ESTRADENSES NAS ONDAS: COLABORACIÓN CON RADIO ESTRADA O sábado 23 de novembro fomos a Radio Estrada, para dar a coñecer este novo proxecto que emprendemos desde o noso club de lectura, Carballeira.n1. O seu nome é “Estradenses nas ondas”, e desenvolverase os sábados, cada quince días, no programa das mañás que dirixe Isabel Durán. O seu propósito é seguir a estela de Olimpio Arca, e dar a coñecer entre os oíntes a historia que agochan os nomes das rúas da Estrada. Para tratar de acotar un pouco o noso traballo, decidimos comezar polos nomes de mulleres: Rosalía de Castro, Avelina Valladares (que comparte protagonismo co seu irmán, na rúa Irmáns Valladares) e Virxinia pereiras, a muller de Castelao. E así, este sábado, día 7 de decembro, iremos á Radio para explicar onde se atopa a rúa Rosalía de Castro, desde cando existe urbanizada, e ofrecer outros detalles técnicos da rúa. A seguir, catro rapazas do club de lectura (Irene, Ilary, Natalia e Kenia) entrevistarán en directo a Anxo Angueira, o Presidente da Fundación Castelao. Aí vos queda a gravación do primeiro programa!! Seguiremos informando!
FACENDO CLIK NA SEGUINTE FOTOGRAFÍA PODERÁS ESCOITAR O POD-CAST COA NOSA INTERVENCIÓN
|
|||
