A pesar do mal tempo e de non poder facer a saída e convivencia que tiñamos pensado, puidemos desfrutar dos

obradoiros de Miudiño no cole para festexar o fin de curso!!

Grazas á manipulación de gran cantidade de materiais naturais e orgánicos e ao emprego de ferramenta real,

o alumnado puido transformar, modificar e crear libremente o que quiseron e imaxinaron!!

Gran día para lembrar

Rematamos o curso achegándonos á nosa cultura local.

Con motivo da festa da Coca, o alumnado de 4º de infantil e 3º e 4º de primaria desprazáronse ata o centro de Redondela, onde asistiron a

unha visita guiada. Deste xeito, puidemoscoñecer lugares emblemáticos da vila, así como as diversas tradicións que envolven a esta máxica

festividade.

Como remate final do proxecto de Galicia Máxcia organizamos unha Foliada, como xornada de convivencia, na que o alumnado amosou as

súas mellores habilidades artísticas tal e como podedes ver nos seguintes videos:

O alumnado de educación infantil, 1º, 2º, 3º e 4º de primaria tivemos unha charla sobre o patrimonio etnográfico da contorna e a importancia de coidala, coñecendo así muíños de Chapela e experimentando cun muíño de man de pedra entendendo mellor o proceso, traballo e tempo necesario para obter a fariña.

Tras a charla do outro día, Álvaro guiounos pola nosa contorna para descubrir fantásticas zonas que temos ao redor do cole. Aprendemos moito sobre árbores, plantas e muíños

 Foi unha sorte poder coñecer un pouco máis da nosa Galicia Máxica  en Chapela

Durante os meses de novembro e decembro traballamos os diferentes  seres máxicos  dentro do noso proxecto "Galicia Máxica".

Mirade que fantásticas vasoiras decoran as escaleras do cole!!!

Dentro do proxecto de Galicia Máxica, tamén temos moita variedade de música galega. Hoxe visitáronnos 3 membros da Escola de música de Chapela para contarnos un pouquiño máis sobre algúns instrumentos tradicionais galegos e achegarnos máis de cerca a música tradicional.

Por último rematábamos bailando e cantando a canción de Samuel Soto das letras galegas sobre Florencio Delgado Gurriarán.

BRAVO!! Todo un pracer tervos con nós. Grazas!! 

O pasado 12 de maio, o alumnado de 5º de primaria realizou unha saída á Biblioteca Municipal de Chapela Xela Arias onde nos

esperaba María José cunha actividade moi especial na que o alumnado aprendeu lendas, festas, ditos populares e curiosidades sobre

mitoloxía de Galicia 

Despois non podíamos irnos sen aproveitar os raios de sol e o parque que tíñamos ó lado!! 

Como nos gusta aproveitar os recursos que ofrece a nosa localidade!! 

Despois deste longo trimestre de traballo decidimos rematalo dun xeito especial. Seguimos metidxs no proxecto de "Galicia Máxica" e aproveitando que comezaba a pimavera, realizamos un Taller Waldorf de creación de seres máxicos. Dividímonos por ciclos e cada un encargouse de elaborar un ser diferente: bolboretas, ananos, fadas...

Con diferentes lás de cores, fíos e imaxinación saíron estas fermosas creacións que podedes ver no seguinte video! 

Chega una nove edición de ARTELIXO do Condello de Redondela. 

Un ano máis, dene o cole, decidimos partcicipar nesta iniciativa, concienciando e ensinando así, a darlle un segundo uso os materias de refugallo.

Aproveitando o noso proxecto, entre todo o alumnado, elaboramos unha maqueta dun antigo poboado castrexo. Nas seguintes imaxes podedes ver que artistxs están feitos os nenos e nenas do cole Angoren e fixádevos ben, que non falta detalle: castros, arbores, murallas, vexetación, animais...

Durante os meses de xaneiro e febreiro estivemos inmersos na cultura galega e traballamos diferentes símbolos de protección.

Nas clases de ARTS & CRAFTS elaboramos uns bonitos colares de arxila cos símbolos que máis nos gustou a cada un/unha de nós. 

Mirade que artistas e que ben nos quedaron!!

Este libro nace do interese por descubrir a maxia que envolve a nosa terra e a nosa cultura e é froito da colaboración das familias coa escola.

Agradecemos moitísimo as vosas magníficas achegas para que isto fose posible.

Orgullosas e orgullosos do noso.

Velahí vai!

Comezamos un novo curso e con él, un novo proxecto cheo de maxia!!

No mes de setembro cada aula estivo a decorar o seu pote máxico no que mesturaron toda a ilusión e gañas coa que emprendemos esta nova aventura!! 

Botáronlle imaxinación e creatividade...e velaquí que potes máis fermosos decoran os corredores do noso cole...

Que nos deparará o seguinte mes? 

E con esta imaxe presentámosvos o proxecto deste ano a nivel de centro: "Galicia Máxica"

Os principais temas que desenvolveremos e traballaremos ao longo deste curso son os que aparecen nas estrelas da imaxe. Intentaremos aprender moitas cousas relacionadas coa maxia de Galicia, primando a parte práctica para afianzar os contidos.

Xa sabedes que este proceso de ensino-aprendizaxe está aberto a toda a comunidade educativa, polo que se alguen quere participar non dubide en contactar con nós!

A por un curso máxico todxs xuntxs!!