Por fin o Correlingua recuperou o formato presencial, e os nosos alumnos e alumnas puideron corricar pola Estrada enarborando a bandeira do orgullo pola lingua. Foron 9 os centros participantes, entre primaria e secundaria, e xuntáronse máis de 1300 estudantes, fachendosos do galego, o idioma dos nosos devanceiros que cómpre, máis que nunca, reivindicar. Sigamos a estela de Florencio Delgado Gurriarán, o poeta das Letras deste ano, respectuoso co patrimonio cultural que os seus pais lle inculcaran. Porque el, que se criou na súa aldea natal, Córgomo, pero tamén fóra, e que logo se viu obrigado a exiliarse en México, sempre mantivo o amor pola terra e polo idioma. E aquí podedes observar as imaxes da festa, da festa pola lingua!
|
|||
