Estimados membros da comunidade educativa do IES Rego de Trabe:
Diríxome a vostedes como persoa responsable do club de lectura de persoas adultas para informarlles de que este curso 2023-2024 daremos continuidade ao Club de lectura para as persoas adultas da comunidade educativa do noso IES: alumnado adulto, pais, nais, titores e titoras legais, irmáns e irmás maiores, persoal docente e persoal non docente están convidados a unirse a esta iniciativa. No noso percorrido faremos unha escala cada mes onde nos achegaremos a diferentes xéneros literarios. Esta xuntanza levarase a cabo, como de costume, os luns ás 18,15 horas na biblioteca do edificio principal do centro, aínda que se poderán realizar cambios se os membros así o acordasen. Quen teñades ganas de participar neste proxecto, organizado pola profesora Elena Haz, dentro das actividades do equipo de biblioteca, por favor escribide un correo electrónico á dirección cubdelectura@iesrdt.com ou ben inscribídevos na conserxería do centro.
Atte, Elena Haz
