Hoxe presentámosvos o proxecto que estamos a levar a cabo desde comezo de curso con todo o alumnado do centro a través do taller "Exploramos cos sentidos".
Este proxecto pretende dotar ó alumnado de autonomía nos hábitos de coidado, limpeza e alimentación así como de conceptos cotiás relacionados co mundo animal e vexetal.
Que ben o pasamos cando traballamos no Obradoiro de Exploramos cos sentidos!
Traballamos intensamente desde que comeza o curso...comezamos preparando os sementeiros: cebolas, leitugas, repolos, perexil, tomates...
Vixiamos moi atentamente as plantas que temos polos corredores e facemos os trasplantes que sexan necesarios, botámoslles terra e regámolas cando o precisan.
A semana pasada adicamos todas as tardes a darlle continuidade ao proxecto iniciado este curso e...
Que foi o que tocou?
Por unha banda e por quendas, no obradoiro dos contos proxectouse a curta que gravamos de Xaime e as landras.
Ademais, a proxección acompañouse dunha pequena dramatización onde se incorporaron os bonecos-protagonistas do conto así como os pictogramas correspondentes para apoiar e facilitar a comprensión.
Por outra parte, en colaboración co obradoiro exploramos cos sentidos, todo o alumnado plantou a súa landra.
Previamente pediuse a colaboración das familias para que aportaran un cartón de leite que logo se encheu de terra e serviu como testo para meter a landra.
Ahh! E menuda sorpresa levou o alumnado do 4º nivel cando estaba plantando...sabedes que animaliño atopou...ollade o vídeo e descubrirédelo...
O que mais e o que menos disfrutou un montón lavando os cartóns, metendo as mans na terra, regando con auga, cravando, calcando de novo a terra...toda unha experiencia... E para rematar cada alumno e alumna colocoulle ao seu cartón a súa foto.
