Velaiquí os recursos que o equipo TICS elaborou para traballar sobre o acoso escolar e provocar dinámicas de reflexión entre o alumnado. Se pinchades nas imaxes, atoparedes contos, xogos e distintas tarefas de concienciación. Botádelle un ollo! Tamén estivemos realizando xogos de roles arredor de dinámicas que simulaban o acoso físico e o social, poñéndonos no punto de vista da outra persoa e identificando situacións potencialmente perigosas.
Tamén saímos ao patio todos xuntos lucindo as nosas pulseiras violetas en sinal de protesta e de unión.
|
|||
Os alumnos/as de 5º e 6º de E.Primaria comezaron esta semana o IX Torneo de Bádminton da Cristina. Ao longo das próximas semanas celebraranse todos os partidos durante os recreos. Moita sorte a todos/as!
|
|||
Os nenos e nenas de 4º de EP decoraron a porta da aula coas súas lecturas favoritas!!!
Fantásticos os marcapáxinas que elaboraron os/as alumnos/as de segundo para conmemorar o Día do Libro!
No noso cole as actividades ao longo da Semana do Libro foron moi variadas. Os/as nenos/as de sexto de primaria e tres anos organizaron un acompañamento lector.
Mentres, os nosos compañeiros e compañeiras do segundo ciclo e de quinto de primaria acudiron á biblioteca Rego da Balsa a unha sesión de contacontos. Tamén visitaron a exposición de materiais elaborados polos diferentes coles da contorna.
Os compañeiros e compañeiras de 6º de educación infantil tamén se animaron a ir á Biblioteca Rego da Balsa. Daba xenio velos disfrutando da sesión de contacontos e da exposición!
|
|||
Para conmemorar a Semana do Libro na biblioteca Rego da Balsa, o CEIP Plurilingüe A Cristina quixo poñer o seu gran de area organizando unha exposición que leva por título "A maxia da Cristina". O alumnado de 1º de primaria puxo a súa voz a unha historia de meigas. Só tendes que presionar no pulsador para escoitala pero... Moito ollo! Porque se non prestades atención, podedes saltarvos algunha parte. Seguide a secuencia!
Cando o corazón e o cerebro conectan... Tamén se produce maxia! Fixádevos no vestido desta Menina porque amosa historias relacionadas coas emocións que nos evocan algúns dos cadros máis pintorescos. Buscade na súa saia a ver que atopades!
Que bonita é, non sí? Pero a exposición esconde máis sorpresas. Arte, disfraces e a maxia que nos produce ler o noso libro favorito.
Animádevos a visitar "A Maxia da Cristina"!!!!
|
|||
Remataron as sesións da primeira parte do proxecto " Aprende a través do Surfing", que se desenvolveron no noso colexio ao longo do mércores e xoves desta semana. Queremos agradecer a Martín e a escola de surf Boaola, a súa absoluta disponibildade e a maneira de transmitir con tanta ilusión e entusiasmo a súa forma de vida. Moitas grazas! |
|||
No día de hoxe recibimos a visita de Pere Tobaruela, autor do libro "Formigas: misión Camiño de Santiago". Nunha sesión moi amena debatimos sobre as lendas e como as historias de transmisión oral poden ser utilizadas na historia en beneficio duns ou doutros. Tamén comentamos aqueles aspectos que nos resultaron máis chamativos á hora de repasar o camiño que os discípulos do apóstolo percorreron para traer os seus restos a Compostela. O ambiente foi moi distendido e agradecemos a Pere a súa simpatía e atención.
|
|||
Este luns o alumnado de 5º e 6º nivel de primaria recibiu a visita de Carlos, enxeñeiro informático e ponente das charlas "Navega con Rumbo". Participamos nun coloquio moi interesante sobre a seguridade e o uso responsable da internet. Falamos sobre a importancia das contrasinais e tamén como diferenciar as fake news das novas que sí ocorren realmente.
|
|||
O último día antes das vacacións de Semana Santa, o alumnado de 1º e 2º de primaria visitaron o Aquarium Finisterrae en A Coruña. Foi un día cheo de diversión! Ver como alimentaban o tiburón Gastón e as focas, aprender sobre o dano que fai o lixo nas nosas praias, ver peixes exóticos, medusas e polbos! Aprenderon un montón e disfrutaron todos xuntos!!
|
|||
Un ano máis, o noso centro participará no proxecto"Aprende a través do Surfing". O mércores e xoves desta semana, dous monitores da escola de surf "Boaola", desenvolverán unhas sesións de iniciación ao surfing aos alumnos/as de todos os cursos de Educación Primaria.
Estas sesións terán continuidade cunhas xornadas de convivencia no mes de maio na praia de Razo onde os nenos/as terán a oportunidade de desfrutar dun bautismo de surf, coñecer a cultura oceánica e experimentar todos os valores do surfing.
|
|||
O luns e o venres terán lugar no recreo as finais da IV Liga escolar de baloncesto 3x3, organizadas polo Basket Xiria, coa intención de facer uns recreos máis saudables e entretidos. Nela participou o alumnado de 3º ,4º ,5º e 6º de E.Primaria. Queremos aproveitar, para darlle as grazas ao Basket Xiria pola súa colaboración no desenvolvemento deste torneo.
Moitas grazas! |
|||
Os/as dezaseis atletas que representaron ao noso centro no Campionato Provincial de campo a través escolar celebrado esta mañá no circuito Virxe do Loreto de Porto do Son ,tiveron unha sobresaínte actuación.
JULIA CAMPIONA PROVINCIAL ALEVÍN FEMININO EQUIPO ALEVÍN FEMININO (Luna, Ana,Victoria, Paula,Julia e Claudia) SUBCAMPIÓN PROVINCIAL
EQUIPO BENXAMÍN MASCULINO (Alex,Thiago,Hugo,Adrián,Gael e Mateo) MEDALLA DE BRONCE
Tamén destacar a participación a nivel individual de Sara, Marta,Enzo e Lucía, que realizaron un gran papel. MARTA E SARA BENXAMÍN FEMININO
ENZO ALEVÍN MASCULINO LUCÍA INFANTIL FEMININO
RESULTADOS CAMPIONATO PROVINCIAL DE CAMPO A TRAVÉS ESOLAR Noraboa e moitas grazas a todos/as polo voso esforzo e comportamento! Quero darlle as grazas a todos/as os nenos/as que participaron esta tempada nas dúas Fases, polo seu esforzo e comportamento, e animarvos, a seguir esforzándovos para intentar mellorar día. Agradecer tamén ás familias, a súa inestimable colaboración durante toda a mañá. |
|||
.jpg)  Marta, Sara, Adrián, Hugo, Gael, Thiago,Álex,Mateo,Enzo, Julia,Luna,Claudia,Ana, Paula,Victoria e Lucía alumnos/as de 2º,3º,5º e 6º de E.Primaria, representarán ao noso centro no Campionato Provincial de campo a través escolar, que se celebrará este próximo venres, no circuito Virxe do Loreto de Porto do Son. Todos/as chegan moi ilusionados á proba, aínda que conscientes da dificultade que entraña, xa que, neste campionato, tomarán parte os mellores atletas da provincia que se clasificaron nas fases intercomarcais da Coruña, Ferrol, Santiago e Noia.
Moita sorte a todos/as!!!
|
|||
Dende o día de hoxe están a vosa disposición as listaxes provisionais de admitidos e non admitidos para o curso 2024/25 dos cursos: 4º nivel de educación infantil, 2º nivel de educación primaria, 3º nivel de educación primaria e 5º nivel de educación primaria, no hall do centro. Ante esta listaxe, poderase formular reclamación, no prazo de 5 días hábiles contados a partires do día de hoxe, perante o Consello Escolar. |
|||
Este xoves 21 de marzo tiñamos dúas citas moi importantes coa natureza: a primeira, conmemorar o Día da Árbore e, a segunda, coñecer de cerca o ciclo da auga. Como cidadáns, quixemos realizar unha pequena contribución ao coidado da natureza plantando árbores autóctonas no depósito do Seixo Branco, na aldea de Verdillo. Ao longo da semana, elaboramos unha adaptación do poema de Darío Xohán Cabana "O mundo chámase carballo", o cal recitamos despois da repoboación.
Tamén aproveitamos a visita para coñecer, de primeira man, as instalacións que conforman o ciclo da auga. Despois de visitar o depósito do Seixo Branco, que colle a auga do río Bardoso, achegámonos á depuradora máis importante do Concello de Carballo. Ali puidemos comprobar as distintas fases polas que pasa a auga antes de poder ser consumida nos nosos fogares: a fase de coagulación, a fase de decantación e o tratamento con cloro.
|
|||
Seis versos dunha famosa poeta andan escondidos polo cole! Seremos quen de atopalos todos? Con esta proposta rebelde, o Clube de Lectura vainos invitar a xogar coa poesía este xoves. Hoxe andaban a rematar todos os detalles finais, pero non podemos desvelar máis... Teremos que agardar ao xoves para resolver o misterio do Día Mundial da Poesía!
|
|||
