Fichas especiais para traballar coa lectura, guías para detectar un trastorno de aprendizaxe, protocolos de actuación ou software gratuíto para tratar a dislexia son algúns dos recursos que os afectados e interesados por este problema poden atopar hoxe en día na Rede. Estes son algúns dos máis destacados:

• Matrices de letras:http://orientacionandujar.wordpress.com/2011/04/09/materiales-especialmente-indicados-para-alumnos-con-dislexia-y-deficit-de-atencion-100-actividades/  Orientación Andújar, o espazo creado polos profesores Ginés Ciudad-Real, Maribel Martínez e Antonio Ciudad-Real, recompila unha excelente colección de recursos educativos, entre eles, 100 matrices de letras para traballar a lectura. Este material é de utilidade para todos os alumnos, pero especialmente para nenos con dislexia e para quen ten déficit de atención.

• Dislexia Breal: http://dislexia-breal.blogspot.com/  un blog de recursos educativos de utilidade para escolares con trastornos de aprendizaxe, en especial de dislexia. Ademais de artigos de interese sobre esta alteración da linguaxe, o blogue recolle materiais e recursos útiles para a reeducación do alumno, como fichas para traballar co método fotosilábico ou aplicacións para facer exercicios de axilidade visual en liña.

• Katamotz: http://katamotzlectura.blogspot.com/ nesta web os usuarios poden descargar Katamotz lectura, un software libre para Windows, e Ubuntu, para tratar a dislexia e outros problemas de lectura, deseñado para traballar a fluidez e velocidade lectora. Inclúe un programa de exercicios con máis de 16.000 tarefas para amenizar a aprendizaxe.