Skip to Content

Música

SEMANA DO 28 ABRIL AO 3 DE MAIO

Sáb, 25/04/2020 - 21:45 — Música

OLA CHICOS/AS,  

Polo que vou sabendo polos voso correos, sei que estades todos ben.... Nós (eu e a miña familia seguimos atopándonos ben tamén)

OLLO: nos correos que me estades a enviar, moitos de vós, non os redactades ben (escribides todo no asunto do correo). Instrucións para enviar un correo:

ASUNTO: Ficha nº 1 (ou 2, 3, etc) + o voso nome + o voso curso

CORPO DO CORREO: saudádeme, contádeme como estades, como está a familia, preguntádeme as dúbidas que teñades, un "ata logo, profe" de despedida, etc. Estou intentando contestar os vosos correos o máis rápido que podo, pero sempre vos contesto!!  

2º ESO: a actividade para esta semana consiste en repasar o Tema 2. A tarefa é moi sinxeliña (igual que a semana pasada): ledes o tema atentamente e a continuación contestades o cuestionario online que vos colgo neste enlace: cuestionario 2 de 2º da ESO. Xa non me tendes que enviar correo porque xa o recibo no meu drive, salvo que queirades contarme/preguntarme algo, claro está. Lembrade que sigo aquí para o que precisedes. UNHA APERTA A TOD@S!!!

3º ESO: esta semana toca repasar o Tema 2 "O Renacemento". Cólgovos un vídeo explicativo neste enlace: vídeo de repaso do Renacemento, que vos levará directamente a visualizar e escoitar un vídeo sobre o Renacemento. A continuación, contestaredes as preguntas que van no cuestionario no documento adxunto desta entrada de blog. Podedes copialo na libreta e entregarme fotos, ou descargar o documento e facelo directamente no ordenador, como prefirades (no adxunto está colgado en dous formatos: en formato pdf para os que queirades copialo na libreta e en word para os que prefirades contestar xa directamente no documento). UNHA APERTA A TOD@S!!!

4º ESO: a actividade desta semana é moi sinxela. Lede ben os apuntamentos das mulleres,e as actividades  que fixéchedes a semana pasada (e se queredes, repasade o vídeo da semana pasada tamén). A continuación, contestade o cuestionario que vos deixo no seguinte enlace: cuestionario mulleres 1. Unha vez que esté rematado, xa me queda enviado ao meu drive, polo que non teredes que enviarme ningún correo, salvo que queirades claro!!! Lembrade que sigo aquí para o que precisedes!!! UNHA APERTA A TOD@S!!! 

 MOITO ÁNIMO E MOITA PACIENCIA, QUE O ESTADES A FACER MOI BEN, RAPACES!!!! 

 ATA A SEMANA QUE VÉN!!! 

 

SEMANA DO 20 - 27 ABRIL

Dom, 19/04/2020 - 20:52 — Música

Ola a tod@s outra vez, 

Antes de nada dicirvos que estou MOI ORGULLOSA dos/das que, a pesar de todo, seguides traballando día a día. Fágome cargo de que a situación non é sinxela e moitas veces non temos os medios nin os ánimos para organizarnos e seguir aí... pero aínda así, non vos desmotivades e tirades para adiante. 

Lémbrovos o meu correo: pvsertal@gmail.com

ÁNIMO A TOD@S, CHIC@S!!! 

XA FALTOU MÁIS!!!

2º ESO: esta semana propóñovos unha tarefa diferente... tendes que cubrir un cuestionario online que vos dará unha nota máxima de 20 puntos. É un cuestionario faciliño de repaso do Tema 1 e un par de cuestións de repaso tamén dos compases. Non tendes que enviarme nada porque se supón que xa mo reenvía a min directamente. Clicade neste enlace e xa vos leva directamente:https://forms.gle/cWBoziefVySVuPYy5 UNHA APERTA A TOD@S 

3º ESO: esta semana propóñovos unha tarefa diferente... tendes que cubrir un cuestionario online que vos dará unha nota máxima de 20 puntos. É un cuestionario faciliño de repaso do Tema 1: A Idade Media. Non tendes que enviarme nada porque se supón que xa mo reenvía a min directamente. Clicade neste enlace e xa vos leva directamente: https://forms.gle/ci1puWXgd2EEk3Ub9 UNHA APERTA A TOD@S

4º ESO: esta semana tedes que contestar a unha serie de preguntas relacionadas co vídeo da semana anterior. Déixovos aquí o enlace ao vídeo, e as preguntas no adxunto desta entrada de blog. 

ATA A SEMANA QUE VÉN!!!!!

UN BICO ENORME E QUE SAIBADES QUE CONTINÚO BOTÁNDOVOS DE MENOS!!!

SEMANA DO 13 - 17 ABRIL

Lun, 13/04/2020 - 19:40 — Música

Ola a tod@s outra vez, 

Xa estamos á volta da Semana Santa e desexo que tod@s sigades ben... eu estou ben, botando moitísimo de menos estar con todos vós, pero, polo momento, non pode ser... 

Aquí vos deixo as tarefas para esta semana... lembrade que mas tedes que enviar ao meu correo de gmail: pvsertal@gmail.com 

2º ESO: esta semana imos repasar o TEMA 1 ... antes de comezar a facer a ficha, repasade o Tema 1, da primeira avaliación. Unha vez que esté repasado, descargade o adxunto que pon ACTIVIDADES 2º ESO II (podedes facelo na libreta e enviarme foto) 

3º ESO: esta semana repasaremos o TEMA 1 de historia da música. O tema 1 era a Idade Media (clicade no título anterior e xa vos leva ao vídeo de Youtube colgado co Power Point). Unha vez finalizado o vídeo tendes que contestar as preguntas que vos deixo no adxunto desta entrada co título ACTIVIDADES 3º ESO: IDADE MEDIA REPASO

4º ESO: esta semana comezamos coas "Mulleres ao longo da historia da Música" ... a semana pasada deixeivos un Power Point con todas elas e só vos mandei copiar a Hildegard, pero esta semana preferín facer un vídeo explicándoos pouco a pouco cada unha destas mulleres. Esta semana vouvos explicar as mulleres pertencentes á Idade Media, ao Renacemento e ao Barroco. Clicade neste enlace: Mulleres ao longo da historia da música e xa vos leva ao vídeo de Youtube que vos fixen. Copiade as diapositivas destas 4 mulleres na libreta e me enviades un email co texto copiado das 4 nas vosas libretas.  Escoitade tamén as audicións que vos propoño de cada unha delas no Power Point (déixovos o Power Point no adxunto, porque no vídeo non saen os enlaces dos que vos falo nas explicacións... jejeje)

UNHA FORTE APERTA A TOD@S!

ÁNIMO E COIDÁDEVOS MOITO!

FELIZ SEMANA SANTA A TOD@S

Mar, 07/04/2020 - 19:59 — Música

Ola chic@s... 

Antes de comezar outra vez coas tarefas, quero que liberedes tensión cunha canción que me fai saltar, bailar e me pón de bo humor!!! 

Unha forte aperta a tod@s

Paula

SEMANA 30 - 3

Lun, 30/03/2020 - 12:09 — Música

OLA A TOD@S, 

Estas son as últimas actividades que vos vou colgar antes de Semana Santa (esa semana é para descansar, para ler, para disfrutar da familia, e para coller forzas de cara á terceira avaliación, que aínda non sabemos como vai ser). 

Polo que vou sabendo polos voso correos, sei que estades todos ben.... MOITO ÁNIMO E MOITA PACIENCIA, QUE O ESTADES A FACER MOI BEN, RAPACES!!!! 

OLLO: nos correos que me estades a enviar, moitos de vós, non os redactades ben (escribides todo no asunto do correo). Instrucións para enviar un correo:

ASUNTO: Ficha nº 1 (ou 2, 3, etc) + o voso nome + o voso curso

CORPO DO CORREO: saudádeme, contádeme como estades, como está a familia, preguntádeme as dúbidas que teñades, un "ata logo, profe" de despedida, etc. Estou intentando contestar os vosos correos o máis rápido que podo, pero sempre vos contesto!!  

Neste traballo que vos colgo esta semana, tedes de prazo ata o venres 3 de abril. Non quero que traballedes na miña materia en Semana Santa. 

2º ESO: No adxunto que tedes debaixo do blogue, está o TEMA 5 completo. Sei que nun 2º da ESO, xa o tiñamos rematado, pero por se é o caso, comprobade que o teñades completo na libreta (se non está completo, o completades) e enviádesme foto co tema ao meu correo: pvsertal@gmail.com. 

3º ESO: Visualizade o Power Point do TEMA 4: O CLASICISMO e contestade as preguntas que van na ficha adxunta e mo enviades todo ao meu correo: pvsertal@gmail.com

4º ESO: cólgovos o Power Point das "Mulleres ao longo da historia da música". Copiade na vosa libreta a primeira delas: Hildegard von Bingen e escoitade as audicións que van no Power Point. Enviádeme foto do que copiedes ao meu correo: pvsertal@gmail.com

E XA ME DESPIDO ATA DESPOIS DE SEMANA SANTA!!!

COIDÁDEVOS MOITO E MOITO ÁNIMO, QUE XA QUEDOU MÁIS!!

UNHA APERTA ENORME A TOD@S!!!

NOVAS SEMANA 23 - 30

Lun, 23/03/2020 - 12:24 — Música

Bo día rapaces,

Cómo vai o confinamento?? Desexo que esteades tod@s ben e que as vosas familias tamén estean ben.

Como aínda imos estar un tempo sen mirarnos, vouvos deixar aquí unhas fichas para entregar. Son doadas de facer, e tendes ata o 31 de marzo para entregalas, o meu correo é pvsertal@gmail.com Aproveitade o correo para contarme un pouco que tal o levades, se todo vai ben e se botades de menos ir ao IES, jejeje

2º ESO: a ficha que vos deixo é unha ficha de repaso da 1ª avaliación e da 2ª avaliación. Para facela tendes que repasar as equivalencias da primeira avaliación (puntillo, tresillo, ligadura), o esquema das equivalencias e os valores de cada figura, os compases, os intervalos, os compases, os acordes, a clasificación instrumental e as escalas para identificar os grados das escalas e a distancia que hai entre as notas. É doada de facer, non vos preocupedes. NON é un exame, aínda que vexades que cada pregunta ten unha puntuación (vouvos dar a hipotética nota que levariades de ser un exame feito con libreta!!!)

3º ESO: a ficha que vos deixo no adxunto son unhas preguntiñas sobre o TEMA 3, "O Barroco". Lede ben o tema, mirade o Power Point e escoitade as audicións que hai no Power Point. A próxima semana colgareivos unhas actividades sobre o seguinte tema. Entregade a ficha completa ao meu correo (puntuarase positivamente a entrega, aínda que teñades algún falliño)

4º ESO: chic@s, intentade enviarme a ficha da tonalidade que vos mandei a primeira semana, para repasar. Así podo correxir e solucionar as dúbidas que teñades. Como vai a búsqueda da "muller que admirades"? Contádeme algo no correo, de como estades levando esta suspensión das clases e da muller que seleccionastes para o mural.

UN SAÚDO A TOD@S!! E COIDÁDEVOS MOITO!!

NUNCA PENSEI QUE VOS BOTARÍA DE MENOS!!!

UNHA APERTA ENORME A TOD@S E ÁS VOSAS FAMILIAS!!!!

4º ESO - RECOMENDACIÓNS PARA FACER DURANTE AS SUSPENSIÓNS DAS CLASES

Lun, 16/03/2020 - 22:35 — Música

Bos días a tod@s, 

Antes de nada, desexarvos moitas forzas para estes momentos tan compricados que estamos a vivir. Coidádevos moito, non saiades da casa se non é estrictamente necesario, e intentade disfrutar o que poidades da vosa familia!!!

Intentade seguir unha rutina diaria: erguédevos cedo e facédevos un horario diario como se forades ao instituto pola mañá, porque son 15 días que poden facerse moi longos. 

En MÚSICA xa temos a avaliación rematada, así que non vos preocupedes por esta avaliación, xa vos din as medias a tod@s, así que tranquil@s, unha materia menos.

Quedaba pendente o exame de TONALIDADE, pero xa era para a terceira avaliación. Tendes os apuntes de tonalidade nas vosas libretas, podedes repasar un pouco e facer a ficha de tonalidade que tedes neste enlace. As dúbidas que teñades poderedes preguntarmas á volta, ou escribirme un correo a pvsertal@gmail.com.  Aproveitade tamén para botarlle un ollo ao que levamos dado neste curso, como repaso, para non esquecer a linguaxe musical.  

UNHA ACTIVIDADE A MAIORES: intentade pensar nunha muller á cal admiredes (pode ser do mundo do deporte, científica, músico, literata, poeta, sufraxista, etc.) Intentade averiguar algo sobre ela e imprimir unha foto. A idea é pegar esas mulleres nun mural que teremos na aula de música e dar unha pequena explicación sobre ela (de 1 min, non máis).

Non vos preocupedes por MÚSICA, porque imos moi ben de tempo. Queda a tonalidade, o lip dub e as mulleres ao longo da historia da música. Bueno, e o FESTIVAL DE FIN DE CURSO!!!!

Un saúdo enorme a todos e CÓIDADEVOS. MIRÁMONOS Á VOLTA, CHIC@S.

PAULA

3º ESO - RECOMENDACIÓNS PARA FACER DURANTE AS SUSPENSIÓNS DAS CLASES

Lun, 16/03/2020 - 22:04 — Música

Bos días a tod@s, 

Antes de nada, desexarvos moitas forzas para estes momentos tan compricados que estamos a vivir. Coidádevos moito, non saiades da casa se non é estrictamente necesario, e intentade disfrutar o que poidades da vosa familia!!!

Intentade seguir unha rutina diaria: erguédevos cedo e facédevos un horario diario como se forades ao instituto pola mañá, porque son 15 días que poden facerse moi longos. 

En MÚSICA xa temos a avaliación rematada, así que non vos preocupedes, porque non quedou ningùn exame pendente. Aproveitade para botarlle un ollo ao que levamos dado neste curso e tocade algún día as cancións de frauta para non esquecelas de todo. 

Á volta imos comezar co BARROCO e co CLASICISMO (TEMAS 3 e 4). Podedes ir lendo os apuntamentos que tendes, para ter unha idea do que vos vou explicar para o vindeiro trimestre. Abaixo déixovos os pdf cos Power Point dos movementos: botádelle un ollo e escoitade algunhas das audicións que van nas diapositivas.

Non vos preocupedes por MÚSICA, á volta, retomaremos xuntos o que nos queda de contidos por dar. 

Un saúdo enorme a todos e CÓIDADEVOS. MIRÁMONOS Á VOLTA, CHIC@S.

PAULA

 

2º ESO - RECOMENDACIÓNS PARA FACER DURANTE AS SUSPENSIÓNS DAS CLASES

Lun, 16/03/2020 - 14:04 — Música

Bos días a tod@s, 

Antes de nada, desexarvos moitas forzas para estes momentos tan compricados que estamos a vivir. Coidádevos moito, non saiades da casa se non é estrictamente necesario, e intentade disfrutar o que poidades da vosa familia!!!

Intentade seguir unha rutina diaria: erguédevos cedo e facédevos un horario diario como se forades ao instituto pola mañá, porque son 15 días que poden facerse moi longos. 

En MÚSICA xa temos a avaliación rematada, soamente quedaba pendente o exame de recuperación dos temas 3 e 4. Os que teñades que facela, aproveitade para estudar ben estes dous temas, porque en canto nos deixen incorporarnos, faremos o exame NA PRIMEIRA CLASE que teñamos. 

Ao resto, aos que xa tendes aprobado o exame, aproveitade para botarlle un ollo ao que levamos dado neste curso e tocade algún día as cancións de frauta para non esquecelas de todo. 

Non vos preocupedes por MÚSICA porque imos moi ben de tempo, e á volta, retomaremos xuntos o que nos queda de contidos por dar. 

Un saúdo enorme a todos e CÓIDADEVOS. MIRÁMONOS Á VOLTA, CHIC@S. 

PAULA

 

TALLER DE ECO-PERCUSIÓN NO IES

Xov, 19/12/2019 - 20:01 — Música

Este mércores 18 de decembro celebrouse un Taller de Percusión na Aula de Usos Múltiples do IES de Soutomaior. O taller consistiu en realizar unhas batucadas improvisadas, dirixidas por Didier, con material de refugallo. O alumnado disfrutou percutindo cubos, tixolas e bidóns de reciclaxe, ao mesmo tempo que sentiu o ritmo e alcanzou un bo nivel de coordinación.

Aquí vos deixo unhas mostras gráficas do que aquí tivo lugar...

Porque non todo é sacrificio, tamén pasamos bos ratos...

Un saúdo a tod@s e ...

BO NADAL A TOD@S OS QUE COMPARTIDES CON NÓS ESTA MARABILLOSA VIAXE !!!!

 

 

 

Distribuir contido


by Dr. Radut