NOVAS:

A Estratexia Galega de Convivencia Escolar 2025 inclúe o seguimento e avaliación da convivencia escolar en Galicia mediante a realización dunha enquisa bianual nos centros educativos para a elaboración dun posterior dun informe de diagnose.

A recollida de datos en cada centro farase, de xeito automatizado e totalmente anónimo, a través dunha enquisa a realizar antes do vindeiro luns 22 de maio, unha para cada sector da comunidade educativa: alumnado (que a fará na aula co seu profesorado titor), familias, profesorado e persoal non docente.

Para poder facer a enquisa correspondente ás FAMILIAS, seguiremos estes pasos:

• Esta semana cada alumno/a levará para entregar na súa casa un impreso cunha clave ou código.
• A nai/pai/responsable legal debe acceder á seguinte ligazón: https://edu.xunta.gal/convfamil
• Responder ás preguntas e premer "Enviar" ao rematar o cuestionario.

Ante calquera dúbida, podes poñerte en contacto coa dirección do centro.

Grazas pola túa colaboración!

Presentamos o calendario  do curso 2023/24. Podes velo en detalle ou descargalo premendo aquí.

A Consellería de Cultura, Educación, Formación Profesional e Universidades ven de convocar os Premios Extraordinarios de Bacharelato para o alumnado que finalice os estudos de bacharelato no presente curso 2022-2023 nun centro docente da Comunidade Autónoma de Galicia.

Poderá optar aos premios extraordinarios de bacharelato o alumnado que cumpra os seguintes requisitos:

a) Ter rematado os estudos de bacharelato no curso 2022/23 nun centro docente da Comunidade Autónoma de Galicia, seguindo o currículo oficial vixente nela, ben na modalidade presencial ou na modalidade a distancia, e ser proposto para título na convocatoria ordinaria do dito curso.

b) Ter obtido unha nota media do bacharelato igual ou superior a 8,75. A nota media calcularase de acordo co establecido na disposición adicional quinta do Decreto 86/2015, do 25 de xuño, polo que se establece o currículo da educación secundaria obrigatoria e do bacharelato na Comunidade Autónoma de Galicia (DOG núm. 120, do 29 de xuño).

O prazo de solicitudes, que deberán facerse no enderezo https://sede.xunta.gal/detalle-procedemento?codtram=ED311A&ano=2023&numpub=1&lang=gl , remata o 25 de maio de 2023.

Máis información en https://www.xunta.gal/dog/Publicados/2023/20230403/AnuncioG0655-200323-0005_gl.html. 

Un ano máis, o departamento de Matemáticas organiza a saída didáctica a Lisboa para o alumnado de 3ESO. A semana do 27 ao 31 de marzo visitarán os monumentos e zonas máis emblemáticos da capital portuguesa. Pódese consultar a axenda da visita na seguinte ligazón.

Previo á viaxe, o noso alumnado leu detidamente un interesante dossier con toda a información de Lisboa que foi a base para xogar ao Breakout virtual que o profesorado creou para coñecer os lugares e as visitas que farán en Lisboa.