HORARIO SECRETARIA XUÑO- XULLO 2018

No arquivo adxunto poden consultar o horario de atención ao público da secretaría do centro durante a semana do 26-30 de xuño e do mes de xullo.

RELACIÓN LIBROS DE TEXTO E MATERIAL IMPRESO- CURSO 2018/2019

A continuación, poden consultar nos arquivos adxuntos, a relación de libros de texto e material impreso de cada nivel para o próximo curso escolar 2018/2019.

Lembrámoslles que en 5º e 6º de E.P., o alumnado non empregará libros de texto impresos, xa que o centro forma parte da Rede de Centros  E-DIXGAL.

Atentamente, 

O equipo directivo.

No verán, a lectura é o meu plan!!

O equipo de biblioteca quere deserxarvos unhas estupendas vacacións, sen deixar de aconsellarvos que contedes cos libros e contos para os vosos plans.

Para isto, deixámosvos unha serie de recomendacións lectoras que están xenial!!

 

Boas e felices vacacións!

ADXUDICACIÓN DA COMISIÓN DE ESCOLARIZACIÓN CURSO 2018-2019

O día 13 de xuño de 2018 reuniuse a Comisión de Escolarización de Carballo na que se procedeu á adxudicación subsidiaria de postos escolares a aqueles solicitantes que non obtiveron praza no centro no que presentaron a súa solicitude, así como, a aqueles que presentaron solicitudes fóra de prazo.

 

A información pódese consultar nos documentos adxuntos.

Reciclamos con Sogama

Durante este curso estivemos a traballar as 3 "R" co proxecto "Recíclate con Sogama". Coa profesora Paula á cabeza, descubrimos moitas alternativas para reutilizar o material de refugallo. Aquí vos deixamos un vídeo cos resultados!! Parabéns a tod@s por este gran traballo. Risa

You are missing some Flash content that should appear here! Perhaps your browser cannot display it, or maybe it did not initialize correctly.

 

MATRÍCULA ALUMNADO NOVA INCORPORACIÓN CURSO 2018-2019

O proceso de matriculación do novo alumnado terá lugar entre os días 20 e 30 de xuño, ambos os dous incluídos.

Deberán presentar a seguinte documentación:

  • Impreso de matrícula debidamente cuberto e asinado e fotocopia da primeira folla . (ANEXO III-1)
  • Autorización de imaxe.
  • Autorización para saídas complementarias .
  • Enquisa de avaliación inicial.
  • Fotocopia da tarxeta sanitaria.
  • Fotocopia do calendario de vacinación.
  • Dúas fotografías tamaño carné.
  • Certificado médico ( non ten que ser oficial).

Estes impresos están a súa disposición na conserxería do centro, así mesmo poden descargalos nos arquivos adxuntos.

O Equipo Directivo.

PAKOLAS

Hoxe, dentro das actividades de finais de curso, todo o alumnado e profesorado do centro, asistiu a un concerto  moi especial no Pazo da Cultura, do artista Paco Cedeira.

PAKOLAS, é autor, compositor, músico, e tamén, produtor de música pensada para @s cativ@s.

Durante máis ou menos unha hora, puidemos saltar, bailar, desfrutar e....sobre todo, pasalo fenomenal coa súa música e cancións.

 

 GRAZAS pola colaboración familias!

PDC. RESULTADOS DA ENQUISA SOBRE HÁBITOS SAUDABLES E ACTIVIDADE FÍSICA DO ALUMNADO DO CEIP A CRISTINA

 
 
Dentro do PDC (Proxecto deportivo de centro)- Centros activos e saudables, un dos obxectivos que nos marcamos este curso, foi o de realizar unha enquisa ao alumnado sobre os seus hábitos saudables e a actividade física que realizan.
 
Foi completada por 186 alumnos/as (98 nenos e 88 nenas), con idades comprendidas entre os 3 e os 12 anos.
 
No seguinte enlace podedes ver os  resultados obtidos nesta enquisa, achegando diversas táboas de datos e gráficas variadas que axilizan a súa presentación e permiten observar o comportamento do alumnado respecto das diferentes variables que se analizaron.
 
Moitas grazas a tod@s pola vosa colaboración!
 
 

5º de Ed. Primaria de regueifada

Aquí vos deixamos unha mostra da regueifada realizada polo alumnado de 5º de Educación Primaria. Todo colleita propia !!!

 

You are missing some Flash content that should appear here! Perhaps your browser cannot display it, or maybe it did not initialize correctly.

 

Moi bo traballo, moz@s. Parabéns

II CARREIRA POLA LINGUA

 

Este curso quixemos volver a celebrar o DÍA DAS LETRAS GALEGAS organizando a nosa 2º Carreira pola Lingua. Ao igual que o ano pasado, foi unha xornada festiva na que celebramos o orgullo de ter un idioma propio O GALEGO.

Os distintos grupos formados polos nenos e nenas do colexio realizaron carreiras nas que debían recoller unha peza de cada vez para despois organizalas entre os membros do grupo. En Educación infantil tiñan que realizar un crebacabezas da autora homenaxeada Mª Victoria Moreno; en 1º, 2º, 3º e 4º debían organizar un texto  dos libros "Eu conto, ti cantas..." e " A festa no faiado"; e os alumnas e alumnos de 5º e 6º tiveron que organizar a biografía da autora.

Dende aquí queremos dar as grazas a todos os alumnos, alumnas, mestres e mestras que participaron con tanta ilusión na "Carreira pola lingua".

Compartimos con vós o vídeo desta xornada ben fermosa.  A música escollida este ano é "Queremos galego" do Obradoiro de músicasbarxas. Esta canción é un Proxecto do Departamento de música do IES As Barxas Moaña (Pontevedra).Aquí tedes o enlace ao vídeo orixinal da canción https://www.youtube.com/watch?v=m4164zp--04 .

Esperamos que vos guste.

 

You are missing some Flash content that should appear here! Perhaps your browser cannot display it, or maybe it did not initialize correctly.

 

 

Homenaxe a nosa lingua

Con motivo da Celebración das Letras Galegas, o alumnado do noso Centro preparou o recitado destes poemas de Manuel María, do seu libro "Os soños na Gaiola". 

Fixémolo con moita ilusión e amor cara a nosa lingua. Esperemos que vos guste.

You are missing some Flash content that should appear here! Perhaps your browser cannot display it, or maybe it did not initialize correctly.

 

 

FONDO SOLIDARIO DE LIBROS DE TEXTO E AXUDAS PARA ADQUISICIÓN DE LIBROS DE TEXTO E MATERIAL ESCOLAR

A Consellería ven de publicar a Orde 9 de maio de

2018 (DOG 21 de maio de 2018) pola que se regula a

participación no fondo solidario de libros de texto e

se convocan as axudas para adquirir libros de texto

e material escolar destinadas ao alumnado

matriculado en educación primaria, educación

secundaria obligatoria e educación especial en

centros docentes sostidos con fondos públicos para o

curso escolar 2018/2019.

DATA LÍMITE: 22 DE XUÑO DE 2018

LUGAR DE PRESENTACIÓN: na SECRETARÍA do

centro, entregarase o ANEXO I e II, debidamente

cumprimentados e asinados.As solicitudes tamén se

poden entregar por vía electrónica na aplicación

FONDOLIBROS ou a través da sede electrónica da

Xunta de Galicia.

HORARIO DE SECRETARÍA:

LUNS E MARTES: 13:15 A 14:00h.

MÉRCORES, XOVES E VENRES: 09:05 A 09:50h.

Presentarase unha única solicitude por cada alumno ou alumna.

 

NOS DOCUMENTOS ADXUNTOS TEDES Á VOSA DISPOSICIÓN TODA A INFORMACIÓN DE DITA CONVOCATORIA, ASÍ COMO O ANEXO I e ANEXO II.

LETRAS GALEGAS 2018

Durante este curso estivemos traballando sobre a autora homenaxeada deste ano: María Victoria Moreno Márquez. Salientamos dela o amor pola nosa lingua:             O GALEGO

Cada aula elaboraou un mural sobre as súas obras. Compartimos con vós o resultado. Aprendemos moito e encantounos facelo e esperamos que vos guste.

 

 

 

 

 

 

II CARREIRA POLA LINGUA DO CEIP A CRISTINA

Con motivo da Conmemoración do Día das Letras Galegas,   hoxe celebramos na pista polideportiva do noso colexio, a "II Carreira pola Lingua do Ceip. A Cristina",na que participou todo o alumnado do centro, para reivindicar a defensa da nosa lingua e fomentar os hábitos saudables.

  

   

   

    

    

    

    

AVALIACIÓN INDIVIDUALIZADA DE 3º E.P.

Segundo a Resolución do 10 de abril de 2018 da Dirección Xeral de Educación, os días 23 e 24 de maio, desenvolverase a avaliación individualizada de 3º curso de E.P.

Pódense consultar as instrucións enviadas pola Consellería de Educación.

Distribuir contido