Skip to Content

2009-10

Material para métodos

Ven, 26/02/2010 - 10:49

No arquivo adxunto podes atopar datos da temperatura mundial do IPCC e da concentración de CO2.

No traballo debes contestar as seguintes preguntas:

1.- ¿Está aumentando a temperatura mundial? ¿Faino lineal ou exponencialmente?

2.- No caso de estar efectivamente aumentando a temperatura, ¿cando foi maior o aumento? ¿nas primeiras décadas do século pasado ou nas últimas?

4.- ¿Está aumentandoa concentración de CO2 na atrmósfera?¿Faino lineal ou exponencialmente?

5.- No caso de estar efectivamente aumentando a concentración de CO2, ¿cando foi maior o aumento? ¿nas primeiras décadas do século pasado ou nas últimas?

6.- ¿É lóxico afirmar, con eses datos, que o aumento da temperatura ten relación coa concentración de CO2?

Entroido 2010

Mar, 23/02/2010 - 15:42

 

 

Xa está lista a páxina do entroido. Fotos, vídeos e cousas diversas e divertidas.
Este ano foi ainda mellor cos anos anteriores: máis participación, máis disfraces, máis espectadores, máis actuacións, máis de todo.

Como sempre, se queres retirar algunha das imaxes ou dos vídeso nos que aparezas, só tes que comunicarllo a Manuel Rodríguez, profe de Mates.

Pulsa aquí para acceder á páxina.

Conferencias sobre o entroido

Mar, 23/02/2010 - 11:56

O noso compañeiro Ramón Brea, destemido conferenciante, fíxolle fronte a unha numerosa audiencia de alumnos dispostos a todo.
Non fixo falla recurrir á tralla, os alumnos protáronse estupendamente.  A calidade da exposición axudou e todos aprendemos moito sobre a orixe do entroido e as súas vicisitudes ao longo do tempo.
Tamén percorremos Venecia e Brasil para botar unha ollada aos entroidos daqueles lugares.

Benvida

Lun, 25/01/2010 - 13:39

Neste curso queremos dar un novo pulo a todas as actividades de normalización lingüística que estamos a desenvolver no noso centro e, o primeiro paso, foi crear un acceso directo na nosa páxina web.

Benvidos pois á páxina web do Equipo de Normalización Lingüística.

¿Quen somos?

Mar, 12/01/2010 - 14:20

 

 

 

 

 

 

 

 

 

Nestes tempos que vivimos, nos que a xente de todo o mundo viste igual, come a mesma comida rápida, ve os mesmos programas na televisión e escoita as mesmas noticias pode ser interesante pararnos uns instantes a reflexionar no que nos fai ser como somos.

Ese é o obxectivo que persegue o ENDL do centro coa axuda da Concellería de Cultura do Concello de Vilagarcía.

Magosto 2009

Lun, 30/11/2009 - 19:45

Grupo de baile

Entraba hoxe ao instituto cando, ao pasar cerca do despacho do dire, un arrecendo a chourizos fixo que a miña pituitaria fixese soar a alarma: é o magosto.

Xogos populares organizados polos rapaces do TSAAFAD, bailes e música, exposicións e conferencias e, para rematar, unha degustación de chourizos e castañas.

Neste ano non estivemos sós, os rapaces franceses do intercambio participaron nos xogos populares e poideron descubrir que esto da cultura celta é case universal (máis información en www.letourdecarril.wordpress.com).

Pulsa aquí para ver as imaxes do magosto.

Exposición de cogumelos

Lun, 30/11/2009 - 19:22

Este ano, a profesora de Bioloxía Charo Gómez organizou unha magnífica e ben ordenada exposición de cogumelos.


Imaxe da exposiciónPoidemos ver como medran, como se reproducen e espallan as súas esporas ou como se alimentan.
Incluso poidemos percibir o arrecendo a anís dalgúns deles ou o cheiro a descomposición que desprenden outros e que lles sirve para atraer as moscas que espallarán as súas esporas.

Pulsa aquí para ver imaxes da exposición.

Charla sobre os cogumelos

Xov, 05/11/2009 - 14:42

Xa é unha tradición: outono-magosto-cogumelos-Carlos Puga.

O profesor Carlos Puga volveu visitarnos para falar do asombroso mundo dos cogumelos, eses seres entre animais e plantas que nos rodean e que tan pouco coñecemos.

Os alumnos de bacharelato poderon disfrutar dos coñecementos e a paixón que Carlos lle pon a todo o que fai e, durante unha hora. escoitaron e viron as magnificas imaxes coas que ilustrou a súa conferencia.

Animarvos a todos a que poñades atención no que vos rodea e non deixedes de facervos preguntas: detrás de cada cousa, por insignificante que pareza, hai un fascinante misterio.Carlos Puga

Un público apaixonado
 
 

Presentación

Xov, 05/11/2009 - 14:22

Nesta páxina atoparás materiais e todo tipo de axudas para facilitar o teu traballo

Samaín 2009-2010

Ven, 30/10/2009 - 14:48

Os que vivimos de nenos nunha aldea, chegadas estas datas, baleirabamos cabazos, faciamoslles uns ollos e unha boca o máis horripilante posible e, cunha vela dentro, metiamoslle medo a todo o que se aventuraba pola noite polas corredoiras.  Pero eso foi cando a televisión non ocupaba a maior parte do noso tempo.

Era unha tradición ancestral, entre festa dos mortos e festa da colleita, que xa os celtas celebraban e que agora está empezando a recuperarse.

No centro fixemos un concurso de cabazos para meter medo. Os premios entregaranse na festa do magosto que tamén está a caer.

Pulsa aqui para ver as imaxes.

Distribuir contido


by Dr. Radut