CEIP Plurilingüe Alexandre Bóveda

 RECEITAS POLA IGUALDADE 

Hoxe foi un día especial, tanto, que festexamos o Día Internacional contra a violecia de Xénero.

Como non podía ser menos, dende o centro propuxemos a realización de receitas marabillosas para tratar a igualdade.
Nas aulas creamos fórmulas especiais para combater este mal que tanto dano fai á humanidade.
Saíron mesturas realmente boas que, se se levasen á practica, poderían ser moi beneficiosas para todos e todas!

Tomade boa nota delas! ;)

Deixámosvos adxunto a listaxe de alumnado que recibirán máscaras por parte do centro por ser beneficiario da axuda de material escolar.

Unha vez dispoñibles manderémolas a través do alumnado xunto cun recibí que debe volver ao día seguinte firmado.

O alumnado que non foi beneficiario da axuda de material poderá solicitalas cubrindo o ANEXO I e II (adxunto nesta publicación) entregándoa do 15 ao 26 de novembro de forma presencial no centro pedindo cita previa a través do teléfono: 886120405.

Este alumnado deberá cumprir algunhas das seguintes condicións:

- Que pertenza a unha familia cunha renta per cápita igual ou inferior a 6000€.

- Alumnado matriculado en educación especial.

- Alumnado suxeito á tutela ou garda da Xunta de Galicia.

- Alumnado cun grao de discapacidade igual ou superior ao 65%.

Podedes consultar a información no seguinte enlace: Orde DOG Venres, 12 de novembro de 2021 (xunta.gal)

“Queimada de protección contra o mal de lingua”

Nalgúns lugares de Galicia, os/as pequenos/as saen cada ano, no día de Defuntos a pedir unha esmola polos que xa non están.

O pasado 29 de outubro, para festexar o Samaín, levamos esta fermosa tradición á nosa escola. Todo o alumnado e os/as mestres/as pasamos por todas as aulas pedindo dita esmola.

“Unha limosniña polos defuntiños que van alá”

Cada aula agasallou a cada grupo cun dos elementos necesarios para elaborar a nosa especial “Queimada de protección contra o mal de lingua”: zume de arándanos e froitos vermellos, lambetadas, chocolates,… e unha especial insignia.

Con todos estes elementos, cada grupo elaborou unha deliciosa queimada, ritual durante o cal recitaron os magníficos conxuros que prepararan nas aulas.

Que mellor fin de festa de Samaín que un desfile de terroríficos disfraces e baile ao son de escalofriantes melodías.

Aquí deixámosvos o menú de novembro.

Bo proveito!

Como este ano o 24 de outubro, Día Internacional das Bibliotecas, coincide con domingo, no cole decidimos celebralo uns días antes. 

Neste curso, cunha especial ilusión, celebramos o Día das Bibliotecas con dúas propostas.

Seguindo o noso proxecto de centro Galicia Máxica, o alumnado de todo o cole visualizou a película "O bosque animado".  Desta forma, aínda que cumplindo o protocolo COVID, a biblioteca A Caracola Tola volve a cobrar vida gracias á presencia dos nenos e nenas.

Por outra banda, quixemos implicar ó alumando de forma directa na decoración da biblio, xa que é un espazo para todo o cole do que todas e todos somos partícipes. 

Cada clase escolleu un conto e o representou nun lienzo empregando diferentes técnicas. O resultado... moita ilusión de todos os nenos e nenas ao poder colaborar coa biblio, e por suposto, unhas composicións preciosas. 

Esta foi unha ocasión que nos permitiu, a través da maxia e a fantasía, recordar que na nosa biblio teñen cabida diferentes linguaxes.

Deixámosvos a continuación o resultado!! 

   

Comezamos un novo curso e con él, un novo proxecto cheo de maxia!!

No mes de setembro cada aula estivo a decorar o seu pote máxico no que mesturaron toda a ilusión e gañas coa que emprendemos esta nova aventura!! 

Botáronlle imaxinación e creatividade...e velaquí que potes máis fermosos decoran os corredores do noso cole...

Que nos deparará o seguinte mes? 

Aquí vos deixamos o menú de comedor do mes de outubro.

Bo proveito!

Dende a ANPA Os Muiños comunícannos que hai novas eleccións.

Adxuntamos a circular para que podades ver as vacantes e a organización.

O calendario electoral será o seguinte:

 Apertura do prazo de presentación de candidaturas: 13/9/21

Publicación de listas provisionais: 23/9/21

Publicación de listas definitivas: 29/9/21

Asemblea electoral e votacións: 20/10/21

Toma de posesión do novo equipo directivo: 31/10/21 

O vindeiro luns 6 e martes 7 de setembro teremos as reunións iniciais coas familias no centro.

Pode acudir un familiar á reunión por alumno/a con máscara e mantendo a distancia de seguridade. Non deben acudir os cativos/as.

A continuación aparecen o día, hora e lugar por curso:

4ºEI: Luns 6 de setembro ás 13:00 na pista do colexio (no caso de choiva no patio de columnas).

5ºEI: Luns 6 de setembro ás 10:00 na pista do colexio (no caso de choiva no patio de columnas).

6ºEI: Luns 6 de setembro ás 10:00 diante do ximnasio.

1ºEP: Luns 6 de setembro ás 11:30 na pista do colexio (no caso de choiva no patio de columnas).

2ºEP: Martes 7 de setembro ás 11:30 diante do ximnasio.

3ºEP: Luns 6 de setembro ás 11:30 diante do ximnasio.

4ºEP: Martes 7 de setembro ás 10:00 na pista do colexio (no caso de choiva no patio de columnas).

5ºEP: Martes 7 de setembro ás 10:00 diante do ximnasio.

6ºEP: Luns 6 de setembro ás 13:00 diante do ximnasio.

Aberto o prazo para solicitar axudas para libros e material no Concello de Redondela.

- Alumnado destinatario: 2º ciclo de Educación Infantil (3-5 anos)

- Prazo de presentación de solicitudes: ata o 10 de agosto de 2021

Ligazón da páxina do Concello de Redondela:

http://redondela.gal/gl/subvencions

Adxuntos:

Bases da convocatoria

Extracto publicado no BOPPO