Artigos

O 17 de novembro, o alumnado de 1º de Bacharelato de Bioloxía e Xeoloxía, Anatomía e Cultura Científica, participaron nunha actividade para estudar a biodiversidade.

Un bioblitz é unha actividade para estudar a biodiversidade dunha zona concreta, neste caso da parroquia de Baroña, grazas á invitación da súa Comunidade de Montes. 

Para esta actividade usamos a aplicación i.Naturalist que axuda na identificación das especies e permite crear proxectos de ciencia cidadá, para que entre todos coidemos do noso planeta.

O outono é época de setas, e o alumnado de 1º da ESO preparou unha exposición con exemplares dos nosos montes.  Non sabemos o motivo mais este ano houbo pouca variedade, cantidade e calidade, esperemos que o para o ano mellore a colleita!

A exposición atópase no corredor do primeiro andar ao lado da biblioteca.

Animádevos a botar unha ollada!

Dende os departamentos de Xeografía e Historia, Lingua Galega e Literatura e Bioloxía organizamos unha saída para o xoves 19 de outubro á Cidade da Cultura. Asistimos á visita guiada da exposición Luz na Terra, que se ofrece dentro dos actos de conmemoración do centenario da creación do Seminario de Estudos Galegos.

Con esta actividade pretendemos achegar ao alumando de 2º de bacharelato o seu labor determinante na construción da identidade galega e na modernización cultural e científica de Galicia.  

 Ao tempo, aproveitaremos para ver a exposición de fotografía Nicolás Muller: Vento do Norte, un dos grandes fotógrafos documentais do século XX. 

O día 6 de outubro o alumnado de 3º da ESO participou na “Limpeza simultánea de praias” organizada pola asociación ecoloxista ADEGA.

Trátase dunha actividade de concienciación ambiental e reivindicativa, onde se pon o foco no modelo de consumo, xa que non só é importante o tratamento axeitado do lixo para que non acabe nos océanos, se non, un cambio de modelo onde se produzca menos para vivir mellor.