Skip to Content

Actividades

ACTIVIDADES DE FORMACIÓN EN LINGUAS ESTRANXEIRAS 2024

Publicada a Orde do 29 de xaneiro de 2024 pola que se convocan axudas para a realización de actividades de formación en linguas estranxeiras no ano 2024, destinadas ao alumnado dos centros docentes sostidos con fondos públicos, en rexime de concorrencia competitiva.

1ª PROMOCIÓN DO CURSO BÁSICO EN MEDIOS DIXITAIS

NORABOA á primeira promoción de alumnas e alumnos do Curso Básico en Medios Dixitais que se impartiu no IES Pedro Floriani!!!


Foi un gusto contar convosco e esperamos que todo o aprendido co móbil (transferencia de fotos e arquivos, consulta vida laboral, Google Maps, contactos, pen drive,…) e ordenador (crear unha conta, facer cuestionarios online, subir tarefas, citas dni, permisos queima,…) vos sirva de axuda no futuro.


Para todos aquelas persoas que queiran formar parte desta familia haberá mais cursos en xaneiro/febreiro. Máis información achegándose ao centro ou chamando por teléfono.

"EXPOFLORIANI", MUDANDO O MUNDO

Expoflo2023

“ExpoFloriani”, mudando o mundo


O pasado martes 20 de xuño abrimos as nosas portas a toda a comunidade educativa para dar a coñecer os proxectos educativos que o alumnado de ESO, FPB e Bacharelato realizou durante o presente curso.

Antes de nada gustaríanos agradecervos a todas as persoas que vos achegastes este ano ata esta segunda edición da “ExpoFloriani” a vosa participación e interese. Todas esas familias, alumnado e profesorado de centros da contorna e profesionais do mundo do ensino que viñestes compartir connosco este evento educativo que este ano contou con 42 proxectos e 8 espazos pedagóxicos.

Como xa ides coñecendo a “ExpoFloriani” é unha feira de coñecemento que o alumnado constrúe na súa totalidade, dende o deseño e organización dos stands, ata a explicación e atención ás persoas asistentes. Os proxectos presentaron formatos diferentes (representacións, curtas, documentais, stands…), e abordaron distintas temáticas que partiron dunha fonda análise da contorna realizada polo alumnado (saúde mental, recuperación de espazos degradados, limpeza de ríos e praias, atención de persoas en situación de risco…).

A exposición é o resultado da clara aposta do instituto pola renovación pedagóxica e as novas liñas educativas. No instituto entendemos o centro de ensino como un espazo aberto á comunidade redondelá a través dunha concepción democrática e de calidade do ensino, na que o alumnado é o auténtico protagonista e o profesorado traballa de xeito coordinado e interdisciplinar. O centro basea a súa actuación educativa no desenvolvemento integral do alumnado a través da renovación e a innovación pedagóxica.

Se queres ter unha idea xeral de como foi “ExpoFloriani” podes premer aquí e visualizar o vídeo, e se che apetece coñecer algo máis sobre os proxectos poder visitar a web de “ExpoFloriani”.

Feliz verán a tod@s!!

SEGUNDA EDICIÓN: “EXPOFLORIANI”. MUDANDO O MUNDO

O mundo actual é unha realidade complexa en constante cambio que require de persoas que asuman un rol activo e responsable na construción do mesmo. Coñecer o funcionamento e os procesos da realidade que nos rodea, así como do plano persoal, é fundamental para poder desenvolver as competencias e ferramentas que nos permitan conformar unha vida plena.

No IES Pedro Floriani entendemos que a nosa actuación educativa debe basearse no desenvolvemento integral do alumnado que lle permita desenvolverse emocional e competencialmente ao tempo que coñece o mundo que o rodea.

Por esta cuestión o centro busca de xeito constante procesos de formación continua que, a través da renovación e innovación pedagóxicas así como das novas liñas educativas, sitúan ao alumnado no centro do proceso formativo.

Partindo desta idea e dunha concepción do instituto como un espazo democrático e de calidade aberto á comunidade redondelá nace “ExpoFloriani”. “ExpoFloriani” é un evento onde o alumnado do IES Pedro Floriani comparte coa sociedade da súa contorna os proxectos educativos de carácter grupal que realiza a través da ABP e da ApS ao longo do ano, e que este ano desenvolverá a súa segunda edición o vindeiro 20 de xuño (apertura de portas ás 10:30) e á que convida a todas as persoas que así o desexen.

"EXPOFLORIANI", MUDANDO O MUNDO

O pasado mércores 15 de xuño abrimos as nosas portas a toda a comunidade educativa para dar a coñecer os proxectos educativos que o alumnado de 3º da ESO, 4º da ESO e 1º de Bacharelato realizou no presente curso.

“ExpoFloriani” é unha feira de coñecemento que o alumnado constrúe na súa totalidade, dende o deseño e organización dos stands, ata a explicación e atención ás persoas asistentes. Cada un dos proxectos que puido verse no evento abordou unha temática concreta que partiu dunha fonda análise da contorna realizada polo alumnado: a recuperación do monte, a limpeza de ríos e praias, a contribución na mellora de vida das persoas en risco de exclusión social ou das persoas cegas…

A exposición é o resultado da clara aposta do instituto pola renovación pedagóxica e as novas liñas educativas. No IES contamos cun equipo de novas pedagoxías dende hai 5 anos que nos permite que unha parte importante do profesorado estea formado en liñas pedagóxicas e didácticas innovadoras. Así pois situamos ao alumnado no centro do proceso formativo a través dun rol activo que busca desenvolver ao máximo as súas competencias básicas.

No instituto entendemos o centro de ensino como un espazo aberto á comunidade redondelá a través dunha concepción democrática e de calidade do ensino, na que o alumnado é o auténtico protagonista e o profesorado traballa de xeito coordinado e interdisciplinar. O centro basea a súa actuación educativa no desenvolvemento integral do alumnado a través da renovación e a innovación pedagóxica.

Se queres ver como foi “ExpoFloriani” podes premer aquí e visualizar o vídeo, e se che apetece coñecer algo máis sobre os proxectos poder visitar a web de “ExpoFloriani”. Feliz verán a tod@s!!

ACTIVIDADES FLORIANI

 

8-M: SUBE AO STEP DA IGUALDADE!


Vídeo da actividade coreográfica realizada para celebrar o Día Internacional da Muller na materia de Educación Física co alumnado desde 2º de ESO ata 1º de Bacharelato.

Salvamos os chanzos do STEP con mensaxes en clave feminista que aínda quedan por subir para acadar a igualdade entre homes e mulleres.

EXPOSICIÓN INSTRUMENTOS MUSICAIS

Instrumentos feito con obxectos reciclados por alumnado de 2° ESO.
Como non foi posible facer unha exposición presencial, aí vai unha mostra do traballo dos noso alumnado.

ACOMPÁÑOTE NO CAMIÑO

Durante o curso 2019-20 o IES Pedro Floriani participou, xunto ao IES Illa de San Simón, IES Mendiño e IES de Chapela, no proxecto "Acompáñote no Camiño" dentro do plan PROXECTA e en colaboración con SOAR (Sociedade de Amigos de Redondela).

Concretamente o proxecto Acompáñote no Camiño enmárcase dentro da Consellería de Política Social e na Rede de Centros Escolares Solidarios e consiste en favorecer a comunicación do alumnado cos peregrinos/as en distintos idiomas e dar a coñecer a nosa cultura e patrimonio.

Ademais de acoller no instituto as xuntanzas do alumnado voluntario de todos os centros de secundaria de Redondela, leváronse a cabo outras actividades que tamén forman parte do proxecto. Presentamos algunhas delas de seguido:

  • Encerado dixital colaborativo de debuxos do porto de Cesantes realizados polo alumnado de 1º de ESO.
  • Metrominutos para coñecer os principais puntos de interese de Redondela a pé e as distancias existentes entre eles. Traballo elaborado por alumnado de 2º de ESO e incluídos nos roteiros.
  • Ruta por Cesantes, publicada na web de SOAR.
  • O barrio da Portela.
  • Roteiro por Reboreda.
  • O vínculo co máis alá: Roteiro polo cemiterio dos Eidos e a capela de Santa Mariña.
  • Encerado dixital colaborativo do Camiño desde Redondela con fotografías de portas e portais de Redondela engadindo frases e versos que fan referencia ao Camiño, elaborado polo alumnado de 2º de ESO.

DÍA DA BIBLIOTECA ESCOLAR

Dende 1997 celébrase o Día da Biblioteca o 24 de outubro, una conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.
 
As bibliotecas escolares galegas teñen como lema para este curso 2019/2020, BIBLIOTECA ESCOLAR, VIVEIRO DE CIDADANÍA, que conta cunha imaxe propia creada por Óscar Villán, quen interpreta o lema e nos ofrece unha imaxe múltiple e evocadora de diversas situacións que unha biblioteca escolar pode facilitar.
 
A biblioteca do Ies Pedro Floriani celebrou o seu día ofrecéndolle ao alumnado de 1º e 2º de ESO unha serie de actividades lúdicas.
Distribuir contido


by Dr. Radut