Novas

Xa saiu a convocatoria para solicitalas axudas para a realización de actividades de formación en linguas estranxeiras no ano 2023.

Está dirixida ao alumnado de 1º e 2º de Bacharelato. Poden consultar toda a información e se inscribir na seguinte ligazón:

Premer aquí

Xa temos gañador da cesta do Nadal 2022/23. Hoxe, no recreo, o alumnado de 4º da ESO estivo a preparar o sorteo e os alumnos Noé Parada Fariña e África González Otero foron as mans inocentes que sacaron o seguinte boleto:

O gañador pode chamar ao instituto ou poñerse en contacto co vicedirector. Para recoller o agasallo debe traer o boleto gañador ata o xoves 22 (incluido). No caso de non poñerse ninguén en contacto temos dous boletos suplentes cos seus respectivos números de teléfono. Esperamos atopar pronto á familia agraciada.

Moitas grazas por todo.

O IES de Soutomaior desexa a todos os participantes moita sorte.

Con motivo da Gran Recollida organizada polo Banco de Alimentos de Vigo e Pontevedra os próximas días 25 e 26 de novembro, o alumnado de 3º da ESO do IES de Soutomaior está realizando unha campaña de recollida de alimentos.

Desde este martes día 15, e ata o venres 25 de novembro, poderedes colaborar nesta iniciativa achegando algún alimento de tipo non perecedeiro (aceite, conservas, productos envasados como pasta, legumes, arroz,…) Os produtos serán depositados nas caixas situadas na entrada do centro, entre as dúas portas de acceso principal.

O alumnado de 3º da ESO quere animar a toda a Comunidade Educativa a participar na iniciativa, e estará á vosa disposición durante os recreos para recoller os alimentos e resolver calquera dúbida. Calquera colaboración será benvida e, sen dúbida, de moita axuda nesta campaña.

O martes 18 de outubro, a 1ª hora, retomamos na ESO o programa Hora de Ler. Unha iniciativa de fomento da lectura no contexto educativo que consiste en dedicar un "tempo para a lectura" na aula cun libro que o alumnado trae da casa ou empresta na biblioteca.

O libro debe ser escollido para leer algo que nos gusta, polo que non se debe utilizar esta hora para lecturas obligatorias.

Neste calendario indícanse en cor rosa os días e horas da Hora de Ler.

No seguinte documento explícase de xeito máis extenso esta iniciativa.

O IES de Soutomaior non pode despedirse deste curso 2021-2022 sen facer unha mención e agradecendo o esforzo ós mellores expedientes académicos daqueles alumnos e alumnas que acadaron unha media de todas as súas materias a finais de curso igual ou superior a 9.