equipo de biblioteca, foi o encargado de dinamizar   esta actividade  con moito cariño e ilusión. Graciñas EQUIPO!!!!

 

CHARLAS SOBRE VIOLENCIA DE XÉNERO E ACOSO ESCOLAR

Hoxe, un equipo da Guardia Civil formado polo sarxento Pablo e os gardas Iván e Rubén, achegáronse ao centro para explicarlle aos alumnos de quinto e sexto de primaria a gran problemática que supón  a VIOLENCIA DE XÉNERO e o ACOSO ESCOLAR nas nosas vidas.

 

 

 
Desde o primeiro momento, lograron captar o interese e atención dos alumnos facéndoos partícipes da conversa despois das magníficas explicacións e do visionado de vídeos explicativos que os fixeron ver con claridade as consecuencias das malas acción e os beneficios da non violencia, da colaboración, de prestar axuda, de escoitar, de non ver para outro lado, do uso do diálogo, do respecto….




 

 

Os propios alumnos, xa nas aulas, valoraron as charlas como moi interesantes, manifestaron nos seus escritos as súas opinións, como que os fixo pensar en cousas que estaban facendo mal e que van tentar corrixilas, que as explicacións foron moi boas e que lles van servir na súa vida diaria.




Foi un día moi especial e cargado de información moi positiva para os rapaces.
GRACIÑAS a GUARDIA CIVIL por esta experiencia tan enriquedora.

RESERVA DE PLAZA

 

SOLICITUDE DE PRAZA NOVOS ALUMNOS CURSO 2019/2020
 
Dende o día 1 ata o 20 de marzo de 2019 podérase solicitar praza para o vindeiro curso 2019/2020.
 
Documentación necesaria:
Impreso de solicitude que se facilitará na secretaría do centro.
Fotocopia dos DNI do alumno, do pai e da nai.
Se o alumno non tivera DNI, fotocopia da páxina do libro de familia na que está inscrito.
 
HORARIO DE SECRETARÍA:
De luns a venres de 8:30 a 9:30 horas
Os martes de 15:30 a 18:30 horas
 
Para calquera dúbida poñerse en contacto co centro no teléfono: 886 110 081

XORNADA DE CONVIVENCIA NO SAN XEROME

O luns 4 de febreiro, o alumnado de Infantil de 4 anos xunto cos compañeiros de 1º de primaria tiveron o privilexio de compartir cos alumnos de San Xerome unha xornada de convivencia.

Por grupos participamos en talleres de cociña, manualidades, na aula sensorial....

Os alumnos de San Xerome  estiveron moi activos desenvolvendo o rol  de mestres e mestras!

Como aprendemos con eles! 

Foi unha experiencia marabillosa e que ben seguro non esqueceremos!!!

 

Powered by Drupal - Design by artinet