Novas

Comedor do mes de setembro

Seguindo as instrucións da Consellería recibidas ata o momento e de acordo coas competencias que lle corresponden ao centro, o comedor recupera as dúas quendas. 

A dirección do centro, contando coa opinión do persoal de atención de comedor e coa opinión da Xunta Directiva da ANPA decidiu:

- Establecer dúas quendas de comedor. Na primeira quenda comerá o alumnado de infantil, 1º e 2º de primaria. Na segunda quenda comerá o alumnado de 3º a 6º de primaria.

- O alumnado da 1ª quenda sairá ás 15 horas e o alumnado da 2ª quenda 15:30 horas.

Aquelas familias que por cuestión de conciliación da vida familiar e laboral precisen cambiar a quenda de comedor ou non poidan recoller aos seus fillos na hora prevista, poderán solicitar o cambio ata o 16 de setembro na secretaría do centro achegando a xustificación pertinente coma todos os anos.

Entendemos que nos primeiros é materialmente imposible realizar os trámites, polo que seremos flexibles na hora de recollida, respectando en todo caso o tempo prudencial que os nenos e nenas precisan para comer.

Cando comecen as actividades da ANPA, as familias que decidan que o seu fillo/a quede ata as 16 horas, deberán comunicalo ao centro telefonicamente; sen necesidade de realizar ningún trámite adicional.

Informamos tamén que ao longo do curso, e mentres a Consellería de Educación e a de Sanidade non nos indiquen o contrario,  seguiremos as instrucións recibidas con respecto a xestión da COVID-19 que podedes atopar no seguinte enlace: https://www.edu.xunta.gal/portal/node/37824

INICIO DO CURSO 22-23

Comezamos de novo e volvemos con normalidade!

De cara a o comezo de clases do xoves 8 informamos:

O luns día 5, ás 16:30 haberá reunión das titoras de coas familias do alumnado de 3 anos.

As clases comezan o día 8 ás 9:00 e recuperamos a entrada normal:

- De 3º a 6º, farán as filas no patio pequeno como se facía antes e a saída será ás 14 horas.

- Infantil, 1º e 2º entrarán e sairán polo patrio de atrás. O alumnado de 3 anos sairá ás 13:45, o alumnado de 4 anos ás 13:50 e o alumnado de 5 anos ás 13:55 horas. O alumnado de 1º e 2º sairá ás 14 Horas.

Acollida temperá: de 7:30 a 9:00 horas

Comedor: horario de 14 a 16 horas, repartidos en dúas quendas. Informaremos o antes posible sobre o alumnado de cada quenda para que as familias poidan solicitar o cambio por conciliación da vida familiar.

Os avisos de non asistencia ao comedor faranse de 9 a 9:30 horas nos teléfonos 988 78 30 90 ou 988 78 30 92.

 

Dia da Paz 2018

 (preme na imaxe para obtela en pdf)

 

Música da Canción do Dia da Paz 2018

CONTACONTOS SABELA GAGO

Hoxe estivo Sabela Gago no cole, contándolle, aos nenos de 4 e 5 anos uns contiños moi divertidos. Rimos moito e pasámolo xenial!!

 

ENTROIDO 2017

 

No noso cole fixemos unha festa de entroido.
Este ano o meco veu moi deportista !!!
Os nenos de educación infantil convertéronse en xinetes, tenistas e atletas gregos.
Desfilaron con moita ilusión e despois uníronse a festa no patio.
Que ben o pasamos !!!

 

 

Pincha aquí para ver o video ENTROIDO DO COLE

Inscrición no Colexio na Carreira de San Martiño 2016

Animámosvos a todo o alumnado a participar desta festa do deporte e a QUE FAGADES A VOSA INSCRICIÓN NO COLEXIO entregando os vosos datos aos profesores de Educación Física ou ás titoras/es antes do próximo 2 de novembro (nome, curso, data de nacemento e a ser posible DNI)

Estimadas nais e pais:
Con motivo da celebración da XL Carreira Pedestre Popular do San Martiño, organizada polo Consello Municipal de Deportes de Ourense, a celebrar o domingo día 20 de novembro de 2016, pasamos a difundir parte do regulamento das dúas carreiras escolares que consideramos de interese para os nosos alumnos:
REGULAMENTO DA CARREIRA ESCOLAR- 4,7 KM.
1.- Esta carreira pedestre está reservada para todos os nenos/as nados entre os anos 2007 e 2000 que participen de forma individual e/ou a través dos centros escolares, tanto públicos coma privados.
2.- Os adultos non poderán participar nin acompañar ós participantes no percorrido escolar, non poderán acceder ás zonas de avituallamento nin entrarán na clasificación.
4.- Esta proba dará comezo ás 12.30 horas, con saída na Ponte do Milenio e meta na rúa Pardo de Cela. O percorrido será de 4.700m, e discorrerá polas seguintes rúas: Ponte do Milenio, Basilio Álvarez, Avda. das Caldas, Ponte Vella, Progreso, Av. de Pontevedra, Lamas Carvajal, Paseo, Curros Enríquez, Ponte Nova, Ribeira de Canedo, Ponte Vella e Pardo de Cela.
REGULAMENTO DA CARREIRA DE CATIVOS – 1,4KM
1.- Esta carreira está reservada para todos os nenos/as nados nos anos 2008 e posteriores, podendo ir acompañados dun adulto responsable que a ningún efecto se considerará participante.
2- Esta proba dará comezo ás 13:15h horas, con saída na Ponte do Milenio e meta na rúa Pardo de Cela. O percorrido será de 1.400m, e discorrerá polas seguintes rúas:
Ponte do Milenio, Basilio Álvarez, Avda. das Caldas, Ponte Vella e Pardo de Cela.
3.- A inscrición en ambas carreiras será gratuíta e farase preferentemente a través dos colexios.

 

Distribuir contido