IES Pedro Floriani

A xuntanza de inicio de curso coas familias terá lugar o vindeiro luns día 2 de outubro de 2023, de acordo ao seguinte horario:

• 18:30 h. 1º de ESO
• 19:00 h. 2º, 3º e 4º de ESO.
• 19:30 h. 1º e 2º de CB de Electricidade e Electrónica.

O acto de presentación terá lugar no salón de actos, onde as familias serán acollidas polo equipo directivo, o profesorado titor e un membro da ANPA. Tras unha breve presentación, realizarán un percorrido polo centro guiados/as polo titor/a e logo continuarán na aula de referencia.

CURSO CAPACITACIÓN DIXITAL

A Xunta de Galicia vén de habilitar aulas nos centros de educación para persoas adultas co obxectivo de facilitar a capacitación dixital. O IES Pedro Floriani impartirá o dito curso, co obxectivo de formar en competencias dixitais básicas á poboación adulta do concello de Redondela.

Esta actuación permitirá á cidadanía formarse en competencias dixitais transversais necesarias para desenvolverse de forma cotiá nunha sociedade cada vez máis dixitalizada, na que servizos esenciais, tales como a banca, o acceso ás administracións públicas ou o consumo se realizan de forma telemática.

As actividades irán dirixidas, preferentemente, ás persoas maiores de 55 anos cun nivel baixo de cualificación neste eido, atendendo especialmente a fenda de xénero á poboación vulnerable e ás zonas rurais.

O comezo será o 9 de outubro de 2023 e o horario o luns de 18:30 - 21:00 horas e os xoves de 17:00 - 19:30 horas.

A inscrición pode realizarse na secretaría do instituto presentando o formulario que se xunta.

O tempo estimado de duración para as presentacións será de: 45 minutos.

O alumnado dirixirase ao salón de actos na hora indicada para o seu curso, e despois dunha breve presentación, serán acompañados polo profesorado titor de cada grupo ás súas aulas correspondentes.

Dado que o salón de actos está sito nun lateral do patio central, prégase non atravesar o edificio principal para o acceso a dito recinto.

As clases empezarán o martes 12, en horario habitual para todos os niveis.

AVISO: Non se disporá de transporte escolar o luns. As rutas de transporte comezarán o martes. O alumnado pode solicitar información na presentación se o precisa

“ExpoFloriani”, mudando o mundo


O pasado martes 20 de xuño abrimos as nosas portas a toda a comunidade educativa para dar a coñecer os proxectos educativos que o alumnado de ESO, FPB e Bacharelato realizou durante o presente curso.

Antes de nada gustaríanos agradecervos a todas as persoas que vos achegastes este ano ata esta segunda edición da “ExpoFloriani” a vosa participación e interese. Todas esas familias, alumnado e profesorado de centros da contorna e profesionais do mundo do ensino que viñestes compartir connosco este evento educativo que este ano contou con 42 proxectos e 8 espazos pedagóxicos.

Como xa ides coñecendo a “ExpoFloriani” é unha feira de coñecemento que o alumnado constrúe na súa totalidade, dende o deseño e organización dos stands, ata a explicación e atención ás persoas asistentes. Os proxectos presentaron formatos diferentes (representacións, curtas, documentais, stands…), e abordaron distintas temáticas que partiron dunha fonda análise da contorna realizada polo alumnado (saúde mental, recuperación de espazos degradados, limpeza de ríos e praias, atención de persoas en situación de risco…).

A exposición é o resultado da clara aposta do instituto pola renovación pedagóxica e as novas liñas educativas. No instituto entendemos o centro de ensino como un espazo aberto á comunidade redondelá a través dunha concepción democrática e de calidade do ensino, na que o alumnado é o auténtico protagonista e o profesorado traballa de xeito coordinado e interdisciplinar. O centro basea a súa actuación educativa no desenvolvemento integral do alumnado a través da renovación e a innovación pedagóxica.

Se queres ter unha idea xeral de como foi “ExpoFloriani” podes premer aquí e visualizar o vídeo, e se che apetece coñecer algo máis sobre os proxectos poder visitar a web de “ExpoFloriani”.

Feliz verán a tod@s!!

Normativa Admisión:

Acceso a FPB

Acceso a CICLO MEDIO

Acceso a CICLO SUPERIOR