DÍA DA PAZ 2023
Enviado por Manuela o 1 Febreiro 2023 - 8:15pm
Este luns, día 30 de xaneiro, celebramos o Día mundial da Paz e da Non Violencia. Como de costume, fixémolo todos xuntos cantando e reivindicando a Paz no mundo a través dun fermoso manifesto que leron os nenos e nenas de sexto. Este ano a canción elixida foi “Viva a xente!” Previamente decoramos as paredes do colexio con dous murais creados coa palabra PAZ escrita en varios idiomas e texturas. Ademais, os nenos e nenas visitaron a Biblioteca do centro onde puideron acceder aos libros e contos expostos no recanto dedicado á Paz, e cuxa lectura complementouse con diversas actividades realizadas nas aulas.
Este ano os encargados de dar lectura ao manifesto foron: Efrén, Gabriel, Noelia, Gael, Xoel e Aarón. Parabéns rapaces!
|
XA TEMOS DATAS PARA AS XORNADAS DE PORTAS ABERTAS.
Enviado por ElenaValle o 18 Xaneiro 2023 - 5:18pm
As familias que esteades interesadas en visitar e coñecer o noso centro, de cara a matriculación para o novo curso 2023-2024, podedes facelo nas xornadas de portas abertas, que serán nas seguintes datas: MÉRCORES 8 DE FEBREIRO de 16:00h. a 17:00h. MARTES 14 DE FEBREIRO de 16:00h a 18:00h Agradecemos que nos chamedes por teléfono para confirmar a visita, coa finalidade de organizar a visita para atendervos mellor, ao número de persoas que desexedes vir. Tamén, vos invitamos a coñecer o funcionamento do noso centro a través dos diferentes apartados desta web, onde podedes acadar información sobre as nosas instalacións, servizos que ofrecemos e algunhas actividades que desenvolvemos. Así mesmo, deixamos a dirección dalgún dos nosos blogues de interese, onde podedes ver máis actividades que desenvolvemos co noso alumnado: - Blogue da biblioteca: - Blogue de Dinamización da Lingua Galega http://www.edu.xunta.gal/centros/ceipapaz/?q=taxonomy/term/78
O prazo de entrega das solicitudes de admisión, será do 1 ao 20 de marzo. Poderase recoller a documentación necesaria para iniciar o proceso, na secretaría do centro. Ou facelo por vía telemática, a través da aplicación "admisionalumnado" da sede electrónica da Xunta.
Nas próximas semanas publicarase máis información relacionada con este proceso de admisión, por se houbera algunha modificación. MAIS INFORMACIÓN:
|
COMEZAMOS O ANO NOVO DO COMEDOR, CO ROSCÓN DE REIS QUE NOS FIXERON.RIQUÍÍÍÍÍÍSIMO!!! E ESTE ANO COMO NOVIDADE O QUE ATOPOU A FABA TIVO PREMIO.
Enviado por ElenaValle o 11 Xaneiro 2023 - 7:40pm
|
OBRADOIRO DE TARXETAS SOLIDARIAS
Enviado por Manuela o 26 Decembro 2022 - 4:09pm
O alumnado de E.Infantil, 1º, 2º e 3º de E.Primaria participaron nun obradoiro de tarxetas solidarias para os nenos e nenas da aula hospitalaria do Álvaro Cunqueiro e para os maiores do Centro Residencial de Coruxo. Ambos quedaron moi agradecidos con esta iniciativa, e así nolo quixo transmitir a aula hospitalaria do Álvaro Cunqueiro a través da seguinte publicación, "Un contiño de Nadal".
Máis información sobre esta actividade no blogue da Meiga Tintureira e no blogue da Aula Hospitalaria do Álvaro Cunqueiro. |
ASÍ VAI SER A NOSA FESTA DE NADAL!!!
Enviado por ElenaValle o 20 Decembro 2022 - 10:35am
"GRAN FESTA DE NADAL" XOVES 22 DE DECEMBRO COA COLABORACIÓN DA ANPA
- TEATRO CODIA E MOILO CON "O APALPADOR E O SEU AXUDANTE" (contratado pola ANPA) De 10:00h. a 11:00h. o alumnado de Infantil a 2º de E.P. noa biblioteca do centro, e o alumnado de 3º a 6º no pavillón. - VISITA DO PAXE REAL De 11:00h. a 12:00h. o paxe Real visitará ao alumnado do centro para recoller as cartas e obsequiarlles cun pequeno agasallo. - CAMPANADAS FIN DE ANO Ás 13:00h. en infantil farase con 12 gusanitos e en primaria coas 12 uvas, que xa nos terá preparada a nosa ANPA. - PANXOLIÑAS NAVIDEÑAS Co alumnado de 3º E 4º de E.P. a panxoliña das "Campás" e con todo o alumnado de primaria cunhas panxoliñas en inglés.
|
UN CONSELLO DE COMEDOR DIFERENTE!!!
Enviado por ElenaValle o 30 Novembro 2022 - 12:17pm
Ante a imposibilidade de cadrar datas para o "III Consello de comedor", para preparar o menú de decembro, celebróuse un extraordinario á hora de comer.
E coma sempre... tomouse nota dos antoxos dos nosos usuarios e usuarias de comedor:
E ademáis... zamburiñas, langostinos e navallas, que deixarémolas para o 22 se a sorte nos acompaña. SON XENIAIS!!! |
MAGOSTO 2022
Enviado por Silvana o 20 Novembro 2022 - 11:12pm
O venres 11 de Novembro tivemos a sorte de poder celebrar o Magosto como se viña facendo fai uns anos no monte de San Miguel de Oia. Os alumn@s de terceiro ata sexto de Primaria subiron camiñando con moito ánimo e coa sorte de gozar dun día espectacular. Os nen@s de infantil, primeiro e segundo subiron en autobús. No monte xuntámonos tod@s; cantamos, xogamos, compartimos e comemos castañas asadas! GRAZAS a Ángel e a Pepe que non dubidou en vir botarnos unha man. Foi un día marabilloso de compartir risas, xogos, cancións e tempo sen presas. |
Inauguración da Biblioteca
Enviado por Manuela o 16 Novembro 2022 - 5:25pm
A semana pasada recibimos a esperadísima carta da Meiga Tintureira. Nela convidábanos á inauguración oficial da Biblioteca para este curso 2022/2023. Alí vimos un vídeo onde nos presentaba o proxecto no que imos participar todo o colexio, este ano "Érase unha vez... a historia de ler". Como cada ano, o profe Luís que é moi amigo da Meiga Tintureira, axudou a facer este precioso vídeo. MOTAS GRAZAS PROFE! E tamén visitamos un novo recanto da Biblioteca con recursos e contos sobre o proxecto, que vai ir enchéndose ao longo do curso. CANTO IMOS APRENDER!
|
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »