Skip to Content

Multisensorial

HOXE: XOGUETES

Bos días !

Hoxe utilizaremos os xoguetes que temos na casa. Escollemos dous que se poñan en funcionamento con só pulsar e produzan algún son e que adoitan ter,  ademais, efectos visuais.

TOCAMOS A ROUPA

Bos días!

Para a actividade de hoxe, podemos aproveitar o momento do vestido e facerlles sentir ao neno ou a nena o tacto das diferentes texturas das pezas de roupa e que poidan cheirar o suavizante.

A continuación un novo video para estimulación auditiva e visual na seguinte ligazón:

 

ESTIMULACIÓN AUDITIVA

Para traballar a presencia- ausencia do son: colocamos ao neno/a sentado correctamente e poñémoslle os auriculares. Accionamos o dispositivo e desconectámolo tras 20 segundos. Repetimos varias veces. É aconsellable utilizar a mesma música.

ACTIVIDADE CON TEAS

Para esta actividade, utilizaremos teas de diferentes texturas:  borreguillo,  tul, gasas, flocos, veludos, plumas, etc... Colocamos as teas a modo de bufandas , procurando certo nivel de contraste (suave-áspero).  Realizamos pequenas friccións ou masaxes ao redor do pescozo, collendo a tea polos extremos.

Cubrimos a cabeza do neno/a con as diferentes teas e imos deslizándoos pola cara desde atrás moi aos poucos ata quitarllos. Procuramos alternar contrastes  de teas máis suaves con teas  máis ásperas.

VIDEO

E agora, un vídeo para a estimulación visual e  auditiva na seguinte ligazón: 

https://youtu.be/g8KUtEv8WqA



TRABALLAMOS CO SECADOR

Para esta actividade utilizaremos un secador: a corrente de aire constante pode rozar todas as partes do corpo e ao cambiala de quente a frío e aumentar a súa velocidade, permite suscitar, ademais, diferentes sensacións de temperatura.

Distribuir contido


by Dr. Radut