CEIP A SANGRIÑA |

VISITA GUIADA MONTE ALOIA (TUI)

Ven, 2023-06-09 17:57

Que mellor xeito de pechar a celebración do DÍA DO MEDIO AMBIENTE que unha visita a un parque natural!!! Alá fomos ó MONTE ALOIA en Tui para facer unha fermosa senda ó redor da aula da natureza que tamén visitamos. Observamos in situ especies de arbores e arbustos e os animais que habitaban o lugar. Na aula mostráronos unha pequena historia do monte e fotografías de plantas e animais.

Agradecemos a complicidade e a paciencia dos guías que nos acompañaron e que se adaptaron estupendamente ás distintas idades do noso alumnado.

Aquí quedan as imaxes:

Leer máis

SÁIDA FINAL CURSO 2022/2023. ECOPARQUE MARÍN

Ven, 2023-06-09 17:18

Rematamos o curso cunha actividade ben emocionante. Os cursos de 3°, 4°, 5° e 6° fomos ata o Ecoparque de Marín para facer un circuito arbóreo con tirolinas.

Estaban separados por niveis de dificultade e o alumnado tiña que superar o nivel para poder pasar ó seguinte. Algúns dos nosos profes anímáronse a participar tamén. Reto superado a pesares dos nervios!!! Canto desfrutaron!!!

Despois comida no parque e mercaron xeados ou algunha lambonada.

Tivemos moita sorte, xa que o tempo portouse bastante ben con nós, e só caeron unhas pinguiñas...nada importante.

Logo voltamos ó cole onde xa esperaban as familias.

Isto si que foi unha boa maneira de despedir o curso!

Leer máis

DÍA MUNDIAL DO MEDIO AMBIENTE

Ven, 2023-06-02 17:03

Conmemoramos o día do medioambiente no noso Centro lembrando algunas das pequenas accións e xestos que día a día fan do noso cole un centro máis sostible e coidadoso co medio e coa natureza.

Son moitas pequenas cousas que, xuntas, fan un cole máis sostible: xa case non usamos botellas plásticas, cada vez traemos menos envoltorios, levamos os restos orgánicos ó noso composteiro, reciclamos en todas as aulas, facemos andainas para gozar da nosa contorna, limpezas para manter limpo os espazos que nos rodean…

Por todo isto queremos agradecer a cada unha das nosas nenas e nenos a súa colaboración no programa RECREO RESIDUOS 0 e en VOZ NATURA coa entrega dunha botelliña que poderán utilizar moitaaaaaas veces. Tamén hai un agasallo especial para aqueles nenos e nenas que menos residuos trouxeran ao centro ao longo do curso.

GRACIÑAS!!!!

Leer máis

TEATRO EN VIGO. SALA ÁRTIKA

Mar, 2023-05-23 22:04

O alumnado de Infantil de 4 e 5 anos e do 1º ciclo de primaria asistiron a unha obra de teatro na sala ÁrtiKa de Vigo.

Alá foron moi emocionados no autobús para ver a obra:

UMMM! UNHA COMEDIA MUSICAL PARA CHUPAR OS DEDOS

Remataron a xornada merendando en Samil e desfrutando do día!!!

Aquí deixamos as imaxes:

UN DÍA XENIAL!!!

Leer máis

FONDO SOLIDARIO DE LIBROS DE TEXTO - CURSO 2023/24

Lun, 2023-05-22 16:46

AXUDAS PARA ADQUIRIR LIBROS DE TEXTO E MATERIAL ESCOLAR

CURSO ESCOLAR 2023/24

FORMAS DE PRESENTACIÓN DE SOLICITUDES

1) PRESENCIAL MANUAL:Cubrir ANEXO I E ANEXO II e entregalos no Centro.

2) POR VÍA TELEMÁTICA: A traves da sede electrónica da Xunta de Galicia (https://sede.xunta.gal/portada).

Aquí queda o manual de axuda por se se precisa:

Leer máis

2º CONCERTO CONSERVATORIO DA GUARDA

Mér, 2023-05-17 17:12

Celebramos o Día das Letras Galegas cun 2º concerto co que nos deleitaron alumnado e profesorado do CONSERVATORIO DA GUARDA.

Comezou a PROFE CHARO GUERREIRO DE GAITA explicando as partes dunha gaita:

E deu paso a un mini concerto tocado estupendamento por alumnado adulto do Conservatorio no que a profe Charo interactuou sempre cas nosas nenas e nenos. Remataron a sesión coa versión tocada da CAROLINA coreada por todo o noso alumnado. Aquí quedan unhas pinceladas de como soou:

Continuou o concerto cunha representación da BANDA INFANTIL DO CONSERVATORIO dirixida por José Antonio Soutelo. Se observades ben, veredes a nosa profe Virginia, integrada nela tocando!!!

Foinos explicando os instrumentos que formaban parte da banda...

E aquí saiu ROQUE DE 4º co seu instrumento, recibindo moitos aplausos.

Aquí deixamos unha pequena mostra do que soou:

Canto desfrutamos. Moitísimas grazas ó Conservatorio por facelo posible!!!!

Leer máis

LETRAS GALEGAS 2023

Dom, 2023-05-14 20:11

O Equipo de dinamización da Lingua en coordinación coa profe Virginia de música preparou unhas fermosas actividades para homenaxear a FRANCISCO FERNÁNDEZ DEL RIEGO, figura á que se lle adica este ano o día das Letras Galegas.

Así, en colaboración, os tres Centros públicos da Vila, Sinde, Solanas e Sangriña, unímonos e fixemos uns marcarpáxinas que circularán por todos os rincóns da Guarda... Cada un ten un CÓDIGO QR dende o que se accederá a un audio...Ollo que NON todos son iguais!!!

Así baleiros non din nada, peero así cheiños de vida e cor, feitos polas nosas nenas e nenos...chulada!!!!

E, aquí van os AUDIOS que atoparedes ó escanear o código QR, coordinados pola profe Virginia:

1) RAP do alunmado de 6º:

2) PODCAST do alumnado de 3º e 4º a través de Informática:

Para rematar, imaxes do fermoso mural que enche de cor e galeguidade a entrada do Centro:

MIL PRIMAVERAS MÁIS PARA O GALEGO, A NOSA FERMOSA LINGUA!!!

Leer máis

1º CONCERTO CONSERVATORIO DA GUARDA

Lun, 2023-05-08 19:42

Un curso máis o conservatorio municipal da Guarda difunde con diversas audicións os instrumentos que poden tocar se inician os seus estudos musicais.

( https://www.edu.xunta.gal/centros/cmuselementalaguarda/)

Desprazámonos ata o AUDITORIO MUNICIPAL o alumnado de primaria, de 1º a 6º .

Audicións de piano, guitarra e violín. O profesorado que os imparte foi explicando cada instrumento e fixo unha pequena interpretación:

Turno primeiro para PIANO:

E, así o oimos...

Agora a GUITARRA, nas dúas modalidades, guitarra española, que fixo soar así de ben VALENTINA de 4º...

e guitarra eléctrica que fixo as delicias do noso alumnado nas mans do seu profe:

Por último o VIOLÍN,normal e eléctrico. Así foi:

Rematou a audición cunha petición para tocar o piano de TOMÁS de 4º...

E os tres profes tiveron a amabilidade de tocar para nós varias pezas xuntos:

BRAVO POLA MÚSICA!!!!! Corchea. Definición, valor, duración y representaciones - Comamusical

Leer máis

CONCURSO ESCOLAR SOBRE OS ODS

Ven, 2023-05-05 17:51

Os ODS (Obxectivos de Desenvolvemento Sustentable) foron creados polas Nacións Unidas e constitúen un chamamento universal á accion para poñer fin á pobreza, protexer o planeta e mellorar a vida das persoas no mundo.

Son estes:

Dende o Concello da Guarda, convocaron un concurso sobre o tema, resultando gañador o alumno de 1º LUCA ESPAÑOL FERNÁNDEZ.

Ata o Centro, achegouse o alcalde da Guarda, Antonio Lomba e a concelleira de educación , Fátima Rodriguez para entregarlle o premio:

PARABÉNS LUCA!!!

Leer máis

LETRAS GALEGAS 2023. FRANCISCO FERNÁNDEZ DEL RIEGO

Mar, 2023-05-02 20:26

O 17 de maio é a festa da lingua galega, unha celebración institucionalizada pola Real Academia Galega (RAG) que chega á súa 60 edición rendéndolle homenaxe este ano 2023 ó tradutor, novelista, historiador, xornalista, ensaísta e editor Francisco Fernández del Riego.