Un ano máis, no mes de maio, o día anterior ás Letras Galegas, acudimos á cita do CORRELINGUA na Estrada.
Enchéronse as rúas e as prazas de centos de nenas e nenos, mozas e mozos que tinxiron de color e contaxiaron de entusiasmo a xente da vila que acabou participando dende a xanela ou a porta da casa, dende o comercio ou o banco da praza ou da beirarrúa, deste acto festivo de afirmación da identidade e amor ao idioma.
Día de palabras, de pancartas, de poesía, de bandeiras, de músicas e gaitas, día de sorrisos, de globos xigantes de colores, de manifestos e desexos; día soleado e cómplice para acompañar este acto simbólico de compromiso co país e coa lingua nun ambiente festivo e comunitario.
EN GALEGO SEN CANCELAS
EN GALEGO SEN LÍMITES
Eran os lemas dos actos deste ano, aos que se uniu o alumnado e o profesorado do IES Nº1, o noso IES:
Dentro do programa de colaboración co PROXECTOTERRA este ano o alumnado de 1º ESO participou do intercambio nas comarcas de Ferrol e as Fragas do Eume. Disfrutamos dun paseo pola ría, a guía tamén levounos polos lugares máis sinalados de Ferrol, visitamos o Museo Naval, o castelo de San Felipe, unha Aula de Medio Ambente, visitamos o Castelo dos Condes de Andrade, no Albergue de Albarella tratáronnos de marabilla e aprendimos moitas cousas sobre as vivendas sostibles, ademáis foron unhas estupendas guías polas Fragas do Eume e o Mosteiro de Caaveiro
Para mañá e pasado está prevista unha alerta meteorolóxica, polo que a Xefatura Territorial de Educación, remite un aviso no que se nos comunica que queda suspendido o transporte escolar entre as 12:00 h do día 22 e as 12:00 h do día 23.
Mañá mércores 22 funcionaría o transporte para traer os alumnos, pero non a viaxe de volta. No caso de vir, as familias terían que vir a recoller ao alumnado ás 14:25 h.
Coqueteando coa xeometría, os móbiles, os calidociclos de Escher e as redes modulares,no IES Nº 1 da Estrada, estamos armando este estupenda árbore de Nadal nas clases de plástica !!
A Xefatura Territorial declarou NON LECTIVOS para este centro os días 5 de decembro de 2016 e 2 de maio de 2017, de acordo coa Orde do 7 de xuño de 2016 pola que se aproba o calendario escolar para o curso 2016/2017.
O prazo para presentar as candidaturas para representar aos diferentes sectores da comunidade educativa no Consello Escolar remata o próximo venres 18 de novembro. Animádevos a presentar a vosa candidatura. Os colectivos de alumnos e alumnas e o de pais e nais precisan da vosa participación.
Un ano máis, queremos recibir ao novo alumnado na nosa Biblioteca e por iso convidámosvos a vir o luns, 24 de outubro, a un acto que celebraremos alí para todos vós.
O martes 24 de outubro o alumnado de 1º ESO participou nunha excursión interdisciplinar organizada polos departamentos de Ciencias Naturais, Educación Física e Educación Plástica no área recreativa de Rebordelo nas inmediacións do coto salmoneiro de Ximonde
Pola tarde achegámnos ao Pazo de Santa Cruz de Rivadulla
Dacordo coa Resolución de 27 de julio de 2016 de la Secretaría de Estado de Educación, Formación Profesional y Universidades, por la que se convocan ayudas para alumnado con necesidad específica de apoyo educativo para el curso académico 2016-2017, o prazo de presentación de solicitudes para estas axudas remata o 29 de setembro.
Podedes consultar calquera dúbida no Departamento de Orientación.
Os alumnos de terceiro que tiveron clases de francés coa lectora Césaire Clarence elaboraron o seguinte dicionario mulitilingüe. Esta é unha das actividades que fixemos dentro do proxecto de dinamización linguística Lingua-Linguae.