CELEBRAMOS A "CHANDELEUR"
Versión para impresoraO departamento de francés organizou o 6 de febreiro unha actividade complementaria pola festa da "Chandeleur" (a Candelaria en España). En todos os fogares franceses as familias xúntanse o 2 de febreiro para facer as crêpes igual que nós nos xuntamos en Galicia no Entroido para facer as filloas.
No noso instituto quixemos recrear esa tradición grazas á colaboración dun formidable crêpeiro bretón que pasou toda unha mañá a preparar este rico postre para o noso alumnado. Vaia para el o noso agradecemento. A rapazada tivo que preparar a súa propia crêpe e falar en francés. Pasárono xenial. E para mostra aquí quedan estas imaxes.
