Á auga, patos!
O alumnado de 6º viviu unha xornada moi especial en Castrelo de Miño!
Día agradable para os deportes náuticos, difícil resistirse a un "chapuzón"!
Nas Galerías tedes acceso a todas as imaxes.
Fervenzaventura 3º e 4º
Día grande para o alumnado de 3º e 4º de Primaria, que anticiparon o fin de curso coa excursión a Silleda.
Un día espléndido para realizar actividades ao aire libre!
Ata os profes se animaron a "voar" polos aires ...
Nas Galerías podedes atopar todas as imaxes.
Concilia Verán
O 7 de xuño, abre o prazo para preinscribirse nas actividades do programa Concilia Verán 2023 organizadas pola Concellería de Educación, dirixidas a todos os nenos e nenas da cidade.
Nos documentos adxuntos dispodes de toda a información.
Menús Comedor
Publicamos o meú xeral para todo o alumnado. Non se nos facilitaron de momento os menús especiais.
Visita a Marcelle 1º e 2º
Comezamos a tempada das excursións de fin de curso!
O alumnado de 1º e 2º de Primaria visitou o zoo de Marcelle; e polas imaxes... Non o pasaron nada mal!
Nas Galerías podedes atopar as fotos.
Celebramos o Día das Letras Galegas
Ao longo desta semana celebramos o día das nosas letras, con diversas actividades nas aulas.
Grazas á ANPA poidemos gozar do espectáculo de Peter Punk!
E para rematar a celebración... no podía faltar a actuación do noso Coro!
Visita o teu Súper!
Dentro das actividades que desenvolve o centro ao longo do curso para promover a alimentación saudable, o alumnado de 6º participa na campaña de Vegalsa "Visita o teu súper".
O alumnado de 6º A visitou o luns un súper do barrio. Os responsables das distintas seccións explicáronos as peculiaridades do seu posto de traballo, normas de seguridade, etiquetado...
Para rematar a visita preparáronnos unha mesa con alimentos saudables e un agasallo individual.
Grazas a todo o persoal polo trato recibido!
Becas alumnado de necesidade específica de apoio educativo
Desde onte 8 de maio e ata o 20 de setembro, pódense solicitar as becas.
Máis información, na páxina web do Ministerio
Noraboa!
Fermosa iniciativa da ANPA que coa súa proposta pretende inculcar nos pequenos o amor polo noso e participación nunha das festas máis tradicional da cidade "Os Maios".
Este foi o resultado:
E ademais acadaron o 2º premio dos Maios Infantís! Parabéns a todos!
- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »