Skip to Content

EDLG

AS FOLIADAS DO INSTITUTO COMEZAN XA! (2013-14)

Lun, 30/09/2013 - 18:51

Quedades convidados a esta nova edición das foliadas no instituto todos os primeiros martes de cada mes a partires do martes 1 de outubro . Animádevos a participar!

AS FOLIADAS DO INSTITUTO COMEZAN XA! (2013-14)

LETRAS GALEGAS 2013

Dom, 19/05/2013 - 22:12

Como xa saberedes, este ano o persoeiro destacado do Día das Letras Galegas é Roberto Vidal Bolaño. Pois ben, en Carril ten moitísimos clons! Podedes velo nesta galería de fotos.

Eu tamén son Vidal Bolaño

 

Bromas aparte, se vos fixades no cartaz deste ano veredes que a semana das Letras Galegas estivo chea de actividades moi interesantes que van dende a colocación de carteis sobre Roberto Vidal Bolaño ata a celebración de encontros literarios, sesións formativas e ata tivemos unha foliada das letras! (Clic aquí para aumentar a imaxe)

Ramón Brea, coordinador do Equipo de Dinamización Lingüística, preparou estas presentacións sobre a vida e a obra do autor homenaxeado este ano:

 

 

Ademais, para conmemorar a festa das Letras Galegas deste ano estivo convidada Natalia Carou, autora de "O alento nas costas". O alumnado de 4ºESO tivo un encontro con ela na nosa Biblioteca.

(Clic aquí para aumentar a imaxe)



OS MAIOS 2013

Xov, 16/05/2013 - 13:37

Coincidindo cas actividades da semana das Letras Galegas celebramos a festa dos Maios deste ano. No seguinte vídeo podedes ver unha presentación de fotos que preparou Xosé Ramón, o coordinador de Dinamización Lingüística:

Neste outro vídeo vemos unhas fotos da festa:

Finalmente neste vídeo podemos ver a foliada dos maios:

(proximamente)

EXPOSICIÓN: "100 ANOS DE ENTROIDO"

Lun, 29/04/2013 - 19:06

O venres día 26 de abril quedou inaugurada a exposición "100 anos de Entroido. Vilagarcía, Carril, Vilaxoán". As persoas que forman parte do obradoiro de emprego "Vista Alegre" crearon esta exposición para conmemorar o centenario da unión dos concellos de Vilagarcía, Carril e Vilaxoán. Elas foron as encargadas de presentar a exposición ao alumnado de 1ºESO-A e de 4ºESO-PDC.As interesantes e amenas explicacións abriron aos ollos do alumnado as vivencias dunha época xa pasada da que herdamos o noso xeito de celebrar o entroido.

   

VER GALERÍA DE FOTOS DA EXPOSICIÓN

GAÑADORES DE "CARTAS DE AMOR EN 4 LINGUAS"

Ven, 08/03/2013 - 22:55

Este ano celebramos unha nova edición do concurso de "Cartas de amor e amizade en 4 linguas". O xurado, formado por integrantes do Equipo de Dinamización Lingüística do noso centro, destacou a calidade dos traballos presentados e seleccionou a mellor carta escrita en cada unha das catro linguas.

Os gañadores do consurso foron os seguintes:

 
     Autor Curso        Título        Lingua
             

 

 Brais Agrasar (1ºESO-B)   Meu querido Raio   galego
Antía Campos (1ºESO-A)   Mon petit prince   francés
  Carolina Silva (4ºESO-B)   Somos como almas libres   castelán
  Antón Blanco (1ºBach-B)   I saw that   inglés
             
  Podedes ler a carta premendo no título. Parabéns aos gañadores!
 

POLOS 150 ANOS DE CANTARES GALLEGOS

Ven, 22/02/2013 - 19:38

     Un 17 de maio de hai 150 anos, viu a luz o poemario "Cantares Gallegos" de Rosalía de Castro. Con esta obra, a nosa xenial poetisa marca o inicio do rexurdimento da literatura galega. Como mostra de admiración por esta peza fundamental das nosas letras, os departamentos de Galego e de Música decidiron pedirlle a uns rapaces e rapazas que chegaron de lonxe, uns estranxeiros de noso, que puxeran voz a estes fermosos textos de Rosalía. Podedes ver aquí o resultado. Xulgade vós mesmos!

FESTA DE ENTROIDO 2013!

Xov, 31/01/2013 - 23:31

Tivemos música, baile, risas, disfraces....e moitos agasallos para os participantes na festa. Parabéns a todos os gañadores dos concursos! Para ver polo miúdo estas marabillas e os disfraces máis chulos da festa visita o album de fotos deste Entroido facendo clic aquí  ou na "galería fotográfica" na barra superior.

(clic para agrandar)

CONCURSO DE CARETAS   

1º premio

Rubén Diz

2ºESO-B

2º premio

Brais Agrasar

1ºESO-B

Cartaz 

Entroido

2013

 
Cartaz entroido 2013  

Accesit

Beatriz Fernández

3ºESO-A

Accesit

María Pérez

3ºESO-A

Accesit

Irene García

2ºBACH-C

                               


CONCURSO DE SOBREMESAS

1º premio

Antía Maneiro

3ºPDC

2º premio

Jessica Barreiro

4ºESO-B 

Trata de chocolate

3º premio

Raquel Maneiro

1ºESO-C

Filloas

  CONCURSO DE DISFRACES  
Categoría: Individual Categoría:  Festival de grupos

1º premio

Juan M. Catarino

O Mestre (bis)

1º premio

3ºESO-B 

1º BACH (Artes)

 3ºB

2º premio

Coro Gospel

 

Gospel

3º premio

  2º BACH-A/B/C  

 

(sen foto)

#recitandocelsoemilio

Mér, 12/12/2012 - 22:57

 

Hoxe mércores 12 do 12 do 2012 ás 12h35 o instituto de Carril sumouse aos actos de homenaxe ao poeta Celso Emilio Ferreiro polo centenario do seu nacemento.

Fixemos un traballiño audivisual a correr mais con moito sentimento, e é que toda a comunidade deste instituto deitado frente ao mar de Arousa ten unha sensibilidade especial cara a arte e o mundo das letras. Así foi que, aínda non ben lanzada a proposta, choveron tantos voluntarios para recitar que até tivemos que realizar un sorteo porque non tiñamos versos para todos. 

Aquí vos deixamos o resultado, esperamos que disfrutedes como disfrutamos nós facendoo e véndoo en pantalla grande no hall do insituto.

 

 

Trailer promocional coa música do grupo arousán   Borderline 79
Deitado fronte ao mar

Deitado frente ao mar, de Celso Emilio Ferreiro.

Recitado colectivo

sentímolo, flash non está dispoñible.

O MAGOSTO 2012

Dom, 02/12/2012 - 22:12

 

     A semana do 12 ao 16 de novembro estivo toda chea de actividades dirixidas a completar e celebrar unha das nosas festas máis tradicionais: o Magosto.

O profesor Ramón Brea explicoulle ao alumnado de 3ºESO esta tradición tan de noso. En 4º ESO Carlos Puga foi o encargado de falar dos cogumelos, especie característica desta época do ano. Ademais houbo unha exposición de cogumelos na aula de Ciencias e proxección de diapositivas sobre este mesmo tema seguida doutras imaxes da festa do Magosto no noso instituto. Ademáis convocáronse dous concursos: un de receitas de cociña do Magosto e outro de fotografía do outono.

 

    O día grande foi o 16 de novembro: o alumnado de 1º e 2º ESO participou en xogos populares, profesorado e persoal non docente formou equipo de baloncesto contra un equipo formado por alumnado do centro. Aínda que o resultado non acompañou ao equipo do alumnado todo o mundo sabía que eran os mellores... Despois do partido fíxose a entrega de premios dos diferentes concursos convocados:

 

  • Concurso de cabazas do Samaín: Juan Manuel Tomé, Lola Belén Orrego e Inés Lorenzo.
  • Concurso de fotografía do outono: Antía Maneiro (3ºESO)
  • Concurso de receitas: Sara González (2ºESO)

Despois comezou o xantar popular con bolos preñados e castañas amenizado pola música tradicional e os bailes dos nosos alumnos e alumnas.  Se queres ver as fotos do evento preme nas imaxes.

UN SAMAÍN DE MEDO

Ven, 02/11/2012 - 22:05

 Este Samaín tivo en Carril unha celebración moi especial. O Departamento de Dinamización Lingüística realizou varias actividades arredor desta festa de fonda raigame tanto en Galicia como nas demais comunidades de orixe celta. Non só houbo o tradicional concurso de cabazas decoradas senón tamén unha breve exposición de Ramón, o profesor de Galego, a varios grupos da ESO sobre as orixes e a evolución do Samaín. E como colofón, a profesora de galego Pilar Conde escenificou historias terroríficas que en tempos contaba a xente arredor do lume e nos velorios. Todo un espectáculo do que todos os asistentes disfrutaron vestidos de rigoroso loito á luz das velas na nosa biblioteca.

Así pois, desde esta web, desexámoslle a todo o mundo un FELIZ ANO NOVO...CELTA!

Ver GALERÍA DE FOTOS

 

Distribuir contido


by Dr. Radut