Skip to Content

Blogue de Orientación

Encontros virtuais da USC: 6, 7 e 8 de abril

Queres máis información da Universidade de Santiago de Compostela, ou dalgún Grao en particular? Participa só, en familia ou cos teus compañeiros/as de clase, nos Encontros Virtuais da USC, durante os días  6, 7 e 8 de abril (luns, martes e mércores de Semana Santa).

A páxina Web estará dispoñible dende o sábado, día 4 de abril, na dirección:

https://www.usc.gal/gl/encontros-virtuais   

A través dun enlace poderás interactuar por VIDEOCONFERENCIA cos/as responsables da titulación do teu interese para aclarar dúbidas. No enlace indicaranse os horarios de cada unha das videoconferencias.

Ademais, na web atoparedes:

o    Presentacións das titulacións

o    Obradoiros, Retos, etc.

o    Opinión de alumnos/as sobre a titulación

o    Pílulas relacionadas coa titulación

o    Concursos

Alumnado 2ºBAC: ABAU 7, 8 e 9 de xullo.

   A Consellería de Educación, Universidade e Formación Profesional e a CIUG acordaron hoxe fixar nos días 7, 8 e 9 de xullo as datas da convocatoria ordinaria da ABAU. Trátase das datas nas que estaba prevista –con anterioridade á crise sanitaria– a proba extraordinaria en Galicia.

   Seguiremos pendentes das novas que se publiquen en edu.xunta.gal e en ciug.gal. Está a valorarse un modelo de exame similar ao actual, cos mesmos tempos, e a posibilidade dunha maior opcionalidade, para garantir que o alumnado non se vexa prexudicado por non traballar en clase algún bloque ou bloques de contido dalgunha das materias.

   Gustaríame animarvos a que sigades traballando e a que non tiredes a toalla nestos días, nos que ás veces pode facerse todo máis dificil. Sempre estades a tempo de dar o mellor de vos. 

Un saúdo,

Alba. Orientadora.

ALUMNADO de REFÓRZA-T: 1º e 2º ESO

 

Para aqueles alumnos/as de REFÓRZA-T que teñan interese e disponibilidade, o programa continúa dende a casa de forma telemática.

Se precisades axuda para elaborar esquemas, resumos, organizar o estudo, aclarar dúbidas... ou ben se vos apetece realizar algunha actividade co grupo, estou a vosa disposición.

Podedes contactar comigo escribindo un correo electrónico a: manuellopezrodriguez@edu.xunta.gal

Se non tes posibilidade de contactar por email e precisas axuda, podes deixarme recado no teléfono do centro,  chamando de 10-13h, e valoraremos como axudarte.

Un saúdo, 

Manuel. Profesor do programa REFÓRZA-T.

Recursos para a autoorientación

A Orientación Educativa enténdese, non coma unha consulta puntual, senón coma un proceso no que a Autoorientación é o fin. Dende o Departamento de Orientación e as titorías, e dende o IES en xeral, procuramos que o alumnado vaia desenvolvendo distintas habilidades e destrezas para chegar, por si mesmo finalmente, á toma de decisións vocacionais. 

Se queredes adicar un tempo ao voso proceso orientación vocacional, propoño que empecedes por algún destes RECURSOS de AUTOORIENTACIÓN, recompilación realizada polos orientadores Alberto del Mazo e Mónica Diz.

Están organizados en cinco áreas:

AUTOCONOÑECEMENTO - INFORMACIÓN ACADÉMICA - TOMA DE DECISIÓNS VOCACIONAIS - ORIENTACIÓN PROFESIONAL - RECURSOS PARA PAIS E NAIS.

Sabemos que calquera proposta de traballo para estes días pode ser difícil. Non porque non contedes co noso apoio (que contades, na distancia, no que podamos!), senón polas dificultades de facelo en tempos de incertidume e confinamento. O prioritario é coidarse animicamente, apoiarvos entre vós e que sintades o noso ofrecemento de acompañarvos como unha axuda útil, da forma que precisedes.

Unha aperta,

Alba. Orientadora do IES de Soutomaior.

Fonte: https://colectivorienta.wordpress.com/2020/03/23/autoorientarse-en-tiempos-de-coronavirus/

Alumnado 3º-4º ESO: prazas convocadas para a STEMweek

QUERES MELORAR AS COMPETENCIAS EN LINGUA INGLESA E CIENTÍFICO-TECNOLÓXICA?

Ofértanse 200 prazas para alumnas e alumnos de 3º e 4º de ESO dunhas estadías que se desenvolverán no Centro Residencial Docente (CRD) da Coruña.

Desenvolveranse en dúas quendas (a primeira, para 3º de ESO, do 16 ao 22 de agosto; e a segunda, para 4 de ESO, do 23 ao 29) e terán carácter gratuíto para as familias. As actividades terán como obxectivo desenvolver capacidades, coñecementos e técnicas, a través dunha invitación ao descubrimento, que aumenten o interese do alumnado pola ciencia e polas súas posibilidades de aplicación na tecnoloxía. Ao mesmo tempo, supón unha oportunidade para a mellora da competencia comunicativa en lingua inglesa.

Poderá solicitar a participación na STEMweek o alumnado que estea  cursando 3º ou 4º de educación secundaria obrigatoria no réxime xeral, en centros sostidos con fondos públicos, que teña superadas todas as materias no curso 2018/19 cunha cualificación mínima de 6 na materia de inglés. Para puntuar e baremar as solicitudes recibidas teranse en conta a nota media do expediente.

SOLICITUDES: O proceso de inscripción está suspendido temporalmente pola crise do COVID-19, pero se estás interesado/a podes ir consultando a información en: https://www.edu.xunta.gal/portal/node/30533

1º E 2º DE BACHARELATO: PROBAS PARA O GRAO EN ACTIVIDADE FÍSICA E DO DEPORTE.

Actualización maio 2020: o estudantado que quixese cursar o grao en Ciencias da Actividade Física e do Deporte na Universidade de Vigo debía superar tamén un requisito previo, obter a cualificación de apto nunhas probas físicas que, por mor da situación excepcional xerada pola COVID-19, non se levarán a cabo neste 2020. A admisión para o curso 2020-2021 no grao que se imparte na Facultade de Ciencias da Educación e do Deporte seguirá o procedemento xeral establecido para o acceso a estudos oficiais do Sistema Universitario de Galicia.

-----------------------------------

Probas de aptitudes específicas para o acceso ao GRAO DE CIENCIAS DA ACTIVIDADE FÍSICA E DO DEPORTE, na universidade de Vigo, para o curso 2020-2021

Se tes interese en estudar dito Grao, manten a túa forma física estes días e consulta a información relacionada.

Podes presentarte esteas en 2º ou 1º bacharelato pois, de acadar o APTO, sería válido tamén na convocatoria seguinte (2021-22). 

 

EN QUE CONSISTEN AS PROBAS? Consulta o Regulamento e o video explicativo das probas.

PRAZO DE INSCRIPCIÓN: 

Deberás cubrir o formulario de inscrición e seguir as instruccións. Ata as 14h do 22 de abril.

DATAS DAS PROBAS:

1ª data: 22  de Maio de 2020.

2ª data: 18 de Xuño de 2020. 

3ª data: En caso de quedar prazas vacantes realizarase unha convocatoria extraordinaria o 23/07/2020.

Coa inscrición (63,67 € máis 6 €de seguro de accidentes) podes presentarte a todas as convocatorias: podes escoller, sen comunicación previa, o día para presentarte, e repetilas no caso de non superalas.

 

Web oficial: Facultade da Universidade de Educación Física da Universidade de Vigo (Campus de Pontevedra)

 

 

PENSANDO EN ESTUDAR UN GRAO UNIVERSITARIO E NON TE DECIDES?

Navega polas páxinas das Universidades Galegas. O enlace leva a un apartado adicado a futuros estudantes, onde podes ver información sobre os Graos (vídeos explicativos, obxectivos e plan de estudos, saídas profesionais…), así como outra información sobre a vida universitaria: matrícula e bolsas, oferta de comedores e residencias, actividades...

Universidade de Vigo (Campus de Pontevedra, Ourense e Vigo): https://www.uvigo.gal/es/perfil-estudiantes

Universidade de Santiago (Campus de Santiago e Lugo): https://www.usc.gal/gl/futuros-estudantes

Universidade da Coruña: https://www.udc.es/gl/futuros_estudantes/graos/

 

A elección de estudos é un proceso no que terás que valorar, entre outros aspectos, o que te gusta e o que se che dá ben. Se tes dúbidas acode ao DO cando se reanuden as clases, ou escribe durante este periodo a: albaorienta@edu.xunta.es 

A/A ALUMNADO DE 2º DE BACHARELATO.

 

ABAU: APRAZADA ATA NOVO AVISO.

Xa todos/as tiñades esta posibilidade na cabeza. Toca adaptarse e propoñerse ter calma. As claves serán as mesmas (constancia, traballo) pero con un pouco máis de paciencia e serenidade para afrontar esta situación de incertidume. Irase publicando toda a información ao respecto nas webs oficiais: https://ciug.gal/ ou https://www.edu.xunta.gal/

Aínda que este será un curso atípico, as esixencias de Bacharelato e a futura ABAU estarán ahí, polo que mantede o voso proceso educativo na medida do posible:

- MANTEDE O RITMO: Poñédevos un horario para repasar, realizar as tarefas... Todo o que vaiades traballando agora vos axudará a afrontar con maior éxito e menos nervios a ABAU.

- CONTINUADE, AGORA CON MÁIS TEMPO, O PROCESO DE ELECCIÓN DE ESTUDOS:

GRAOS: queres estudar na Universidade? Se estás dubidando que grao facer, adica tempo á busca de información. Nas páxinas das Universidades tes moita información ao respecto. Podes empezar por este video da Universidade de Vigo, "Como escoller titulación?".

FP: como sabes, rematado 2º de Bacharaleto, podes acceder a un Ciclo Superior de Formación Profesional. Podes consultar todos os folletos informativos en https://www.edu.xunta.es/fp/folletos-informativos-fp 

PARA TODO O ALUMNADO E FAMILIAS

Dende o Departamento de Orientación queremos enviar moito ánimo a todo o alumnado e as súas familias. Dada a excepcionalidade desta situación, moitos dos prazos deste ano (ciclos, probas de acceso, ABAU...) poderán sufrir cambios, dos que iremos informando se é o caso. 

Por agora, toca quedar na casa e coidar o noso estado de ánimo, para o que vos propoño ter en conta unhas premisas básicas:

- PLANIFÍCATE: A nosa vida está cambiando dun xeito importante estes días. Por un tempo, imos ter que modificar as nosas rutinas e, o que en principio pode parecer ata divertido, pode levarnos ao desánimo. Pensa en actividades que te gustaría facer (aquelas para as que normalmente non temos tanto tempo) pero non pases todo o día facendo a mesma cousa. Non o deixes á improvisación. Escribe e cumple un horario, pois as rútinas son útiles para repartir o tempo nas distintas actividades: traballos escolares, tarefas de orden e limpeza da casa, deporte, ler, ver unha película...

- SÉ CREATIVO/A: aproveita o tempo libre para facer actividades como pintar, crear unha canción, unha historia escrita, o guión dunha obra de teatro...

- MANTÉN OS CONTACTOS: falar coa túa xente pode axudar, pero ollo con agrandar os medos. Evita, na medida do posible, falar sempre do mismo tema. Se queres saber o que está pasando, adica un tempo a informarte (ver as noticias, páxinas oficiais como www.mscbs.gob.es ou www.sergas.es ) pero non estés todo o día falando do mesmo.

- MÓVETE: se pasan os días e non atopas o momento obrígate a reservar un horario para facelo. Ten en conta que o exercicio físico, ademáis de manternos en forma, axuda a reducir síntomas de tristeza ou inquedanza, que poden aparecer nesta situación que estamos a vivir. Podes atopar moitas propostas na páxina principal do IES, no apartado "Educación Física" do teu curso.

- APROVEITA PARA CRECER COMO PERSOA: nos momentos de crise como este, pode saír o mellor das persoas. Por unha banda, aceptando ficar na casa por un ben común, pensamos nos demáis e non só en nós mesmos. Por outra, tes o reto de facilitar a convivencia o máis posible. É tempo de ceder, de ter paciencia, de non querer levar sempre a razón, de tirar polos teus se os ánimos baixan...Coida moito o que pensas e sintes, e como falas cos demáis. Se te pode a tristeza ou o enfado, se estás irritable cos da casa: dalle unha volta, usa o humor, reflexiona, pide desculpas...Nun tempo será bonito lembrar como vos axudáchedes e que esta crise sacou o mellor de ti.

Por último, podes aproveitar para continuar, con máis tempo e calma, o proceso de reflexión sobre as distintas opcións académicas e profesionais, para o que se irán subindo distintas novas a este blog.

Un saúdo a todos/as,

Alba. Orientadora do IES de Soutomaior.

   

 

Probas de acceso a ciclos. Próxima publicación da Orde de convocatoria 2020.

As probas de acceso aos ciclos formativos de Grao Medio ou Superior van dirixidas a alumnado que non cumpra os requisitos académicos de acceso aos ciclos (ter rematado ESO ou Bacharelato, entre outros) e que teñan a idade esixida:
- Ter cumpridos dezasete anos (Ciclos Grao Medio) ou dezanove (Ciclos Grao Superior), ou ben cumprilos no ano natural de celebración da proba.

Tes dúbidas? Estás interado/a en preparar as probas?

- Consulta o calendario adxunto e a páxina http://www.edu.xunta.es/fp/probas
- Acode ao Departamento de Orientación se queres recibir asesoramento sobre os materiais de estudo, exames de anos anteriores, prazos...

Distribuir contido


by Dr. Radut