PECHE DAS AULAS DE 2º ESO, CONFINAMENTO E PASE A ENSINANZA NON PRESENCIAL
Seguindo instrucións da Xefatura Territorial de Sanidade, informamos de que a partir deste momento, sumamos ao peche por brote de 2ESO E (levado a cabo onte), o PECHE PREVENTIVO DO RESTO DE GRUPOS DE 2º ESO, con axuste aos seguintes puntos:
-
O alumnado destes grupos queda en situación de confinamento, illado nos domicilios e á espera de ter todos PCR negativa.
-
O confinamento será, para cada grupo, o que se establece a continuación:
-
2ESO A: ata novo aviso (previsiblemente, volverían este venres 30, a falta de confirmación da Central de Seguimento)
-
2ESO B: ata o sábado 1 de maio incluído (cando se cumpren 10 días desde o último contacto con positivo, e sempre previa alta da Central de Seguimento)
-
2ESO C: ata o venres 7 de maio incluído (cando se cumpren 10 días desde o último contacto con positivo, e sempre previa alta da Central de Seguimento)
-
2ESO D: ata novo aviso (previsiblemente, volverían este venres 30, a falta de confirmación da Central de Seguimento)
-
2ESO E: ata o luns 3 de maio incluído (cando se cumpren 10 días desde o último contacto con positivo, e sempre previa alta da Central de Seguimento). Esta data variou debido a un novo positivo no grupo.
-
-
Estes grupos pasan a ensinanza non presencial, con clases por videoconferencia (Webex) e no mesmo horario lectivo que o habitual, en aplicación do Plan de Continxencia do IES ante o peche dunha aula. Lembramos que cada profesor/a dispón dunha aula virtual e de que nela figura a ligazón á súa sala persoal Webex. O profesorado controlará a asistencia e notificará as ausencias ao titor/a e ás familias como vén sendo habitual.
Para calquera pregunta, non dubiden en contactar a través do teléfono ou escribindo ao enderezo do centro ies.sanpaio@edu.xunta.gal, poñendo no asunto Equipo Covid.
Grazas pola colaboración.